Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Siviʻi Hono 2 Hoʻo Akó: Sēnesi 12–50; ʻĒpalahame 1–2

“Siviʻi Hono 2 Hoʻo Akó: Sēnesi 12–50; ʻĒpalahame 1–2,” Fuakava Motuʻá – Tohi Lēsoni ʻa e Faiako Seminelí (2026)

“Siviʻi Hono 2 Hoʻo Akó: Sēnesi 12–50; ʻĒpalahame 1–2,” Fuakava Motuʻá – Tohi Lēsoni ʻa e Faiako Seminelí

Sēnesi 42–50: Lēsoni 37

Siviʻi Hono 2 Hoʻo Akó

Portrait of Jesus Christ. There are clouds in the background.

ʻE lava ke tokoni ʻetau fakakaukau mo siviʻi ʻetau ako fakalaumālié ke tau ʻunu ofi ange ai ki he Tamai Hēvaní mo Sīsū Kalaisi. ʻOku fakataumuʻa ʻa e lēsoni ko ʻení ke tokoni ke fakakaukau ʻa e kau akó ki he ngaahi taumuʻa kuo nau fokotuʻú pea mo e tupulaki kuo nau aʻusia lolotonga ʻenau ako ʻa e Sēnesi 12–50 mo e ʻĒpalahame 1–2.

Teuteu ʻa e tokotaha akó: Fakaafeʻi e kau akó ke omi mateuteu ke vahevahe ha ngaahi founga kuo nau tupulaki fakalaumālie ai talu mei heʻenau ako ʻa e Fuakava Motuʻá mo e Mataʻitofe Mahuʻingá ʻi he taʻu ní. Mahalo te ke fie fokotuʻu ange ke nau toe vakaiʻi ʻenau tohinoa akó pe ngaahi fakamatala ʻi heʻenau folofolá ke tokoni ke nau fakatokangaʻi ʻenau tupulakí mo e akó.

Ngaahi ʻEkitivitī Ako ʻOku Ala Fakahokó

Mahalo naʻe nofotaha e ako hoʻo kalasí ʻo e ʻĒpalahame 1–2 mo e Sēnesi 12–50 ʻi ha ngaahi ola kehekehe mei he ngaahi ola ne siviʻi ʻi he lēsoni ko ʻení. Kapau ko ia, liliu e ngaahi ʻekitivitií ke siviʻi e tupulaki ne aʻusia ʻe he kau akó mei he ngaahi ola ne tokanga taha ki ai hoʻo kalasí.

ʻE maʻu ʻe he kau akó ʻi he lēsoni ko ʻení ʻa e faingamālie ke siviʻi ʻenau fakalakalaka ʻi he ʻēlia ʻe tolu ko ʻení:

Fakamatalaʻi e mahuʻinga ʻo e mali taʻengatá ʻi he palani ʻa e Tamai Hēvaní. (Fakatokangaʻi ange: ʻOku fakatefito ʻa e ʻekitivitī ko ʻení ʻi he ngaahi akonaki mei he Lēsoni 9: “Sēnesi 1:28–2:25” mo e Lēsoni 29: “Sēnesi 24.”)
Ongoʻi ha holi lahi ange ke fakahoko mo tauhi e ngaahi fuakava mo e ʻOtuá. (Fakatokangaʻi ange: ʻOku fakatefito ʻa e ʻekitivitī ko ʻení ʻi he ngaahi akonaki mei he Lēsoni 23: “Sēnesi 12, 17” mo e Lēsoni 31: “Sēnesi 28.”)
Kau ki hono tānaki fakataha ʻo ʻIsilelí. (Fakatokangaʻi ange: ʻOku fakatefito ʻa e ʻekitivitī ko ʻení ʻi he ngaahi akonaki mei he Lēsoni 24: “ʻĒpalahame 2:9–11.”)

Hoko ʻo Hangē Ange ko Sīsū Kalaisí

ʻE lava ke tokoni ki he kau akó ʻenau ʻiloʻi e founga ʻoku nau tupulaki fakalaumālie aí ʻi heʻenau feinga ke hoko ko ha kau ākonga ʻa Sīsū Kalaisí. Ke tokoni kiate kinautolu ke fakahoko ʻení, fakakaukau ke fakaʻaliʻali e ngaahi fakatātā ko ʻení. Pe ko hono tā ʻe he kau akó ha fakatātā ʻo ha fuʻu ʻakau ʻe ua ʻi heʻenau tohinoa akó: ko ha fuʻu ʻakau kei siʻi mo ha fuʻu ʻakau matuʻotuʻa.

Fakakaukauloto ko ha ongo fakatātā ʻeni ʻo e fuʻu ʻakau tatau naʻe faitaaʻi mavahevahe hili ha ngaahi taʻu siʻi. Hiki ʻi hoʻo tohinoa akó ha faʻahinga fakamoʻoni pē ʻokú ke sio ʻoku tupu ʻa e fuʻu ʻakaú.

