Ընտանիք

Կարդացեք և խորհեք Մովսես 5.12 հատվածի շուրջ։ Մտածեք այն կարևոր ճշմարտությունների ու դասերի մասին, որ այս ծնողները սովորեցրել էին իրենց երեխաներին։ Քույր Թամարա Վ. Ռունիյան ուսուցանել է, որ «ընտանիքները Աստծո կողմից տրված փորձաքար են, որտեղ մենք սովորում ենք, ուստի սխալ քայլերն ու սխալ հաշվարկները ոչ միայն հնարավոր, այլև հավանական են: Եվ հետաքրքիր չէ՞ր լինի, եթե մեր կյանքի վերջում տեսնեինք, որ այդ հարաբերությունները, նույնիսկ այդ դժվարին պահերը, հենց այն բաներն էին, որոնք օգնեցին մեզ ավելի նմանվել մեր Փրկչին: … Ընտանեկան հարաբերությունները … կատարյալ միջոց [են] մեզ սովորեցնելու այն դասերը, որոնք եկել ենք այստեղ սովորելու»։ Ձեր կարծիքով՝ ինչո՞ւ են ընտանիքները կարևոր Աստծո ծրագրի համար։ Ինչպե՞ս են ձեր ընտանեկան փորձառություններն օգնել ձեզ աճել և ավելի նմանվել Երկնային Հորը և Հիսուս Քրիստոսին: Ինչպե՞ս կարող է ձեր ընտանեկան կյանքի մասին «լաբորատորիայի» պես մտածելը ազդել ձեր ընտանիքի անկատարության հանդեպ ձեր վերաբերմունքի վրա։

Նախագահ Գորդոն Բ. Հինքլին տվել է այս խորհուրդը. «Տերը կարգել է, որ մենք ամուսնանանք, որ միասին ապրենք սիրո, խաղաղության և ներդաշնակության մեջ, որ երեխաներ ունենանք և դաստիարակենք նրանց Իր սուրբ ուղիներով: … Ի վերջո, ահա թե ինչի մասին է ավետարանը: Ընտանիքն Ամենազորի ստեղծագործությունն է: Դա հիմնական ստեղծագործությունն է։ Ազգի ամրապնդման ճանապարհը ժողովրդի տներն ամրացնելն է»: Քննարկեք, թե ինչու Աստված ուղարկեց մեզ երկիր ընտանիքներով և ինչպես է դա օգնում իրականացնել Նրա ծրագիրը: Ինչպե՞ս է մեր տների ամրապնդումը նպաստում մեր համայնքների ամրապնդմանը։ Այս գաղափարը լուսաբանելու համար կարող եք խաղալ մի խաղ, որը պահանջում է համատեղ աշխատանք: Օրինակ, դուք կարող եք ստեղծել մարդկային հանգույց (կազմեք շրջան և թող բոլորը բռնեն երկու տարբեր մարդկանց ձեռքերը) և միասին աշխատեք, որպեսզի արձակվեք առանց ձեռքերը բաց թողնելու: Կամ կարող եք շարք կազմել՝ ելնելով ինչ-որ առանձնահատկությունից՝ առանց խոսելու (օրինակ՝ ծննդյան ամսվա, աչքի գույնի կամ հասակի)։ Այնուհետև խոսեք այն մասին, թե ինչպես է ընտանիքով միասին աշխատելն օգնում իրականացնել Երկնային Հոր նպատակներն Իր զավակների համար:

Վարդապետություն և Ուխտեր 49․15-17, Մովսես 2․27-28

Դ. Թոդ Քրիստոֆերսոն, «Ինչո՞ւ ամուսնանալ, ինչո՞ւ ընտանիք ունենալ», Լիահոնա, մայիս 2015, 50-53

