Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Езекиел 47: Ариун сүмийн адислалууд

“Езекиел 47: Ариун сүмийн адислалууд,” Хуучин Гэрээний семинарын багшийн гарын авлага (2026)

“Eзекиел 47: Ариун сүмийн адислалууд,” Хуучин Гэрээний семинарын багшийн гарын авлага

Езекиел 1–3; 33–34; 36–37; 47: 141-р хичээл

Езекиел 47

Ариун сүмийн адислалууд

Их Эзэн бидэнд ариун сүмд шүтэн биширснээр олон адислалыг хүртээдэг билээ. Езекиел хожмын үеийн ариун сүм Иерусалимд баригдах болно хэмээх үзэгдлийг үзэв. Тэрээр энэ ариун сүмээс ус урсан гарч, эргэн тойрны газрыг эдгээж, Сөнөсөн тэнгист амь өгөхийг харжээ. Уг үзэгдэл биднийг Их Эзэний ариун сүмд Түүнийг шүтэн бишрэх үед бидэнд өгдөг адислалуудыг бэлгэддэг. Энэ хичээл Ариун сүмд Бурханыг шүтэн бишрэх хүсэл эрмэлзлээ нэмэгдүүлэхэд суралцагчдад тусална.

Суралцагчийн бэлтгэл: Суралцагчдад дараах асуултуудыг өгч, хариултыг нь хуваалцах бэлтгэлтэй ирэхийг урих талаар бодож үз.

Боломжит суралцах үйл ажиллагаа

Ариун сүмд шүтэн бишрэх хүсэл

Ариун сүмд очиж, Их Эзэнийг шүтэн бишрэх хүслээ тунгаан бодоход нь суралцагчдад туслах аргаар хичээлээ эхлүүл. Ийн үйлдэхийн тулд та тэдэнд ариун сүмийн зураг үзүүлж болно. Дараах асуултуудын аль нэгэнд хариулсан суралцагчдын хариултуудыг ариун сүмийн зургийн нэг талд, үлдсэн асуултад өгсөн хариултуудыг нөгөө талд бич.

Өсвөр насныхан ариун сүмд орж, шүтэн бишрэхийг хүсэх ямар шалтгаанууд байдаг вэ?
Тэд ариун сүмд орохыг хүсэхгүй байх ямар шалтгаанууд байдаг вэ? Үүнийг юу хэцүү болгодог байж болох вэ?

Өөрийгөө үнэлэх асуултууд суралцагчдад хувийн өсөлт хөгжил, суралцах боломжуудаа тодорхойлоход тусалдаг. Суралцагчдыг дараах асуултад хариулах үедээ өөрсдийнхөө талаар эргэцүүлэн бодох цаг гаргахад урь.
Ариун сүмд шүтэн бишрэх таны хүсэл хэр хүчтэй вэ? Яагаад?
Ариун сүмд очих таны хүсэлд юу саад болж байж болох вэ?

Та нар өнөөдөр Езекиелийг судлахдаа ариун сүмд очиж, шүтэн бишрэх хүслээ нэмэгдүүлэхийн тулд Их Эзэний тусламжийг эрэлхийл.

Езекиелийн ариун сүмийн тухай үзэгдэл

Тайлбар: Суралцагчдад Их Эзэний хайрыг ойлгуулахын тулд энэ хичээлээр адислалууд ариун сүмээс бус, харин ариун сүмээр дамжуулан Их Эзэнээс ирдэг гэдгийг ойлгож авахын чухлыг онцолж хэл.

Eзекиел 47-д Езекиел ариун сүмийн болон гэр бүлийн түүхийн ажил хийдэг бүх хүнд Их Эзэнээс ирдэг адислалуудыг бэлгэдсэн нэгэн үзэгдлийг харжээ. Тэнгэрийн элч Езекиелийг Иерусалимын ариун сүмийн үүдэнд дагуулан очсоноор энэ үзэгдэл эхэлдэг.

