Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Siviʻi Hono 6 Hoʻo Akó: 1 Ngaahi Tuʻi 17–ʻĒseta

“Siviʻi Hono 6 Hoʻo Akó: 1 Ngaahi Tuʻi 17–ʻĒseta,” Fuakava Motuʻá – Tohi Lēsoni ʻa e Faiako Seminelí (2026)

“Siviʻi Hono 6 Hoʻo Akó: 1 Ngaahi Tuʻi 17–ʻĒseta,” Fuakava Motuʻá – Tohi Lēsoni ʻa e Faiako Seminelí

ʻĒseta: Lēsoni 96

Siviʻi Hono 6 Hoʻo Akó

A young man in the corner of a room measuring his height.

ʻE lava ke tokoni ʻetau fakakaukau mo siviʻi ʻetau ako fakalaumālié ke tau ʻunu ofi ange ai ki he Tamai Hēvaní mo Sīsū Kalaisi. ʻOku fakataumuʻa ʻa e lēsoni ko ʻení ke tokoni ke fakakaukau ʻa e kau akó ki he ngaahi taumuʻa kuo nau fokotuʻú pea mo e tupulaki kuo nau aʻusia lolotonga ʻenau ako ʻa e 1 Ngaahi Tuʻi 17–ʻĒsetá.

Teuteu ʻa e tokotaha akó: Fakaafeʻi e kau akó ke nau omi mateuteu ke vahevahe ha potufolofola ʻoku mahuʻingamālie kiate kinautolu mei heʻenau ako e Fuakava Motuʻá. Kole ange ke nau fakakaukau ki he founga ʻoku tokoniʻi ai kinautolu ʻe he potufolofola ko iá ke nau muimui ʻia Sīsū Kalaisí.

Ngaahi ʻEkitivitī Ako ʻOku Ala Fakahokó

Mahalo naʻe nofotaha ʻa e ako hoʻo kalasí ʻo e 1 Ngaahi Tuʻi 17–ʻĒsetá ʻi ha ngaahi ola kehekehe mei he ngaahi ola naʻe vakaiʻi ʻi he lēsoni ko ʻení. Kapau ko ia, liliu e ngaahi ʻekitivitií ke siviʻi e tupulaki ne aʻusia ʻe he kau akó mei he ngaahi ola ne nau tokanga taha ki ai ʻi he kalasí.

ʻE maʻu ʻe he kau akó ʻi he lēsoni ko ʻení ʻa e faingamālie ke siviʻi ʻenau fakalakalaka ʻi he ongo ʻēlia ko ʻení:

Ongoʻi ha loto-holi lahi ange ke fakafalala ki he ʻEikí ke maʻu ha mālohi mo ha fakahaofí. (Fakatokangaʻi ange: ʻOku fakatefito ʻa e ʻekitivitī ko ʻení ʻi he ngaahi akonaki mei he Lēsoni 74: “1 Samuela 17”; Lēsoni 85: “2 Ngaahi Tuʻi 6”; Lēsoni 86: “2 Ngaahi Tuʻi 18–20”; Lēsoni 95: “ʻĒseta Konga 2.”)
Ko e hoko ko ha ākonga ʻa Sīsū Kalaisí. (Fakatokangaʻi ange: ʻE lava ke fakaʻaongaʻi ʻe he ʻekitivitī ko ʻení ha faʻahinga lēsoni pē naʻe fakatefito ʻi hono faʻu ha palani pe fokotuʻu ha taumuʻa ke fakaʻaongaʻi. ʻOku ʻikai ʻamanaki ia ʻe maʻu ʻe he kau akó ʻa e ngaahi lēsoni takitaha ko ʻeni ʻoku hiki fakataha mo e ʻekitivitií ke mateuteu ki he sivi ko ʻení.)

Tupulaki Fakalaumālié

Fakaafeʻi e kau akó ke fakafehoanaki honau māʻolungá he taimí ni ki he taimi naʻa nau kei siʻi aí.

Te ke lava ʻo fakaʻaliʻali ʻa e fakatātā ʻi he kamataʻanga ʻo e lēsoní.

ʻE fakafehoanaki fēfē hono ʻiloʻi ʻetau liliú ki hono ʻiloʻi ʻetau tupulaki fakalaumālié?
Ko e hā ha ngaahi founga te tau lava ai ʻo ʻiloʻi ʻa e founga ʻoku tau tupulaki fakalaumālie ai mo hoko ʻo hangē ko e Fakamoʻuí?

