Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Езекиел 1–3; 33: “Би чамайг харуулаар өглөө”

“Езекиел 1–3; 33: ‘Би чамайг харуулаар өглөө,’” Хуучин Гэрээний семинарын багшийн гарын авлага (2026)

“Езекиел 1–3; 33: ‘Би чамайг харуулаар өглөө,’” Хуучин Гэрээний семинарын багшийн гарын авлага

Езекиел 1–3; 33–34; 36–37; 47: 138-р хичээл

Езекиел 1–3; 33

“Би чамайг харуулаар өглөө”

A man standing under the awning of a small stone tower, looking out over the surrounding landscape.

Энэ дэлхийд олон сүнслэг аюул учирч буй үед бид хэрхэн аюулгүй байж чадах вэ? Их Эзэн бошиглогчдыг сэрэмжлүүлж, биднийг хамгаалах харуулаар дууддаг. Их Эзэн Езекиелийг Израилчуудын гэрт харуулаар дуудсан билээ ( Eзекиел 3:16–17-г үзнэ үү). Энэ хичээл суралцагчдын Их Эзэний бошиглогчдын сэрэмжлүүлгийг анхааран сонсох хүслийг нэмэгдүүлэхэд тусалж чадна.

Суралцагчийн бэлтгэл: Суралцагчдыг Судруудын удирдамж дахь “Бошиглогч”-ийг эсвэл Gospel Library дахь Сэдэв ба асуултаас “Бошиглогчид”-ыг уншихад урь. Тэд бошиглогчдын үүргийн талаар судалж болох бөгөөд бошиглогчид энэ үүргээ хэрхэн биелүүлдэг талаар эргэцүүлэн бодож болно.

Боломжит суралцах үйл ажиллагаа

Их Эзэний бошиглогчийн талаарх мэдрэмж

Дараах өгүүлбэрийг нэг эсвэл түүнээс олон хариултаар гүйцээн судлах тэмдэглэлдээ бич:

Би бошиглогчийг харахдаа, түүний ярьж буйг сонсохдоо, эсвэл түүний бичсэн үгийг уншихдаа …

Бичсэн зүйлээ ангийнхантайгаа сайн дураараа хуваалцахад суралцагчдыг урь. Тэднийг хуваалцаж, сонсох үед Ариун Сүнс тэдний оюун ухааныг гэгээрүүлж, зүрх сэтгэлийг зөөлрүүлж, Эзэний бошиглогчийг дагах хүсэл тэмүүллийг өдөөж чадна гэдгийг та тайлбарлаж болно.

Их Эзэн Езекиелийг бошиглогчоор дуудав

Езекиелийг бусад Израилчуудын хамт Вавилонд олзолж аваачсан байв. Олзлогдсон үед нь түүн дээр Их Эзэн ирж, түүнийг бошиглогчоор дуудсан ( Eзекиел 1–2-ыг үзнэ үү). Их Эзэн тэрслүү, зөрүүд, гөжүүд сэтгэлтэй хүмүүст үгийг нь номлох үед Езекиелийг хүчирхэгжүүлнэ гэдгээ амласан билээ ( Eзекиел 3:7–9-ийг үзнэ үү).

Eзекиел 3:16–17 бол төгс эзэмших сургаалын хэсэг юм. Төгс эзэмших сургаалын хэсгүүдийг хялбархан олохын тулд өвөрмөц аргаар тэмдэглэхэд суралцагчдыг урихыг бодож үзээрэй.

Езекиел 3:10–11, 16–17-г уншаад, Их Эзэн Езекиелд бошиглогчийн үүргийнх нь талаар юу заасныг олж мэд.

Та нар юу олж мэдсэн бэ?

Суралцагчдад харуулын дүр төрхийг ойлгоход нь туслахын тулд энэ хичээлд орсон Каркасоны зургийг үзүүлж, ахлагч Нийл Л.Андэрсэний хэлсэн үгийг танилцуулж болно.

Арван хоёр төлөөлөгчийн чуулгын ахлагч Нийл Л.Андэрсэн ийн тайлбарлажээ:

16:4

Каркасон бол дундад зуунаас хойш оршин тогтнож буй Францын алдарт цайз бүхий хот юм. Бэхлэгдсэн ханануудаасаа давж харагдах өндөр цамхгуудыг нь ирж буй дайсныг холоос өдөр, шөнөгүй ажиглан үүн дээр зогсох харуулуудад зориулан барьсан юм. Харуул дайсан ирж явааг хараад, сэрэмжлүүлгийн дуу хоолойгоороо Каркасоны хүмүүсийг өөрсдөд нь харагдахгүй байгаа аюулаас хамгаалдаг байсан.