ʻE lava ke ngāue ʻa e kau akó ʻi ha ngaahi hoa pe fanga kiʻi kulupu iiki ke vahevahe ʻenau lisí pea ke tali ʻa e ngaahi fehuʻi ko ʻení.

Te tau lava fēfē ʻo fakafehoanaki e ongo fakatātā ko ʻeni ʻo ha fuʻu ʻakaú ki heʻetau tupulaki fakalaumālié ke hoko ʻo hangē ko e Tamai Hēvaní mo Sīsū Kalaisí?
Ko e hā ha ngaahi founga te tau lava ai ʻo ʻiloʻi ʻa e founga ʻoku tau tupulaki fakalaumālie ai mo hoko ʻo hangē ko e Tamai Hēvaní mo Sīsū Kalaisí?

Fakamatalaʻi ange te tau lava ʻo ʻiloʻi ʻa e tupulaki fakalaumālié ʻaki haʻatau toe vakaiʻi ʻa e meʻa kuo tau ako fekauʻaki mo e Tamai Hēvaní mo Sīsū Kalaisí pea mo e founga kuo tokoniʻi ai kitautolu ke fakaleleiʻi hotau vā fetuʻutaki mo Kinauá.

Fakaafeʻi e kau akó ke fakaʻaongaʻi ha ngaahi miniti siʻi ke toe vakaiʻi e meʻa kuo nau ako mo fakaʻaongaʻi mei heʻenau aʻusia ʻi he seminelí he taʻu ní. Te nau lava ʻo fai ʻeni ʻaki haʻanau vakai ki heʻenau folofolá mo e ngaahi fakamatalá.

Ko e hā ʻokú ke ako ʻi he seminelí ʻokú ne tokoniʻi koe ke ke tupulaki fakalaumālie mo hoko ʻo hangē ange ko Sīsū Kalaisí?
Ko e hā ha fakamoʻoni ‘o e tupulaki fakalaumālié kuó ke fakatokangaʻi ‘i hoʻo moʻuí?

Fakamatalaʻi ʻa e mahuʻinga ʻo e mali taʻengatá ʻi he palani ʻa e Tamai Hēvaní

ʻE lava ke tokoni ʻa e ngāue ko ʻení ke mahino ki he kau akó ʻa e mahuʻinga ʻo e mali taʻengatá ʻi he palani ʻa e Tamai Hēvaní. Fakaafeʻi e kau akó ke nau vakai ki he fakatātā mahalo ne nau tā ʻi he Lēsoni 29: “Sēnesi 24.” ʻOange ha taimi ki he kau akó ke nau toe vakaiʻi e meʻa ne nau ako fekauʻaki mo e malí ʻi he Lēsoni 9: “Sēnesi 1:28–2:25” mo e Lēsoni 29: “Sēnesi 24.”

Simple drawing of the Salt Lake Temple with a mountain behnd it

ʻE lava ke toe vakaiʻi ʻe he kau akó ha faʻahinga fakamatala pe ʻilo ne nau lekooti ʻi heʻenau tohinoa akó. Te nau lava foki ʻo toe vakaiʻi ʻa e ngaahi veesi ko ʻení mo ha meʻa pē kuo nau fakaʻilongaʻi ai:

Sēnesi 1:27–28

Sēnesi 2:18, 21–24

Tokāteline mo e Ngaahi Fuakava 49:15–17

Tokāteline mo e Ngaahi Fuakavá 131:1–4

Ke tokoni ke fakamatalaʻi ʻe he kau akó ʻenau mahino ki he mali taʻengatá, vahevahe ha tūkunga hangē ko ʻení. Te ke lava ʻo liliu e tūkungá ke ne feau e ngaahi fiemaʻu hoʻo kau akó.

Naʻá ke talanoa he ʻahó ni ʻi he akó ki ha ngaahi palani ki he kahaʻú mo ha ngaahi kaungāmeʻa ʻe niʻihi. Naʻá ke lave ki he malí ko ha taha ia ʻo hoʻo ngaahi palaní. Naʻe fehuʻi atu ʻe ha taha ʻo ho ngaahi kaungāmeʻá: “ʻOku hangē ʻoku lahi e meʻa te ke malava ʻi hoʻo ngāue maʻuʻanga moʻuí. Ko e hā ʻokú ke fie mali aí?”

ʻI hoʻo fakaʻaongaʻi e meʻa kuó ke ako fekauʻaki mo e mali taʻengatá ʻi he palani ʻa e Tamai Hēvaní, te ke tali fēfē ki ho kaungāmeʻá?

