Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Eзекиел 37: Библи, Мормоны Ном хоёр Есүс Христийн тухай гэрчилдэг

“Eзекиел 37: Библи, Мормоны Ном хоёр Есүс Христийн тухай гэрчилдэг,” Хуучин Гэрээний семинарын багшийн гарын авлага (2026)

“Eзекиел 37: Библи, Мормоны Ном хоёр Есүс Христийн тухай гэрчилдэг,” Хуучин Гэрээний семинарын багшийн гарын авлага

Езекиел 1–3; 33–34; 36–37; 47: 140-р хичээл

Eзекиел 37

Библи, Мормоны Ном хоёр Есүс Христийн тухай гэрчилдэг

2026 Old Testament Seminary Teacher Materials

Eзекиел 37-д Израилын бүх овог ирээдүйд Их Эзэнтэй дахин нэгдэн цугларах болно гэдгийг Езекиел харсан билээ ( Eзекиел 37:20-28-ыг үзнэ үү). Өнөө үеийн бошиглогчид Езекиелийн үзэгдлийг Иудагийн саваа (Библи) ба Иосефын саваа (Мормоны Ном) нь Есүс Христийг болон Түүний сэргээгдсэн сайн мэдээг хамтдаа гэрчлэхээр нэгдсэн гэрээнүүд юм хэмээн тайлбарладаг ( Eзекиел 37:15–17-г үзнэ үү). Энэ хичээл суралцагчдад Библи, Мормоны Ном хоёр Есүс Христ, Түүний сайн мэдээг хэрхэн хамтдаа гэрчилдгийг ойлгоход тусална.

Суралцагчийн бэлтгэл: Суралцагчдаас “Хэрэв та Библид итгэдэг юм бол танд яагаад Мормоны Ном хэрэгтэй вэ?” гэж асуусан хэмээн төсөөлж, тэд яаж хариулахыг хуваалцахаар бэлтгэхэд урь. Тэд найзаасаа эсвэл гэр бүлийнхээ гишүүдээс энэ асуултад хэрхэн хариулах байсныг асууж болно.

Боломжит суралцах үйл ажиллагаа

Хоёр дахь баттай гэрч

Та олон нийтийн мэдээллийн хэрэгсэл дээр “Хэрэв та нар Библид итгэдэг юм бол Мормоны Ном яагаад хэрэгтэй вэ?” гэсэн асуулт бүхий пост харсан гэж төсөөл.

Та энэ асуултыг тунгаан бодоход суралцагчдыг уриад, асуултыг самбарт бич. Дараа нь суралцагчдыг өөрсдөөсөө асуухад урь:

Та нар энэ асуултад хариулж чадна гэдэгтээ хэр итгэлтэй байна вэ?
Хэрэв найз тань энэ асуултыг асуувал та юуг хуваалцах байсан бэ?

Өнөөдөр Eзекиел 37-г судлахдаа Библи, Мормоны Ном хоёр нь Есүс Христийг мөн Түүний сайн мэдээг хэрхэн гэрчилдгийг таньж мэдэхэд Ариун Сүнсний тусламжийг эрэлхийл. Хичээлийн төгсгөлд та энэ асуултад хариулах дадлага хийх боломжтой болно.

Иудейн саваа ба Иосефын саваа

Вавилонд боолчлогдсон Израилчуудад наманчлалыг тунхаглахын тулд бошиглогч Езекиел илгээгдсэн билээ. Езекиел 37-д тэрхүү бошиглогч урвалтын улмаас сүнслэг байдлаараа үхсэн Израилын угсааныхан сайн мэдээний Сэргээлтээр амилах болно хэмээн Их Эзэн заасан үзэгдлийг цэдэглэсэн. Энэ үзэгдлийн хүрээнд Езекиел захиас бичиж болох хоёр саваа юм уу модон хавтангуудыг харжээ.

Суралцагчдыг дараах судрын хэсгийг судлах үед та тэдэнд “Иудагийн саваа” бол Библи юм гэдгийг онцлон хэлж өгч болно. “Иосефын саваа” гэдэг нь Мормоны Ном юм (Судруудын удирдамж, “Ефраим”; “Иуда”-г үзнэ үү). Суралцагчид энэ мэдээллийг судрынхаа 16-р шүлэг-ийн хажууд тэмдэглэж болно.