Бошиглогч бол бидэнд харагдахгүй байгаа сүнслэг аюулаас биднийг хамгаалах цамхаг дээрх харуул билээ. (“Бурханы бошиглогч,” 2018 оны 4-р сарын Ерөнхий чуулган, 30)

Та нар Езекиел 3:16–17 болон ахлагч Андэрсэний бошиглогчдын талаар заасан зүйлсийг хэрхэн нэгтгэн дүгнэх вэ?

Суралцагчдад Их Эзэн биднийг сүнслэг аюулаас сэрэмжлүүлэхээр бошиглогчдыг харуулаар дууддаг гэдгийг ойлгоход нь тусал. Өнөө үед Тэргүүн зөвлөл болон Арван хоёр төлөөлөгчийн чуулга Их Эзэний бошиглогчдын хувиар үйлчилж байна гэдгийг тайлбарлаж өг. Хэрэв суралцагчид бэлтгэх үйл ажиллагааг гүйцэтгэж дуусгасан бол тэд сурч мэдсэн зүйлээ дараах хэлэлцүүлгийн хэсэг болгон хуваалцах боломжтой.

Яагаад “харуулууд” гэж нэрлэх нь бошиглогчдын үүргийг тодорхойлох сайн арга вэ?

Eзекиел 33-т Их Эзэн Езекиелд харуулаар үйлчилж, Бурханы захиасыг Израилчуудтай хуваалцах үүрэг хариуцлагыг нь дахин заасан байдаг ( Eзекиел 33:1–7-г үзнэ үү).

Eзекиел 33:9–11-ийг уншаад, Их Эзэн яагаад Өөрийн хүмүүст сэрэмжлүүлэхийг хүсдэгийг олж мэд.

11-р шүлэг Тэнгэрлэг Эцэг, Есүс Христ хоёрын талаар бидэнд юу зааж чадах вэ?

Бошиглогчдын сэрэмжлүүлгүүд Бурханы хайрын баталгаа болдгийг Арван хоёр төлөөлөгчийн чуулгын ахлагч Д.Тодд Кристоффэрсон ийн хуваалцжээ:

15:15

Бидний Тэнгэрлэг Эцэг, Аврагч хоёр “ёс бус байдал хэзээ ч аз жаргал байгаагүй [бөгөөд ирээдүйд ч байх нь үгүй]” [Алма 41:40] гэдгийг сайн мэдэх тул биднийг зэмлэн буруушаахын оронд аз жаргалтай байлгахыг эрэлхийлэн, наманчлаасай гэж хүсдэг. Тиймээс Езекиел болон түүний өмнөх ба дараах бошиглогч бүр Бурханы үгийг зүрх сэтгэлийнхээ угаас ярихдаа бүгдэд бодгалийн дайсан болох Сатанаас татгалзан, “бүх хүмүүний агуу их Зуучаар дамжуулан, эрх чөлөөг болон мөнх амьдралыг сонгох[ыг]” [2 Нифай 2:27] сэрэмжлүүлсээр ирсэн. (“Сэрэмжлүүлгийн дуу хоолой,” 2017 оны 4-р сарын Ерөнхий чуулган, 98)

Их Эзэн яагаад Өөрийн бошиглогчдыг харуулаар дууддагийг ойлгох нь тэднийг дагах бидний хүсэлд хэрхэн нөлөөлж болох вэ?