Езекиел 47:1-ийг уншаад ариун сүмээс юу гарч ирдгийг олж мэд.

Ус яагаад Их Эзэний адислалуудад тохиромжтой бэлгэдэл байж болох вэ?

Ус амьдралыг тэтгэдэг, хүн бүрд хэрэгтэй, цэвэршүүлдэг мөн бүх хүнд хүртээмжтэй гэх мэтээр хариулж болно. Аврагч мөнх бус тохинууллынхаа үеэр Өөрийгөө болон адислалуудаа амийн устай зүйрлэдэг ( Иохан 4:10; 7:37–39-ийг үзнэ үү).

Тохой урт гэдгийг тохойноос хурууны үзүүр хүртэл ойролцоогоор 18-аас 21 инч буюу 45-аас 53 см урттай тэнцэх хэмжүүрийн нэгж гэдгийг тайлбарлах нь дараах үйл ажиллагаанд тустай байж болно.

Eзекиел 47:2–5-ыг уншаад ариун сүмээс урсан гарсан ус хэр гүнзгий болсныг олж мэд.

Энэ түүхэнд цэдэглэгдсэн Их Эзэний сургаал ихээхэн дүрслэл агуулдаг тул бидний сурч буй зүйлийг зураглан үзүүлэх нь тустай байж болно. Судлах тэмдэглэлийнхээ хуудсыг хоёр хуваагаад дээд талд ариун сүм болон түүнээс урсан гарч байгаа усыг энгийнээр дүрслэн зур. (Дараа нь хуудасны доод талд ус хаашаа чиглэн урсаж байгааг дэлгэрэнгүй зурах болно.)

Их Эзэн энэ үзэгдэлд ариун сүмээр дамжуулан өгдөг адислалуудынхаа талаар юу заасан гэж та нар бодож байна вэ?

Суралцагчдаас ийн асуу:

Хэрэв та нараас ямар ч амьдрал үгүй, өөдлөн дэвждэггүй газрыг төлөөлөх зүйл зурахыг хүсвэл та нар юу зурах байсан бэ? Яагаад?

Езекиелийн үед Иерусалимд байсан хүмүүсээс ийн асуусан бол тэд Иудейн цөл юм уу Сөнөсөн тэнгис гэж хариулах байсан байх. Сөнөсөн тэнгис ан амьтан, ургамал ногоог тэтгэх чадваргүйн улмаас ийн нэрлэгдсэн билээ. Мөн ус нь давстай тул уух боломжгүй юм. Хэрэгтэй гэж үзвэл Gospel Library дахь Судлах тусламж эсвэл Bible Appendix хэсэгт байгаа Сөнөсөн тэнгис орчмын цөл газрыг харуулсан “Иудейн цөл” (Bible Photographs, no. 3) зургийг суралцагчдад үзүүл. Тэд мөн “Ариун Газрын бодит газрын зураг”-аас (Bible Maps, no. 1) Иудейн цөл болон Сөнөсөн тэнгисийг олж харж болно.

Eзекиел 47:8–9, 12-ыг уншаад, ариун сүмээс урсан гарсан ус хүрсэн бүхэнд тэр дундаа Сөнөсөн тэнгист яаж нөлөөлснийг юу гэж цэдэглэснийг олж мэд.

Езекиелийн үзэгдлээс сурч мэдсэн зүйлээ та нар хэрхэн нэгтгэн дүгнэж хэлэх вэ?

Ойлголтоо гүнзгийрүүл

“Ариун сүмийн адислалууд” тараах материалыг уншаад, та нарт онцгой санагдсан адислалуудын доогуур зур эсвэл дугуйл.

Суралцагчид зурсан зургийнхаа ариун сүмээс урсан гарч байгаа устай хэсэгт эдгээр адислалыг бичиж болно. Тэд мөн ариун сүмээр дамжуулан Их Эзэний бидэнд өгдөг нэмэлт адислалуудыг нэмж бичиж болно.