Езекиел 37:15–17 бол төгс эзэмших сургаалын хэсэг юм. Төгс эзэмших сургаалын хэсгүүдийг хялбархан олохын тулд өвөрмөц аргаар тэмдэглэхэд суралцагчдыг урихыг бодож үзээрэй.

Eзекиел 37:15–20-ийг уншаад, хожмын өдрүүд дэх судруудын талаарх Их Эзэний амлалтуудыг олж мэд.

“Чиний гарт тэдгээрийг нэг болохоор нийлүүл” (17-р шүлэг) гэсэн эшлэл ямар утгатай вэ?

Библи, Мормоны Ном хоёр Аврагчийн тухай “нэг” гэрчлэл болохыг бидэнд ойлгуулахын тулд ерөнхийлөгч Рассэлл М. Нэлсон ийн заасан:

14:33

Библи, Мормоны Ном хоёр хоёулаа Есүс Христийг гэрчилдэг. Тэд Түүнийг Бурханы Хүү байсныг мөн Тэрээр үлгэр жишээч амьдралаар амьдaрч, бүх хүн төрөлхтний төлөө Цагаатгал хийж, загалмай дээр нас баран, амилсан Их Эзэний хувиар үхлээс босож ирснийг заадаг. Тэдгээр нь Түүнийг дэлхийн Аврагч хэмээн заадаг.

Судрын гэрчүүд бие биеэ гэрчилдэг. Мормоны Номыг ‘та нар [Библид] итгэж болно хэмээх зорилготойгоор бичсэн юм; мөн хэрэв та нар [Библид] итгэх аваас та нар түүнчлэн [Мормоны Номд] итгэх болно’ [Мормон 7:9] гэж нэгэн бошиглогч эрт үед бичсэнээр энэ үзэл баримтлал тайлбарлагдана. Ном бүр нөгөөгөө эшилдэг. Хоёр ном хоёул Бурхан амьд бөгөөд Өөрийн бошиглогчдод өгдөг илчлэлтээр дамжуулан хүүхдүүдтэйгээ ярьдгийг нотолдог. …

Өнөөдөр дэлхийн олон оронд амьдардаг Гэгээнтнүүд Библи (Иудейн саваа) болон Мормоны Номыг (Ефраимын саваа) гартаа хамтад нь баяртайгаар барьж байна. (“Scriptural Witnesses,” Liahona, 2007 оны 11-р сар, 43, 44)

Та нар Eзекиел 37:15–20 шүлэг болон ерөнхийлөгч Нэлсоны хэлсэн үгсээс сурч мэдсэн зүйлээ хэрхэн нэгтгэн дүгнэх вэ?

Суралцагчид өөр өөрөөр хариулж болох ч Библи, Мормоны Ном хоёр хоёулаа Есүс Христийг гэрчилдэг гэх мэт үнэнийг хуваалцахад тэдэнд тусал.
Библи, Мормоны Ном хоёр хоёулаа Есүс Христийн тухай гэрчилдэг байх нь яагаад чухал гэж та нар бодож байна вэ?

Есүс Христийн хамтарсан гэрчүүд

Дараах үйл ажиллагаа суралцагчдад Библи, Мормоны Ном хоёр нь Есүс Христ болон Түүний сайн мэдээг хэрхэн гэрчилдэг талаарх ойлголтоо лавшруулахад тусалж чадна.

Та доорх хүснэгтийн зарим хэсгийг эсвэл хүснэгтийг бүхэлд нь өгч болно. Суралцагчид ганцаараа, хамтрагчтайгаа эсвэл жижиг бүлгээр судлахаас хамаарч нэг эсвэл хэд хэдэн сэдвийг сонгох боломжтой.