Харуулуудын сэрэмжлүүлэг

Дараах үйл ажиллагаа суралцагчдад Их Эзэний бошиглогчдоороо дамжуулан өгсөн сэрэмжлүүлгийн жишээнүүдийг ойлгоход туслах зорилготой. Суралцагчдыг дараах сонголтуудаас нэгийг сонгон судлахад урих талаар бодож үз:

Тэргүүн зөвлөл эсвэл Арван хоёр төлөөлөгчийн чуулгын гишүүдийн ойрын үед хэлсэн үгс
Төгс эзэмших сургаалын судрын эдгээр хэсгээс эсвэл сонгосон бусад судрын хэсгүүдээс: Исаиа 5:20; 1 Коринт 6:19–20 (мөн 18-р шүлэг үзнэ үү); 2 Нифай 2:27; 2 Нифай 32:8–9; Aлма 41:10; Сургаал ба Гэрээнүүд 64:9–11

Судлах сонголтоо хийснийх нь дараа суралцагчдад дараах зааврыг танилцуул:

Их Эзэний бошиглогчдын сургаалуудыг судалж, дараах зүйлсийг хуваалцахад бэлд:

Их Эзэний бошиглогчдоороо дамжуулан өгсөн сэрэмжлүүлгүүд.
Эдгээр сэрэмжлүүлгийг анхааран сонссоноор бидний хүлээн авч болох адислалууд, зайлсхийж чадах сорилт бэрхшээлүүд. Эдгээр нь та нарын судалсан зүйлсээс эсвэл та нарын бодол, туршлагаас гарах боломжтой.
Та нарт өгөгдсөн энэхүү сэрэмжлүүлэг бол Бурханы хайр ба биднийг аз жаргалтай байгаасай гэж хүсдэг Түүний хүслийн нотолгоо юм.

Та суралцагч бүрийг судлах явцынхаа 1-р алхамд олж мэдсэн нэг бошиглогчийн сэрэмжлүүлгийг сонгон, самбарт бичихэд урьж болно. Өөр нэг сонголт бол суралцагчид хуудас цаасан дээр сэрэмжлүүлгийг бичээд, ангийн эргэн тойронд наах байж болно. Бусдынхаа бичсэн сэрэмжлүүлгийг уншихад суралцагчдыг урь. Дараа нь ангиараа цөөн хэдийг сонгож аваад, илүү дэлгэрэнгүй ярилцаж болно. Сонгосон сэрэмжлүүлгүүдийг бичсэн суралцагчдаас судлах явцынхаа 2 эсвэл 3-р алхамд өгсөн хариултаа хуваалцахыг хүсэж болно.

Суралцагчид сонсож, хэлэлцүүлэгт оролцох үед тэднийг өөрсдийн нөхцөл байдал, хэрэгцээнийхээ талаар эргэцүүлэн бодоход урьж болно. Их Эзэнд тэдэнд зориулсан тодорхой сэрэмжлүүлэг эсвэл захиас байгаа эсэхийг эргэцүүлэн бодоход нь тэднийг урамшуулан дэмж.

Бошиглогчийг дагах

Хичээлийн туршид Ариун Сүнс та нарын бодол, мэдрэмжид Их Эзэн болон Түүний бошиглогчдын талаар юуг ухааруулсныг тунгаан бод. Судлах тэмдэглэлдээ дараах мөрүүдийн аль нэгийг эсвэл хоёуланг нь бичээд өөрийн бодол, мэдрэмжээ оруулж гүйцээ:

Их Эзэний болон Түүний бошиглогчдын талаар миний санаж байхыг хүсдэг зүйл бол …

Би Их Эзэний бошиглогчийг дагахыг хүсдэг учир нь …

Та хичээлээ дуусгахдаа цөөн суралцагчийг бичсэн зүйлээ хуваалцахад урьж болно. Та мөн хичээлээ бэлдэж, заахдаа Их Эзэн болон Түүний бошиглогчдын талаар өөрт төрсөн мэдрэмжүүдээсээ хуваалцаж болно.

Цээжлэх

Та энэ хичээлийн турш төгс эзэмших сургаалын эшлэл, судрын түлхүүр үг хэллэгийг цээжлэхэд нь суралцагчдад тусалж, дараагийн хичээлүүд дээр давтаж болно. “Бошиглогч бол ‘Израилын гэрт өгсөн харуул’” гэдэг нь Езекиел 3:16–17 шүлгийн түлхүүр хэсэг юм. “Төгс эзэмших сургаалыг давтах үйл ажиллагаа” хэсгийн хавсралт материалуудад цээжлэх үйл ажиллагаанд зориулсан санаанууд бий.

Нэмэлт эх сурвалжууд

Бошиглогчид юу харах боломжтой вэ?