ʻI hono aleaʻi ʻe he kau akó ʻa e ngaahi fehuʻí, mahalo te ke fie tokoni ke nau fakatokangaʻi ʻoku ʻikai ʻiloʻi fakaʻaho ʻa e tupu hotau māʻolungá, ka ʻi he fakalau ʻa e taimí. Ko e meʻa tatau pē, ʻoku faʻa fakatokangaʻi ʻetau tupulaki fakalaumālié ʻi he taimi ʻoku tau toe vakaiʻi ai ʻetau moʻuí ʻi he hili ha ngaahi taimi lahi. Hangē ko ʻení, mahalo te tau ongoʻi ha holi mālohi ange ke fai lelei (vakai, Mōsaia 5:2), hoko ʻo fai maʻu pē ʻetau lotú mo e ako folofolá, pe ʻofa lahi ange ki he niʻihi kehé.

Fakaafeʻi e kau akó ke fakakaukau ki he meʻa kuo nau ako ʻi he kalasí ʻi he ngaahi uike siʻi kuohilí pea mo ha faʻahinga ongo fakalaumālie pē ne nau maʻu. ʻE lava ke toe vakaiʻi ʻe he kau akó ʻa e ngaahi fakamatala kuo nau hiki ʻi he tohinoá pea mo e ngaahi potufolofola kuo nau lau pe fakaʻilongaʻí. Fakakaukau ke fakaʻatā e kau akó ke nau tali e ongo fehu‘i ko ʻení ‘i heʻenau tohinoa akó kimu‘a pea aleaʻi fakakalasi iá.
Ko e hā ha meʻa kuó ke ako pe ongoʻi lolotonga hoʻo ako ʻa e Fuakava Motuʻá?
Ko e hā ha ngaahi founga kuo tokoniʻi ai koe ʻe he ngaahi moʻoni kuó ke ako mo fakaʻaongaʻí ke ke muimui ʻia Sīsū Kalaisí?

Ongoʻi ha loto-holi lahi ange ke fakafalala ki he ʻEikí ke maʻu ha mālohi mo ha fakahaofi

ʻI hono ako ʻe he kau akó ʻa e Fuakava Motuʻá, mahalo naʻe ueʻi fakalaumālie kinautolu ʻe he ngaahi sīpinga ʻa e ʻEikí ʻi hono tāpuakiʻi ʻa e niʻihi fakafoʻituitui naʻa nau fakafalala kiate Ia ke maʻu ha mālohi mo ha fakahaofí.

Fakakaukau ke fakaʻaliʻali e ngaahi fakamatala ko ʻení ke tokoni ke manatuʻi ʻe he kau akó ʻa e ngaahi sīpinga ne nau toki akó. Ko e founga ʻe taha ke fai ai ʻení ko hono fakaʻaliʻali e ngaahi fakamatala ko ʻení taʻe kau ai e hingoa ʻo e kau leá. Hiki ʻa e ngaahi hingoá ʻi ha hokohoko kehe. Fakaafeʻi leva ʻa e kau akó ke nau fakatauhoa ʻa e fakamatalá mo e tokotaha naʻá ne lea ʻakí.

Kapau ʻe lava, te ke lava foki ʻo fakaʻaliʻali ha ngaahi ʻīmisi ʻoku fekauʻaki mo e tokotaha fakafoʻituitui takitaha.

Tēvita—“ʻOkú ke haʻu kiate au ʻaki ʻa e heletā, mo e tao, pea mo e pā: Ka ʻoku ou ʻalu atu kiate koe ʻi he huafa ʻo e ʻEikí ʻo e ngaahi kau taú, ko e ʻOtua ʻo e ngaahi tau ʻa ʻIsilelí” (1 Samuela 17:45).

The boy David (from the Old Testament) is bent over with his slingshot in his left hand. Goliath, in full armor, is falling back as the stone hits him. The army can be seen in the background.

ʻIlaisa—“ʻOua naʻá ke manavahē: he ko kinautolu ʻoku kau mai kiate kitauá ʻoku tokolahi hake ʻiate kinautolu ʻoku kau kiate kinautolú” (2 Ngaahi Tuʻi 6:16).