Сайн мэдээний сэдэв	Хамтарсан судрууд
Сайн мэдээний сэдэв Есүс Христийн Цагаатгал	Хамтарсан судрууд Библи: Исаиа 53:3–5 Мормоны Ном: Aлма 7:11–13
Сайн мэдээний сэдэв Есүс Христийн ачаар бүх хүн амилна	Хамтарсан судрууд Библи: 1 Коринт 15:20–22 Мормоны Ном: Aлмa 11:42–45
Сайн мэдээний сэдэв Аврагч Өөрийн хүмүүсийг цуглуулж, гэтэлгэхээ амласан	Хамтарсан судрууд Библи: Езекиел 37:21–23, 26–27 Мормоны Ном: 1 Нифай 10:14
Сайн мэдээний сэдэв Есүс Христийн зан чанарууд	Хамтарсан судрууд Библи: Исаиа 63:7 Мормоны Ном: Moзая 4:11
Сайн мэдээний сэдэв Баптисм хүртэх тухай Аврагчийн зарлиг	Хамтарсан судрууд Библи: Матай 3:13–17 Мормоны Ном: 2 Нифай 31:5–12
Сайн мэдээний сэдэв Та сэдэв сонго	Хамтарсан судрууд Библи: Мормоны Ном:

Суралцагчдад сурч мэдсэн зүйлээ хуваалцах боломж олгох аргыг бодож ол. Суралцагчдад олон нийтийн мэдээллийн хэрэгсэл дээр пост оруулахад ашиглах тараах материал өгөх нь ийн үйлдэх арга байж болно. Хэрэв суралцагчид олон нийтийн мэдээллийн хэрэгслийн талаар сайн мэддэггүй бол үүний оронд бусадтай хуваалцах зүйлээ жүжигчилсэн тоглолт байдлаар илэрхийлэх үйл ажиллагаа хийж болно. Энэ үйл ажиллагаагаар суралцагчдыг хичээлийн эхэнд тавьсан асуултад хариулахад урь.

Өөрийнхөө судалсан сэдвүүдээс нэгийг сонгоод, “Та Библид итгэдэг юм бол Мормоны Ном яагаад хэрэгтэй юм бэ?” гэсэн асуултад хариулахад ашиглаж болох постыг олон нийтийн мэдээллийн хэрэгсэл дээр байрлуул. Библи болон Мормоны Номоос өөрийн судалсан шүлгүүдээсээ хавсаргаарай. Библи болон Мормоны Номын аль алинаас олж мэдсэн үнэ цэн, тэдгээрт Есүс Христийн тухай мөн Түүний сайн мэдээний талаар хэрхэн заадгийг тайлбарла.

Сурч мэдсэн зүйлээ хуваалцах

Та суралцагчдын пост, зурагт хуудсуудыг ангийн эргэн тойронд ханан дээр нааж эсвэл ширээн дээр байрлуулж болно. Дараа нь суралцагчдыг ангийг тойрон алхаж, ангийнхныхаа ажлыг харахад урь. Тэдэнд дараах заавруудыг гүйцэтгэхэд ашиглах жижиг цаас эсвэл наадаг цаас өг.

Олон нийтийн мэдээллийн хэрэгсэл дээр оруулсан бусад постын аль нэгэнд эсвэл хэд хэдэн постод “сэтгэгдэл” бич. Сэтгэгдэлдээ дараах сонголтуудаас багадаа нэгийг оруул:

Аврагчийн тухай болон энэ сэдвийн талаар илүү ойлголттой болоход нь хэн нэгэнд туслах нэмэлт эшлэлийг Библи эсвэл Мормоны Номын аль алинаас нэмж оруул. Хуваалцсан судрынхаа утга санааны талаар цөөн хэдэн бодол санаагаа багтаа.
Библи, Мормоны Ном хоёр Аврагч болон энэ сургаалыг ойлгоход тань хэрхэн тусалсан талаар хуваалц.
Библи эсвэл Мормоны Номын судрууд Аврагч болон Түүний сайн мэдээний тухай таны гэрчлэлийг өсгөхөд тусалсан тохиолдлын талаар бич.
Өөрийн бодлыг цаасан дээр бичихээс илүүтэй Аврагчийн тухай мөн Түүний сайн мэдээний сургаалын талаар өнөөдөр юу сурч мэдсэнээ олон нийтийн мэдээллийн хэрэгсэл дээр өөрийн хувийн орон зай дээрээ хуваалц. Судрын хэсгүүдийг оруулаад, Библи, Мормоны Ном хоёр Есүс Христийн сайн мэдээг сайтар ойлгоход тань хэрхэн тусалсан талаар бич.

Та Есүс Христийн тухай болон Түүний сайн мэдээний талаарх ойлголтоо лавшруулахад Библи, Мормоны Ном хоёрыг үргэлжлүүлэн ашиглахад суралцагчдыг уриад хичээлээ дуусгаж болно.