Mahalo ʻe fakaʻaongaʻi ʻe he kau akó ha ngaahi miniti siʻi ke palani ʻenau ngaahi talí. Poupouʻi e kau akó ke kumi ha ngaahi potufolofola kuo nau ako ʻi he Fuakava Motuʻá pe ngaahi feituʻu kehe. Kole ange ke nau vahevahe e ngaahi veesi folofola ko iá ko ha konga ʻo ʻenau ngaahi fakamatalá.

Fakakaukau ke vahevahe tauhoa ʻa e kau akó. Fakaafeʻi e tokotaha ako takitaha ke akoako fakamatalaʻi e meʻa te nau lea ʻaki ki honau kaungāmeʻá.

Ongoʻi ha holi lahi ange ke fakahoko mo tauhi e ngaahi fuakava mo e ʻOtuá

Mahalo naʻe tā ʻe he kau akó ha fakatātā ʻo e misi ʻa Sēkopé ko ha konga ʻo e Lēsoni 31: “Sēnesi 28.” Te nau lava ʻo vakai ki heʻenau ngaahi fakatātaá ko ha konga ʻo ʻenau toe vakaiʻi e ngaahi fuakavá. Te ke lava foki ʻo fakaʻaliʻali ʻa e fakatātā ko ʻení. Fakaafeʻi e kau akó ke fakamanatuʻi e meʻa ʻoku nau manatuʻi mei he meʻa naʻe hokó ʻa ia ʻoku fakahaaʻi ai hono fakahoko mo tauhi e ngaahi fuakavá (vakai foki, Lēsoni 23: “Sēnesi 12, 17”). Kapau ʻe tokoni, ʻe lava ke toe vakaiʻi ʻe he kau akó ʻa e Sēnesi 28:10–21.

The Old Testament prophet Jacob (Israel) lying asleep under a tree. A depiction of Jacob's dream of a ladder and angels descending from heaven is portrayed in the background.

Mahalo te ke fie fakamanatu ki he kau akó naʻe fai ʻe Sēkope ha ngaahi fuakava mo e ʻOtuá hili ʻene mavahe mei he ʻapi ʻo ʻene ongomātuʻá pea kamata ʻene moʻuí ʻiate ia peé. ʻI he Lēsoni 31:Sēnesi 28, naʻe fakakaukau ai ʻa e kau akó ki he faingamālie te nau maʻu ke fakahoko ha ngaahi fuakava mo e ʻOtuá ʻi he temipalé. Mahalo naʻe hiki ʻe he kau akó ʻenau ngaahi talí ʻi heʻenau tohinoa akó ki he ngaahi fehuʻi ko ʻení:

Ko e hā ha ngaahi tāpuaki kuo talaʻofa mai kuó ke aʻusia ʻi hoʻo feinga ke tauhi hoʻo ngaahi fuakava mo e ʻOtuá pe tokoni ʻi he temipalé?
Ko e hā ha ngaahi tūkunga te ke ala fehangahangai mo ia ʻi he kahaʻú ʻa ia ʻe ʻaonga kiate koe ʻa e tokanga mo e maluʻi ʻoku talaʻofa ʻe he ʻOtuá ki he kakai ʻoku nau fai ha ngaahi fuakava mo Iá?

Kapau ʻe ʻaonga, fakaafeʻi e kau akó ke toe vakaiʻi e ngaahi tali ne nau lekōtí. Hili ha taimi feʻunga, ʻoange ki he kau akó ha pepa mo ha ngaahi sila ki he ʻekitivitī ko ʻení.

ʻI hono fakaʻaongaʻi ʻa e meʻa kuó ke ako fekauʻaki mo hono fakahoko mo tauhi e ngaahi fuakava mo e ʻOtuá, fai ha tohi kiate koe pē ʻa ia te ke lava ʻo fakaava ʻi he fakaʻosinga ʻo e ako māʻolungá. Tohi fekauʻaki mo e ʻuhinga ʻokú ke ongoʻi ai ʻoku mahuʻinga ke fakahoko mo tauhi e ngaahi fuakava mo e ʻOtuá ʻi he temipalé pea ʻi he toenga hoʻo moʻuí. Fakakau ai ʻa e founga ʻe lava ke fakatupulaki hoʻo maʻu e tataki, tokanga, mo e maluʻi ʻa e ʻOtuá ʻi hoʻo fakahoko ha ngaahi fuakava mo Iá.

Kau ki hono tānaki fakataha ʻo ʻIsilelí

ʻI he Lēsoni 24: “ʻĒpalahame 2:9–11,” mahalo naʻe faʻu ʻe he kau akó ha palani ke kau ʻi hono tānaki fakataha ʻo ʻIsilelí. Kapau ko ia, ʻoange ha taimi ki he kau akó ke toe vakaiʻi ʻenau palaní. Mahalo ne kau ʻi heʻenau palaní ha ngaahi founga ke vahevahe ai e ongoongoleleí, ke tokoniʻi e niʻihi kehé ke nau fakahoko pe tauhi e ngaahi fuakava mo e ʻEikí, pe tāpuekina e niʻihi kehé ʻo fakafou ʻi he ngāue fakatemipalé mo e hisitōlia fakafāmilí. ʻE lava ke fakaʻaongaʻi ʻe he kau ako ʻoku teʻeki ai ke nau faʻu ha palaní ʻa e fakatātā ko ʻení ke kamata hono faʻu iá.