Hesekaia—“Ke mou mālohi mo loto-toʻa, ʻoua naʻa manavahē … he ʻoku ʻiate kitautolu ʻa e tokolahi hake ʻiate kinautolu ʻoku ʻiate iá. ʻOku ʻiate ia ʻa e nima fakakakano; ka ʻoku ʻiate kitautolu ʻa [e ʻEikí] ko hotau ʻOtua ke tokoni ʻa kitautolu, pea ke fai ʻetau ngaahi taú” (2 Fakamatala Meʻa Hokohoko 32:7–8).

King Hezekiah and the people are gathered at the temple. Levites and priests are also seen playing musical instruments as the people joyfully sing.

ʻĒseta—“Ko au mo ʻeku kau fefiné te mau ʻaukai foki, pea ko ia te u hū ai ki he tuʻí, ʻa ia ʻoku ʻikai taau mo e fonó: pea kapau te u mate ai, te u mate pē” (ʻĒseta 4:16).

Mormon Messages: Having Courage & Trusting the Lord: Stand Up for What You Believe In

Mahalo te ke fie fakamanatu ki he kau akó ʻa e ngaahi ʻekitivitī mei he ngaahi lēsoni fekauʻaki mo e niʻihi fakafoʻituitui ko ʻení. ʻE lava ke tokoni ʻeni ke manatuʻi ʻe he tokotaha akó ʻa e ngaahi ongo mo e ngaahi fakakaukau naʻa nau maʻu lolotonga ʻenau akó.

ʻE lava ke manatuʻi ʻe he kau akó ʻa e foʻi maka naʻa nau tā ke fakafofongaʻi ha founga ʻe taha ke fakaʻaongaʻi ai ʻenau tui kia Sīsū Kalaisí mo honau faingataʻaʻiá ʻi he Lēsoni 74: “1 Samuela 17.”

ʻE lava ke manatuʻi ʻe he kau akó ʻa e lisi ʻo e ngaahi founga ʻoku tokangaʻi mo tokangaekina ai kitautolu ʻe he ʻEikí ʻi he Lēsoni 85: “2 Ngaahi Tuʻi 6.”

ʻE lava ke manatuʻi ʻe he kau akó ʻa e founga naʻe fakahaofi ai ʻe he ʻEikí ʻa e Tuʻi ko Hesekaiá mo e kau Siú ʻi he Lēsoni 86: “2 Ngaahi Tuʻi 18–20.”

Mahalo ʻe manatuʻi ʻe he kau akó ʻa e founga naʻa nau toe tohi foʻou ai ʻa e ʻĒseta 4:16 ʻi he Lēsoni 95: “ʻĒseta Konga 2.”

Kuo ueʻi fakalaumālie fēfē koe ʻe he ngaahi founga naʻe tāpuekina ai ʻe he ʻEikí ha toko taha pe tokolahi ange ʻo e niʻihi fakafoʻituitui ko ʻení?

Hili hono toe vakaiʻi e ngaahi fakamatala fakafolofolá, fakaafeʻi e kau akó ke nau fakakaukau ki heʻenau ngaahi ongó. Ko e founga ʻe taha ke fai ai ʻení ko hono fakaafeʻi e kau akó ke tali ha fehuʻi ʻe taha pe lahi ange mei he ngaahi fehuʻi ko ʻení ʻi heʻenau tohinoa akó. Hili ha taimi feʻunga, ʻe lava ke vahevahe ʻe ha kau ako ʻe loto-fiemālié ʻenau ngaahi fakakaukaú mo e ngaahi ongó mo e kalasí.
Ko e hā ha meʻa ʻokú ke ako fekauʻaki mo e Tamai Hēvaní mo Sīsū Kalaisi ʻe lava ʻo tokoni atu ke ke falala kiate Kinaua ke maʻu ha mālohi mo ha fakahaofí?
Ko e hā ha meʻa kuó ke aʻusia kimuí ni mai kuó ne fakatupulaki hoʻo holi ke falala ki he Tamai Hēvaní mo Sīsū Kalaisi ke maʻu ha mālohi mo ha fakahaofí?

Hoko ko ha ākonga ʻa Sīsū Kalaisi

Fili 1

Mahalo kuo maʻu ʻe he kau akó ha ngaahi faingamālie lahi ʻi he ngaahi lēsoni kimui ní ke fakaloloto honau tuʻunga fakaākonga kia Sīsū Kalaisi mo ʻEne ongoongoleleí. Ko ha lisi ʻeni ʻo e ngaahi lēsoni ʻe lava ke fokotuʻu ai ʻe he kau akó ha ngaahi taumuʻa ke fakaloloto honau tuʻunga fakaākongá:

ʻI he Lēsoni 81: “1 Ngaahi Tuʻi 17,” naʻe fakaafeʻi ʻa e kau akó ke nau ngāue ʻi he tui lahi ange kia Sīsū Kalaisi ʻaki ʻenau muimui ki he ngaahi lea ʻa ʻEne kau palōfitá.