Ерөнхийлөгч Рассэлл М.Нэлсон ийн тайлбарласан:

Бошиглогчид ирээдүйг урьдаас хардаг. Тэд дайсны бидний замд тавьсан эсвэл тавих гэж байгаа аймшигт аюул заналыг хардаг. Бошиглогчид дуулгавартай байх зорилготойгоор сонсдог хүмүүст ирэх агуу боломж, эрх мэдлийг урьдчилж хардаг. (“Жинхэнэ мянган жилийнхэн мэт зогс,” Ensign,, 2016 оны 10-р сар, 31; Лиахона, 2016 оны 10-р сар, 53)

Их Эзэний бошиглогчдыг дагаснаар бид ямар адислалуудыг хүлээн авч чадах вэ?

Арван хоёр төлөөлөгчийн чуулгын ахлагч Нийл Л.Андэрсэн ийн заасан:

16:4

Бурханы бошиглогчийн үгийг залбирч судлан, түүний сүнслэг өдөөлтөөр ирсэн сургаалтай өөрийн хүслийг анхааралтай, тэвчээртэй, сүнслэгээр нийцүүлэх юм бол Их Эзэн Есүс Христэд итгэх бидний итгэл үргэлж өсдөг гэдгийг би амьдралаасаа олж мэдсэн билээ. Хэрэв бид түүний зөвлөгөөг үл тоомсорлож, өөрсдийгөө илүү дээр мэдлэгтэй гэж бодвол итгэл маань шаналж, мөнхийн хэтийн төлөв маань тодорхой бус болно. Та нар бошиглогчийг дагах шийдвэр төгс хэвээр байснаар Аврагчид итгэх та нарын итгэл өсөн нэмэгдэнэ гэдгийг би амлаж байна. (“Бурханы бошиглогч,” 2018 оны 4-р сарын Ерөнхий чуулган)

Далын ахлагч Аллэн Д.Хэйни ийн заасан.

11:22

Дэлхийн өнөөгийн нөхцөлд байдал зарим хүнийг үймж сандрахад хүргэдэг. Бид Бурханы гэрээт хүүхдүүдийн хувьд энэ хэцүү цаг үеийг хэрхэн туулахаа мэдэхийн тулд энэ тэрийг дагаж хуйлрах шаардлагагүй. Бид огтхон ч айх шаардлагагүй. Бид сүнслэг байдлын хувьд тэсэж үлдэхийн тулд, мөн бие махбодын хувьд эцсээ хүртэл тэвчихийн тулд дагах ёстой сургаал болон зарчмуудыг амьд бошиглогчийн үгнээс олдог. (“Хожмын үеийн амьд бошиглогч,” Лиахона, 2023 оны 5-р сар, 26)

Нэмэлт суралцах үйл ажиллагаа

Хам сэдвийг судлах нь

Та дараах шүлгийг ашиглан суралцагчдад Езекиелийн бошиглогч болох дуудлагын талаар дэлгэрэнгүй судлахад тусалж болно:

Ангийн тал суралцагчийг Eзекиел 2:3–5; 3:7 шүлгүүдийг уншиж, Израилыг Их Эзэн хэрхэн дүрсэлснийг олж мэдэхэд урь.
Үлдсэн суралцагчдыг Eзекиел 2:6–7; 3:4, 10–11 шүлгүүдийг уншаад, Езекиелд өгсөн Их Эзэний зөвлөгөөг олж мэдэхэд урь.

Суралцагчид олж мэдсэн зүйлсээ хуваалцсаны дараа та дараах зүйлсийг хэлэлцэж болно:

Та нар Их Эзэний талаар юу олж мэдсэн бэ? Түүний бошиглогчдын талаар юу хэлэх вэ?

Бошиглогчдын талаар олж мэдсэн зүйлээ хэрэгжүүлэх нь

Суралцагчдаас Их Эзэний бошиглогчдын талаарх ойлголт, сэтгэгдлээ тунгаан бодохыг хүсэхээс илүүтэй сурч мэдсэн зүйлсээ амьдралдаа хэрэгжүүлэх нь зохистой гэдгийг та тэдэнд ойлгуулан хичээлээ дуусгаж болно. Ийн үйлдэхийн тулд дараах жишээнүүдийг тэдэнд харуулж болно:

Арван хоёр төлөөлөгчийн чуулгын ахлагч Нийл Л.Андэрсэн ийн заасан.