Կարդացեք հետևյալ պատմություններն այն ծնողների մասին, ովքեր ուսուցանել են իրենց երեխաներին. Մոսիա 1.2-8, Հելաման 5.4-12. (Կարող եք նաև կարդալ Բ Օրենք 6.4-7, 11.19-21, Եսայի 54․13, 2 Նեփի 25.26 ծնողական դաստիարակության մասին լրացուցիչ մտքերի համար)։ Ի՞նչ ավետարանի սկզբունքներ են ուսուցանել այս ծնողները: Ինչո՞ւ են այդ սկզբունքները կարևոր, որ երեխաները սովորեն այսօր։ Ինչպե՞ս կարող եք օգնել ձեր երեխաներին կամ հարազատներին սովորել և ապրել այդ ճշմարտություններով։ Կարող եք նաև մտածել ձեզ ծանոթ օրինակելի ծնողների մասին։ Ի՞նչ եք սովորում նրանցից այն մասին, թե ինչպես են արդար ծնողները սովորեցնում Աստծո զավակներին։

Նախագահ Ռասսել Մ. Նելսոնը տվել է հետևյալ խորհուրդը. «Մի փորձեք ղեկավարել ձեր երեխաներին: Փոխարենը, լսեք նրանց, օգնեք նրանց սովորել ավետարանը, ոգեշնչեք նրանց և առաջնորդեք դեպի հավերժական կյանք: Դուք Աստծո գործակալներն եք երեխաների մասին հոգ տանելու գործում, որոնց Նա վստահել է ձեզ: Թող Նրա աստվածային ազդեցությունը մնա ձեր սրտերում, երբ դուք ուսուցանում և համոզում եք»: Ինչպե՞ս կարող եք պատվել Աստծո վստահությունը ձեր հանդեպ՝ ջանասիրաբար ուսուցանելով ձեր երեխաներին ավետարանը։ Ինչպե՞ս կարող եք հարգել ձեր երեխաների կամքի ազատությունը, մինչ առաջնորդում եք նրանց դեպի հավերժական կյանք: Մտածեք, թե ինչպես կարող եք թույլ տալ, որ Նրա ազդեցությունն ամեն օր առաջնորդի ձեզ ձեր ջանքերում։

Միասին կարդացեք Մովսես 3.21-24 հատվածները: Այնուհետև կարդացեք երեց Նիլ Լ. Անդերսենի այս միտքը. «Ի սկզբանե, Աստված հիմնեց ամուսնությունը տղամարդու և կնոջ՝ Ադամի և Եվայի միջև: Նա նախատեսեց, որ ամուսնության նպատակները պետք է վեր լինեն անձնական բավարարվածությունից և չափահասների կայացումից, իսկ որ առավել կարևոր է, պետք է զարգանան, ստեղծելով կատարյալ միջավայր` երեխաներ ունենալու, մեծացնելու և դաստիարակելու համար: Ընտանիքները երկնքի գանձն են»: Կարող եք օգտագործել գանձերի արկղ կամ արկղի մի նկար, երբ խոսեք սուրբ գրությունների հատվածի և երեց Անդերսենի հայտարարության մասին: Այնուհետև դուք կարող եք գրել մի բան, որը կօգնի ստեղծել կատարյալ միջավայր, որպեսզի երեխաները սովորեն և աճեն ավետարանում:

Նայեք կից նկարին և խոսեք այն մասին, թե ինչու է տան հիմքն այդքան կարևոր: Երեց Թեդ Ռ. Քալիսթերն ուսուցանել է․ «Ավետարանի գլխավոր ուսուցիչները մեր երեխաների համար պետք է լինենք մենք՝ ծնողներս. ո՛չ եպիսկոպոսը, ո՛չ Կիրակնօրյա դպրոցը, ո՛չ Երիտասարդ կանանց, ո՛չ էլ Երիտասարդ տղամարդկանց կազմակերպությունը, այլ` ծնողները: Որպես ավետարանի գլխավոր ուսուցիչներ՝ մենք կարող ենք նրանց ուսուցանել Քավության զորությունն ու իրականությունը, իրենց ինքնությունն ու աստվածային ճակատագիրը, և այդպես, տալ նրանց այն վեմը, որի վրա նրանք կարող են կառուցել: Ինչ էլ որ ասվի ու արվի, Հիսուս Քրիստոսի ավետարանի ուսուցման համար կատարյալ հարթակը տունն է»: Կարող եք խոսել ավետարանի ուսուցման կազմակերպված հնարավորությունների կարևորության մասին, բայց նաև քննարկել, թե ինչպես է մեր երեխաներին ուսուցանելը հաճախ տեղի ունենում բնականորեն, մինչ մենք զբաղված ենք մեր ամենօրյա գործերով: Կիսվեք ձեր ունեցած ոչ պլանավորված ուսուցման փորձառություններով և այն ամենով, ինչ սովորել եք այս փորձառություններից: Ինչպե՞ս կարող են այս կանոնավոր, բնական զրույցները նպաստեն հավաստիանալուն, որ երեխաներն ու երիտասարդներն ունեն ավետարանի ամուր հիմք իրենց վկայությունները կառուցելու համար։ Գրի առեք ձեր գաղափարները և գործեք ստացած տպավորությունների համաձայն:

Առակներ 22․6, Եփեսացիներին 6.1-4, Մոսիա 4.14-15, 3 Նեփի 18.21, Վարդապետություն և Ուխտեր 88.119-20

Մ. Ռասսել Բալլարդ, «Հիշենք ամենակարևոր բաները», Լիահոնա, մայիս 2023, 105-7

Դիտեր Ֆ. Ուխդորֆ, «Հիսուս Քրիստոսը ծնողների ուժն է», Լիահոնա, մայիս 2023, 55-59

Դեյվիդ Ա. Բեդնար, «More Diligent and Concerned at Home», Liahona, Nov. 2009, 17–20

«Տուն և ընտանիք», Ուսուցանել Փրկչի ձևով (2022), 30-31

Նախագահ Նելսոնը խոստացել է․ «Աստծո երջանկության մեծ ծրագրի ներքո՝ ընտանիքները կարող են կնքվել տաճարներում և պատրաստվել վերադառնալու և հավետ բնակվելու Նրա սուրբ ներկայությամբ: Դա է հավերժական կյանքը: Այն իրագործում է մարդկային հոգու ամենանվիրական ցանկությունը՝ ընտանիքի սիրելի անդամների հետ անվերջ ընկերակցություն վայելելու բնական փափագը»: Մտածեք այն ուրախության մասին, որը կարող եք ունենալ ձեր ընտանիքի հետ «անվերջ ընկերակցություն» ունենալով։ Որտե՞ղ եք գտնվում այս նպատակին հասնելու ճանապարհին։ Ո՞րն է ձեր ընտանիքի հաջորդ քայլն այդ ճանապարհին: Եթե դուք ունեք դժվար ընտանեկան իրավիճակ, երբ «անվերջ ընկերակցությունն» ինչ-որ մեկի հետ կարող է ոչ իդեալական թվալ այս պահին, ինչպե՞ս կարող եք հրավիրել Փրկչի զորությունը՝ բուժելու ձեր ընտանեկան հարաբերությունները:

Կարող եք միասին դիտել «Families Can Be Together Forever» (3․10) տեսանյութը: Խոսեք նախագահ Հենրի Բ․ Այրինգի խորհրդի մասին՝ ընտանիքի ներսում սեր ցուցաբերելու վերաբերյալ: Ի՞նչ են հիշեցնում տեսանյութում նախագահ Այրինգի վերջին խոսքերը: Այնուհետև կարդացեք նախագահ Նելսոնի հետևյալ ուսմունքը. «Այս կյանքն է փրկության և վեհացման համար պատրաստվելու ժամանակը: Աստծո հավերժական ծրագրում փրկությունը անհատական գործ է, իսկ վեհացումը` ընտանեկան գործ»։ Կարող եք զվարճանալ՝ միասին ինչ-որ բան պատրաստելով, օրինակ՝ սիրելի հյուրասիրություն կամ սիրելի կերակուր։ Այնուհետև կարող եք խոսել այն մասին, թե ինչու է հոգևոր պատրաստությունը կարևոր վեհացում ստանալու և ընտանիքով հավիտյան միասին լինելու համար։

Վարդապետություն և Ուխտեր 131․1-4, 132․15-20

Հենրի Բ. Այրինգ, «Սիրում եմ նայել տաճարին», Լիահոնա, մայիս 2021, 28-31

Դ. Թոդ Քրիստոֆերսոն, «Կնքման զորությունը», Լիահոնա, նոյ․ 2023, 19-22