ʻI he Lēsoni 84: “2 Ngaahi Tuʻi 5,” naʻe fakaafeʻi e kau akó ke nau fai e fanga kiʻi meʻa iiki mo faingofua ʻoku kole mai ʻe he ʻEikí ke tau faí.

ʻI he Lēsoni 87: “2 Ngaahi Tuʻi 21–23,” naʻe fakaafeʻi e kau akó ke nau tafoki ki he ʻEikí ʻo fakafou ʻi heʻenau ako folofola fakatāutahá.

ʻI he Lēsoni 90: “2 Fakamatala Meʻa Hokohoko 14–16,” naʻe fakaafeʻi e kau akó ke nau faʻu ha palani ke fekumi ki he ʻEikí.

ʻI he Lēsoni 93: “Nehemaiá,” naʻe fakaafeʻi e kau akó ke nau tokanga taha pē ki he ngāue kuo foaki ange ʻe he Tamai Hēvaní ke nau faí.

ʻI he Lēsoni 95: “ʻĒseta, Konga 2,” naʻe fakaafeʻi e kau akó ke nau ngāue ʻi he loto-toʻa ke fai e finangalo ʻo e ʻEikí.

Fakakaukauʻi ʻi he faʻa lotu pe ko e ngaahi palani pe ngaahi taumuʻa fē naʻe fokotuʻu ʻe he kau akó ʻi he ngaahi lēsoni ko ʻení ke fakaloloto honau tuʻunga fakaākonga kia Sīsū Kalaisí. ʻOange ha faingamālie ki he kau akó ke fakafuofuaʻi ai ʻenau feinga ke muimuiʻi ʻenau ngaahi palaní mo e ngaahi taumuʻá. ʻE lava ke fakatokangaʻi ʻe he kau akó ʻenau ngaahi lavameʻá pea toe tukupā ke hoko atu ʻenau palaní. ʻE lava ke tokoni ʻa e fakatātā ko ʻení ki he kau akó ke hokohoko atu ʻenau feinga ke aʻusia ʻenau ngaahi taumuʻá.

Fili 2

ʻE lava ke fakaʻaongaʻi ʻa e fakamatala mo e fakatātā ko ʻení ke tokoni ki he kau akó ke nau ʻiloʻi mo tali ʻa e ngaahi ueʻi mei he Laumālie Māʻoniʻoní.

Fakakaukau ki he meʻa kuó ke ongoʻi naʻe ueʻi koe ʻe he Laumālie Māʻoniʻoní ke fai ʻi he ngaahi uike siʻi kuo maliu atú. Naʻe mei lava ke maʻu ʻa e ngaahi ueʻi ko ʻení ʻi ha ngaahi tūkunga kehekehe, kau ai ʻa ʻapi, ʻi he lotú, pe ʻi he seminelí. ʻI he ueʻi takitaha ʻokú ke fakatokangaʻí, fakakaukau ki he feituʻu ʻokú ke ʻi ai ʻi he fakatātā ko ʻení. Hiki hoʻo ngaahi fakakaukaú ʻi hoʻo tohinoa akó fekauʻaki mo e meʻa ʻokú ke ongoʻi ko e ngaahi sitepu hoko ia ke ke muimui ai ki he ngaahi ueʻi kuó ke maʻú.

ʻOange ha taimi ki he kau akó ke nau fakakaukauloto fakalongolongo ai mo lekooti ʻi heʻenau tohinoá. Hili ha taimi feʻunga, fakakaukau ke aleaʻi ha niʻihi ʻo e ngaahi fehuʻi ko ʻení mo e kau akó.

ʻOkú ke pehē ko e hā ha niʻihi ʻo e ngaahi sitepu faingataʻa ange ʻi he founga ko ʻení?
Ko e hā ha ngaahi founga te tau lava ai ʻo maʻu ha mālohi meia Sīsū Kalaisi ke ikunaʻi ʻa e ngaahi fakafeʻātungia ko ʻeni ki hotau tuʻunga fakaākongá?