Цээжлэх

Та энэ хичээлийн турш төгс эзэмших сургаалын эшлэл, судрын түлхүүр үг хэллэгийг цээжлэхэд нь суралцагчдад тусалж, дараагийн хичээлүүд дээр давтаж болно. “Езекиел 37:15–17” дэх түлхүүр үг хэллэг бол “Чиний гарт Библи, Мормоны Ном хоёрыг нэг болохоор нийлүүл” юм. “Төгс эзэмших сургаалыг давтах үйл ажиллагаа” хэсгийн хавсралт материалуудад цээжлэх үйл ажиллагаанд зориулсан санаанууд бий.

Нэмэлт эх сурвалжууд

Библи, Мормоны Ном хоёулаа байх нь яагаад чухал вэ?

Далын ерөнхийлөгчийн зөвлөлд үйлчилж байхдаа ахлагч Тэд Р.Каллистэр ийн заасан:

10:15

Бүгдээрээ Библиэс заадаг атлаа яагаад дэлхий дээр ийм олон Христийн шашны урсгал байдаг талаар та гайхаж байсан уу? Учир нь тэд Библийг өөр өөрөөр тайлбарладаг. Тэд ижил тайлбарладаг байсан бол дэлхий дээр нэг л сүм байх байсан. Их Эзэн ийм олон урсгалтай байхыг хүсдэггүй бөгөөд төлөөлөгч Паул “нэг Эзэн, нэг итгэл, нэг баптисм” (Ефес 4:5) хэмээн тунхагласан. Нэгдмэл байхад туслахын тулд Их Эзэн гэрчүүдийн талаар тэнгэрлэг хуулийг өгсөн. “Хоёр юм уу гурван гэрчийн амаар ямар ч үг батлагддаг” (2 Коринт 13:1) хэмээн Паул заасан юм.

Библи, Мормоны Ном хоёр хоёулаа Есүс Христийг гэрчилдэг. (“The Book of Mormon—a Book from God,” Liahona, 2011 оны 11-р сар, 75).

Арван хоёр төлөөлөгчийн чуулгын ахлагч Л.Том Пэрри (1922–2015) ийн заасан:

14:28

Библи ч, Мормоны Ном ч дангаараа хангалттай биш юм. Христийн бүтэн хийгээд бүрэн сургаалыг зааж, судлахад энэ хоёрын аль аль нь шаардлагатай. Нөгөөгийнх нь хэрэгцээ аль нэгийг нь багасгадаггүй. Библи, Мормоны Номын аль аль нь бидний аврал, өргөмжлөлд шаардлагатай. Ерөнхийлөгч Эзра Тафт Бэнсон “Библи, Мормоны Номыг хамтад нь хэрэглэхэд буруу хуурмаг сургаалууд үгүйсгэгддэг” (“A New Witness for Christ,” Ensign, 1984 оны 11-р сар, 8). (“The Power of Deliverance,” Liahona, 2012 оны 5-р сар, 96)

Нэмэлт суралцах үйл ажиллагаа

Мормоны Номын захиас

Хичээл дээр суралцагчдыг судалж мэдсэн зүйлээрээ олон нийтийн мэдээллийн хэрэгслийн пост бэлдэхээс өмнө Сүмийн удирдагчийн олон нийтийн мэдээллийн хэрэгсэл дээр оруулсан саяхны нэг постыг жишээ болгон өгөх нь тустай байж болно. Эсвэл ChurchofJesusChrist.org дээрх “What Is the Book of Mormon?” (0:57) видео бичлэгээс Мормоны Ном хэрхэн Есүс Христийн тухай гэрчилдэг Библийн хамтрагч болдгийг үзүүлж болно.

0:58

Хоёр гэрчийн адислал

Чухал үнэнүүдийн хоёр дахь гэрчтэй байхын ач холбогдлыг заахдаа үзүүлэнт хичээлийг ашиглаж болно. Хичээлийн эхэнд самбарын гол хэсэгт хуудас цаасыг нэг соронзоор тогтоож байрлуул. Зөвхөн нэг соронзоор тогтоосон цаасыг хэдэн янзаар эргүүлж болохыг бодоход суралцагчдыг урь. Дараа нь хоёр дахь соронзыг цаасан дээр байрлуулаад суралцагчдыг олж харсан ялгаагаа хуваалцахад урь. Өөр нэг арга бол самбарт нэг цэг зураад, уг цэгийг хэчнээн шулуун шугамаар (хязгааргүй) дайруулан зурж болохыг асууж болно. Дараа нь самбарт хоёр цэг зураад, суралцагчдаас хэчнээн шулуун шугамаар (нэг) тэдгээрийг дайруулан зурж болохыг асуу.