Суралцагчдыг зурсан зураг, бичсэн адислалаа хамтрагчтайгаа эсвэл жижиг бүлэгтэйгээ хуваалцахад урих талаар бодож үз. Эсвэл та самбарт урсгал гол зураад, тэр голд өөрсдийн бодсон адислалуудаа бичихийг суралцагчдаас хүсэж болно. Мөн суралцагчид бусдын хуваалцсанаас санаж хадгалахыг хүссэн адислалуудыг зураг дээрээ нэмж болно.

Ямар адислалууд та нарт онцгой санагдсан бэ?

Дараах асуултыг асуухаас өмнө хэдэн хором тунгаан бодоход суралцагчдыг урь. Тэднийг хуваалцаж байх хооронд та дараахтай төстэй асуулт асууж болно: “Энэ нь яагаад таны хувьд утга учиртай вэ?” “Үүнтэй төстэй зүйл тохиолдсон өөр хүн байна уу?”, “Танд хуваалцсан зүйл дээрээ нэмж хэлэх зүйл байна уу?”

Хэрэв суралцагчид ариун сүмд очих боломжгүй хол зайтай газар амьдардаг, ариун сүмд орж байсан хэн нэгнийг таньдаггүй бол хоёр дахь асуултыг өөрчлөн тэд болон тэдний мэддэг хүмүүс ариун сүмд шүтэн бишрэхээр бэлдэж байхдаа ямар адислал хүлээн авсныг асуух талаар бод.
Та нарын тодорхойлсон адислал хэрхэн эдгэрэл авчирч, амьдрал өгч болох вэ?
Та нар эсвэл та нарын таньдаг хүмүүс ариун сүмд шүтэн бишрэхдээ Их Эзэнээс ирдэг эдгээр адислалаас алийг нь мэдэрч байсан бэ?

Ариун сүмийн талаарх та нарын мэдрэмж

Хичээлээ дуусгахдаа ариун сүмд очиж, шүтэн биширч, Их Эзэний адислалыг хүлээн авах үеийн мэдрэмжээ бичиж тэмдэглэх хэсгийг зураг дээрээ эсвэл судлах тэмдэглэлдээ оруулах талаар бодож үз. Мэдрэмжээ зөв, тодорхой бичихэд Ариун Сүнсний тусламжийг эрэлхийл.

Бодол санаа, гэрчлэлээ хуваалцахыг хүссэн суралцагчдыг урих талаар бодож үз. Та мөн өөрт төрсөн бодол, сэтгэгдлээ хуваалцаж болно.

Нэмэлт эх сурвалжууд

Би ариун сүмүүд болон Их Эзэний Өөрийн ариун сүмүүдээр дамжуулан бидэнд өгдөг адислалуудын талаар илүү ихийг хаанаас мэдэж авч болох вэ?

Илүү дэлгэрэнгүйг Есүс Христийн Хожмын Үеийн Гэгээнтнүүдийн Сүмийн ариун сүмийн талаарх цахим хуудсаас: https://folky.shop/temples

Сайн мэдээний сэдвүүдээс Ариун сүм гэснийг: https://folky.shop/study/manual/gospel-topics/temples үзнэ үү.

Томас С.Монсон, “Ариун сүмийн адислалууд,” Лиахона, 2010 оны 10-р сар, 12–19

Ариун сүмүүд Их Эзэнтэй хэрхэн холбогддог вэ?

Ерөнхийлөгч Рассэлл М.Нэлсон ийн заасан:

Ариун сүм бол Их Эзэний өргөө юм. Бүх ариун сүмийн ёслол, гэрээний үндэс суурь болох авралын төлөвлөгөөний зүрх нь Есүс Христийн Цагаатгал билээ. Бидний сүмд хийдэг бүх зүйл, үйл ажиллагаа, хичээл бүр Их Эзэн рүү болон Түүний ариун өргөө рүү чиглэдэг. (“Personal Preparation for Temple Blessings,” Ensign, 2001 оны 5-р сар, 32).