16:4

Ирээдүйн нэгэн өдөр, бид мөнх бус байдлаа эргэн хараад, амьд бошиглогчийн үед амьдарч байсандаа баясан цэнгэх болно. Тэр өдөр бид ийнхүү хэлж залбираасай.

Бид түүнийг сонссон.

Бид түүнд итгэсэн.

Бид түүний үгсийг итгэлтэй бас тэвчээртэй судалсан.

Бид түүний төлөө залбирсан.

Бид түүний хажууд зогссон.

Бид хангалттай даруу байж, түүнийг дагасан.

Бид түүнийг хайрласан. (“Бурханы бошиглогч,” 2018 оны 4-р сарын Ерөнхий чуулган)

Ахлагч Андэрсэний биднийг хэлж залбираасай гэж хүссэн үгнүүдээс нэг эсвэл хэд хэдийг сонгоход суралцагчдыг урьж болно. Тэднийг судлах тэмдэглэлдээ юу хийхээ, мөн эдгээр үг нь тэдний амьдралд хэрхэн үнэн байж болох талаар дэлгэрэнгүй бичихэд урь.

Бошиглогчдын үүрэг

Eзекиел 3:16–17-г ярилцсаны дараа суралцагчдыг Eзекиел 3:18–19-ийг (мөн Езекиел 33:6–8-ыг үзнэ үү) уншаад, Их Эзэн Езекиелд хүмүүсийг сэрэмжлүүлэх үүргийнх нь талаар юу гэж хэлснийг олж мэдэхэд урь.

Эдгээр шүлэгт бичсэний дагуу бошиглогчид Их Эзэний үгсийг яагаад бидэнтэй хуваалцдаг вэ?

Ерөнхийлөгч Рассэлл М.Нелсон Их Эзэний бошиглогчийн хувьд Түүний өмнө хүлээсэн үүргийн талаар өөрийн сэтгэгдлээс ийн хуваалцжээ:

61:35

Би энэ дэлхий дээр Бурханы бошиглогчийн хувьд гүйцэтгэсэн ажил үүргээ хэзээ нэгэн өдөр … Их Эзэнд тайлагнах тэрхүү өдөрт яг одоо бэлтгэж байна. “Нэлсон ах аа, та өсвөр үеийнхэнд Израилын цугларалт дахь тэдний оролцооны талаар илүү тодорхой хэлж болоогүй юм уу? Тэднийг энэ ажилд оролцуулахад илүү зоригтой элсүүлэхгүй яасан юм бэ?” гэсэн асуултыг би тэднээс сонсмооргүй байна.

Тиймээс, одоо би Израилын цугларалтад туслах Их Эзэний өсвөр үеийнхний армид Есүс Христийн Хожмын Үеийн Гэгээнтнүүдийн Сүмийн 12-оос 18 насны бүх залуу эмэгтэй, залуу эрэгтэйг элсэн орохыг урьж байна. (“Израилын найдвар” [Өсвөр үеийнхэнд зориулсан дэлхий даяарх онцгой цугларалт, 2018 оны 6-р сарын 3], Gospel Library)

Та мөн бошиглогчид энэ үүргийнхээ улмаас өөрсдийг нь олны дунд алдаршуулах зүйлсийг хуваалцахаас илүү Их Эзэний тэднээр дамжуулахыг хүссэн захиаст анхаарлаа хандуулдаг гэдгийг тайлбарлаж өгч болно.

Бидний гэм нүглийг дурсахгүй

Наманчлалын талаар бошиглогчдын сэрэмжлүүлгийг дагаснаар ирэх адислалыг ойлгоход нь туслахын тулд Eзекиел 33:14–16-г уншихад суралцагчдыг урь.

Бид наманчлалын зарчмын талаар юу мэдэж авах вэ?

Та суралцагчдыг Eзекиел 33:16 шүлгийг Исаиа 1:18 болон Сургаал ба Гэрээнүүд 58:42–43 гэсэн төгс эзэмших сургаалын хэсгүүдтэй холбох юм уу эсвэл солбицсон эшлэл болгоход урьж болно. Биднийг наманчлах үед Их Эзэн бидний гэм нүглийг бүрэн дүүрэн өршөөнө гэдгийг ойлгоход суралцагчдад тусал.

Энэ үнэнийг ойлгож авах нь Тэнгэрлэг Эцэг, Есүс Христ хоёрын тухай таны бодол санаанд хэрхэн нөлөөлж байна вэ?