Mahalo kuó ke ʻosi faʻu ha ngaahi palani ke kau ʻi hono tānaki fakataha ʻo ʻIsilelí. Fakakaukau ki he ngaahi palani ko ʻení ʻaki haʻo fakafonu ʻa e fakatātā ko ʻení ʻi hoʻo tohinoa akó.

Fakaafeʻi ha niʻihi tokosiʻi ʻo e kau akó ke vahevahe ʻa e ngaahi aʻusia kuo nau maʻu ʻi hono fakahoko ʻenau palaní pea mo e founga kuo tokoniʻi ai kinautolu ʻe he ngaahi aʻusia ko iá. Kole ki he kau akó ke vahevahe e founga kuo tākiekina ai ʻenau ongo ki he Tamai Hēvaní mo Sīsū Kalaisí ʻi heʻenau kau ki hono tānaki ʻo ʻIsilelí.

Fakaafeʻi e kau akó ke hokohoko atu ʻenau fekumi ki he tokoni ʻa e Laumālie Māʻoniʻoní ke ʻiloʻi e ngaahi founga te nau lava ai ʻo kau ʻi hono tānaki ʻo ʻIsilelí. Poupouʻi e kau ako ʻoku teʻeki ke nau ngāueʻi ha palaní ke kamata he taimí ni. Fakamoʻoni ki he ngaahi tāpuaki ʻe foaki ange ʻe he ʻEikí kiate kinautolu mo e niʻihi kehé ʻi heʻenau ngāueʻi ʻenau ngaahi palaní.

Ngaahi ‘Ekitivitī Fakalahi ki he Akó

Fakamatalaʻi ʻa e fuakava faka-ʻĒpalahamé

ʻI he Lēsoni 23: “Sēnesi 12; 17” mo e Lēsoni 24: “ʻĒpalahame 2:9–11,” naʻe ako ai e kau akó fekauʻaki mo e fuakava faka-ʻĒpalahamé. ʻE lava ke toe vakaiʻi ʻe he kau akó ha niʻihi ʻo e ngaahi potufolofola ko ʻení mo ʻenau ngaahi fakamatala mei heʻenau tohinoa akó ke manatuʻi e meʻa ne nau akó.

Ko e ngaahi tāpuaki ʻa e ʻEikí naʻe talaʻofa kia ʻĒpalahamé

Ko e ngaahi tāpuaki ʻa e ʻEikí naʻe talaʻofa maʻakú

Ko e ngaahi tāpuaki ʻa e ʻEikí naʻe talaʻofa kia ʻĒpalahamé

Sēnesi 12:2; 17:1–2, 4–6

Sēnesi 12:3; 17:7

Sēnesi 12:7; 17:8

ʻĒpalahame 2:11

Ko e ngaahi tāpuaki ʻa e ʻEikí naʻe talaʻofa maʻakú

Tokāteline mo e Ngaahi Fuakava 132:19–22, 30–31

ʻĒpalahame 2:9–11

Tokāteline mo e Ngaahi Fuakava 88:17–20

Tokāteline mo e Ngaahi Fuakava 84:33–38

Hili iá te ke lava ʻo vahevahe e kau akó ki ha ngaahi hoa. ʻE lava ke akoako fakahoko ʻe he hoa takitaha hono fakamatalaʻi ʻo e fuakava faka-ʻĒpalahamé mo e founga ʻe lava ke ne tāpuekina ai ʻetau moʻuí.

ʻE kau ʻi he ngaahi meʻa ʻe niʻihi ʻe ala vahevahe ʻe he kau akó ko ha konga ʻo ʻenau fakamatalá ʻa e:

Ngaahi fāmili taʻengatá (vakai, Tokāteline mo e Ngaahi Fuakava 132:19–22, 30, 31).

Ngaahi tāpuaki ʻo e fakamoʻuí mo e hakeakiʻí (vakai, ʻĒpalahame 2:9–11).

Ko ha tofiʻa ʻi he puleʻanga fakasilesitialé (vakai, Tokāteline mo e Ngaahi Fuakava 88:18–20).

Ngaahi tāpuaki ʻo e lakanga fakataulaʻeikí, kau ai e meʻa kotoa ʻoku maʻu ʻe he Tamaí (vakai, Tokāteline mo e Ngaahi Fuakava 84:33–38).