Нэмэлт суралцах үйл ажиллагаа

Хичээлийг эхлүүлэх өөр хувилбар

Суралцагчдад тустай гэж бодож байвал дараах үйл ажиллагаагаар эхлэх талаар бодож үз:

Танай гадасны ерөнхийлөгч өсвөр үеийнхний тусгай хорооны гишүүнээр таныг урьж байна гэж төсөөл. Танай гадасны зарим өсвөр үеийнхэн ариун сүмд очих хүсэлгүй байгаа мөн хожим нь ариун сүмд нэмэлт гэрээнүүд байгуулах бодолгүй байгаа гэдэгт гадасны ерөнхийлөгч тань санаа зовж байна. Тэрээр тантай дараах зүйлсийг ярилцахаар урьжээ:

Зарим өсвөр үеийнхэн яагаад ариун сүмд очихыг хүсэхгүй байж болох вэ?

Танай гадасны ерөнхийлөгч танаас дараах зүйлийг хийхдээ эдгээр шалтгаануудыг санаж явахыг хүсэж байна:

Ариун сүмээр дамжуулан Их Эзэний бидэнд өгдөг янз бүрийн адислалыг судлах.
Өсвөр үеийнхнийг ариун сүмд очих хүсэлтэй болоход нь туслах зорилготой жижиг зурагт хуудас хийх. Гадасны ерөнхийлөгч уг зурагт хуудсыг олшруулж, онцгой цугларалтын үеэр гадасны бүх өсвөр үеийнхэнд тараан өгөх болно.

Суралцагчдын хичээл дээр зурсан зургуудыг зурагт хуудас болгож болно. Эсвэл хичээлийн төгсгөлд суралцагчид өөр зураг зурж болно.

Гэрээ байгуулж сахих нь

Хэрэв та ариун сүмд очиход бэлтгэхийн тулд гэрээгээ сахихад анхаарал хандуулах хэрэгтэй гэж үзэж байвал суралцагчдад ариун сүмийн зураг үзүүл.

Ариун сүмүүд яагаад ариун нандин, цэвэр ариун газар байдаг вэ?

Eзекиел 44:5–9-ийг уншаад Их Эзэний хэн ариун сүмд орж болно, хэн орж болохгүй гэж айлдсаныг олж мэд. 9-ршүлэгт гардаг “зүрхэндээ хозлуулаагүй, бие махбоддоо ч хозлуулаагүй аливаа гаднын хүн” гэдэг нь Их Эзэнийг дагах гэрээг байгуулаагүй Израил биш хүн гэсэн утгатай болохыг тайлбарла.

Эдгээр шүлэгт үндэслэн Их Эзэний өргөөнд хэн орж болох тухай ямар зарчмыг бид мэдэж авч болох вэ? (Суралцагчид өөр өөрөөр хэлж болох ч хэрэв бид Их Эзэнтэй гэрээ байгуулж, түүнийгээ сахих аваас Тэр бидэнд Түүний ариун өргөөнд орохыг зөвшөөрөх болно гэдгийг тодорхой ойлгосон эсэхэд анхаар.)
Та нар яагаад Их Эзэн биднээс Түүний өргөөнд орохын өмнө тодорхой шаардлагуудыг биелүүлэхийг хүсдэг гэж бодож байна?

Ариун сүмийн зөвшөөрлийн бичгийн асуултуудыг уншаад, ариун сүмд шүтэн бишрэхэд зохистой байхын тулд бидний дагаж мөрдөх ёстой шаардлагуудыг олж мэдэхийг суралцагчдаас хүс. Ямар нэгэн асуулт байвал асуухыг тэднээс хүс. Эдгээр шаардлагын дагуу амьдарснаар ариун сүмд Их Эзэнтэй нэмэлт гэрээ байгуулахад биднийг хэрхэн бэлдэж болох талаар бодлоо хуваалцахыг тэднээс хүс.