Иуда, Иосеф хоёрын саваануудын цуглуулах хүч

Суралцагчдыг Иуда, Иосеф хоёрын “саваануудыг” хамтад нь цуглуулах тухай ярилцаж байх хооронд та тэднийг Eзекиел 37:15–17 шүлгийг 2 Нифай 3:12 шүлэгтэй холбох эсвэл холбосон эшлэл болгоход урьж болно. Самбарт “Библи, Мормоны Ном хоёр хамтдаа …” зэрэг үнэний хэсгээс бичээд суралцагчдыг 2 Нифай 3:12-ыг ашиглан тухайн эшлэлийг гүйцээн бичихэд урь. Суралцагчид дараах байдлаар жагсаан бичиж болно:

Буруу сургаалуудыг илчилдэг.
Зөрчилдөөнийг шийдвэрлэдэг.
Амар амгаланг тогтоодог.
Лихайн үр удамд өвөг дээдсээ мэдэхэд тусалдаг.
Их Эзэний бүх хүнд Түүний гэрээнүүдийн тухай мэдэхэд тусалдаг.

Суралцагчид Библи, Мормоны Ном хоёрын ачаар өөрсдөө эсвэл таньдаг хэн нэгэн нь хэрхэн энэ адислалыг хүртсэн тухай хуваалцаж болно.

“Чиний гарт нэг болохоор нийлүүл” (Eзекиел 37:17)

Езекиелийн бошиглол хэрхэн бидний үед биелсээр байгааг суралцагчдад ойлгуулахын тулд та тэднийг Gospel Library-н сүүлийн үеийн зарим үйлдлүүдтэй танилцаж, судлахад урьж болно. Суралцагчид Библи, Мормоны Ном өнөө үед бидний гар дээр хэрхэн нэг болсныг олж мэдэх боломжтой. Зүүлт тайлбарын холбоос, видео, зурагнуудыг онцолж болно. Суралцагчдыг Судруудын удирдамж дахь “Есүс Христ” гэсэн гарчгийн доорх Библи, Мормоны Ном хоёрын холбогдох эшлэлүүдийг олж харахад урь.

Суралцагчдыг энэ бошиглол хэрхэн биелсээр байгааг судалсны дараа та 1982 онд Библи болон Мормоны Номыг хэвлэсэнтэй холбоотой зарим түүхийг тэдэнтэй хуваалцаж болно. Уг хэвлэлд анх удаа Библийн шүлгүүдийг Мормоны Номын холбогдох эшлэлүүдтэй холбосон зүүлт тайлбаруудыг багтаасан байна. Энэхүү бүтээлийн нарийн төвөгтэй хэвлэлтийн ажлын талаар Арван хоёр төлөөлөгчийн чуулгын ерөнхийлөгч Боид К.Пакэр (1924–2015) ийн хуваалцсан билээ (“Scriptures,” Ensign, 1982 оны 11-р сар). Та суралцагчдад өөрсдийн цахим төхөөрөмж дээрээ энэ яриаг үзэх боломжтой QR кодын холбоосыг өгч болно. Суралцагчид 1982 оны хэвлэлийн ажилд тулгамдаж байсан бэрхшээлтэй асуудлууд болон өнөөгийн Gospel Library-г үүсгэн бий болоход хөтөлсөн техник технологийн гайхамшгуудын талаар ярилцаж болно.

1982 онд бүрэн эхээр хэвлэгдэж гарахаас өмнө “Есүс Христ” гарчгийн доор тэдний хянан оруулсан холбогдох эшлэлүүдийг ашиглах боломжгүй байсан гэдгийг онцолж болно.

Та энэ үйл явцыг тайлбарласан ерөнхийлөгч Пакэрийн яриаг “Scriptures” видео бичлэгээс үзүүлэх боломжтой (видео бичлэгийн 3:17–10:09 хүртэлх хэсэг).

18:30