Իմաստության խոսք

Իմաստության խոսքը մասամբ ոգեշնչված էր Էմմա Սմիթի մտահոգությունից։ Կարդացեք այդ մասին «The Word of Wisdom» Revelations in Context ձեռնարկում։ Այնուհետև, երբ կարդաք Վարդապետություն և Ուխտեր 89 բաժնի հայտնությունը, փնտրեք Աստծո բացահայտած ճշմարտությունները, որոնք ավելին էին, քան Էմմայի մտահոգությունը: Ի՞նչ է ձեզ ուսուցանում այս հայտնությունը Տիրոջ և այն մասին, թե ինչպես է Նա ուսուցանում Իր զավակներին:

Տերն Իմաստության խոսքն անվանեց «խոստումով սկզբունք» (Վարդապետություն և Ուխտեր 89.3): Երբ կարդաք Վարդապետություն և Ուխտեր 89 բաժինը, կարող եք թվարկել ձեր գտած սկզբունքներն ու խոստումները: Երեց Դեյվիդ Ա. Բեդնարի «սկզբունքի» այս սահմանումը կարող է օգնել. «Ավետարանի սկզբունքը վարդապետորեն հիմնավորված ուղեցույց է ազատ կամքի արդար կիրառման համար»։ Ձեր ցուցակները կազմելուց հետո խորհեք, թե ինչ կարող է նշանակել հետևել այս սկզբունքներին «խելամտորեն ու գոհաբանությամբ» (հատված 11): Երբևէ նկատե՞լ եք, թե Տերն ինչպե՞ս է պահել Իր խոստումները, երբ դուք ապրել եք Իմաստության խոսքով:

Միասին կարդացեք «Ձեր մարմինը սուրբ է», Երիտասարդներին զորացնելու համար․ ուղեցույց ընտրություն կատարելու համար ձեռնարկից։ Դերախաղի միջոցով փորձեք, թե ինչ ասել, երբ ինչ-որ մեկը հարցնում է, թե ինչու մենք չենք ծխում կամ օգտագործում ալկոհոլ, սուրճ և թեյ։ Ձեր պատասխանի մեջ կարող եք ներառել այն օրհնությունները, որոնք խոստացվել են մեզ Իմաստության խոսքին հետևելու համար և կիսվել, թե ինչու է այդ հայտնությունը կարևոր անձամբ ձեզ համար։ Խոսեք այն մասին, թե ինչ սովորեցիք այս վարժությունից և ինչպես կարող եք օգտագործել ձեր պատասխաններն ապագայում:

Պատմական համատեքստը կարող է օգնել մեզ ավելի լավ հասկանալ Իմաստության խոսքը, և թե ինչու ենք հետևում դրան։ «Word of Wisdom: What Is It?» (5.09) կամ «Word of Wisdom: Development and Practice» (5:05) տեսանյութերը կարող են օգնել մեզ իմանալ հայտնության ծագման մասին: Երեխաները կարող են հաճույքով դիտել «The Word of Wisdom» (2․10) տեսանյութը Վարդապետության և Ուխտերի պատմություններում: Խոսեք այն մասին, թե ինչու էր Աստծո համար կարևոր հայտնել առողջության օրենքն այն ժամանակ, երբ Նա արեց դա։ Ձեր կարծիքով, ինչպե՞ս է Իմաստության խոսքը ցույց տալիս Աստծո սերն Իր զավակների հանդեպ: Կարող եք նաև քննարկել, թե ինչպես կարող են այս տեսանյութերն օգնել ձեզ պատասխանել Իմաստության խոսքի վերաբերյալ ուրիշների հարցերին։

Saints: The Story of the Church of Jesus Christ in the Latter Days, vol. 1, The Standard of Truth, 1815–1846 (2018), 166–68

Եկեղեցու պատմության թեմաներ, «Word of Wisdom (D&C 89)», Ավետարանի գրադարան

Թեև Իմաստության խոսքը սովորեցնում է խուսափել որոշ բաներից, այն նաև սովորեցնում է դրական բաներ անել առողջության համար։ Դիտեք «Word of Wisdom» (1․48) տեսանյութն իմանալու համար, թե ինչպես մի մարդ փոխեց իր կյանքը՝ ավելի լավ հետևելով Իմաստության խոսքին։ Երեց Ռիչարդ Գ. Սքոթն ուսուցանել է․ «Մարզվելու, բավականաչափ քնելու և ճիշտ սնվելու սովորությունները մեծացնում են հայտնություններ ստանալու և հասկանալու մեր ունակությունը»: Խորհեք, թե ինչպես կարող եք բարելավել Իմաստության խոսքին հետևելու ձեր փորձերը։ Ինչպե՞ս կարող են այդ փոփոխություններն օգուտ բերել ձեզ հոգևորապես և օգնել ձեզ հայտնություն ստանալ։

Նախագահ Ռասսել Մ. Նելսոնն ուսուցանել է. «Ձեր մարմինը … Աստծո հրաշալի ստեղծագործություն է: Այն մարմնի խորան է՝ տաճար ձեր հոգու համար»։ Խորհեք այս խոսքերի շուրջ, երբ կարդաք Ա Կորնթացիներին 6.19-20 և Վարդապետություն և Ուխտեր 89.18-21 հատվածները։ Մտածեք, թե ինչպես են կապված մարմինն ու հոգին։ Ի՞նչ ֆիզիկական և հոգևոր օրհնություններ եք ստացել Իմաստության խոսքով ապրելու համար։ Կարող եք խորհել, թե ինչպես է Իմաստության խոսքին հնազանդվելը ձեզ հնարավորություն տալիս «փառավորել Աստծուն ձեր մարմնում և ձեր հոգում» (Ա Կորնթացիներին 6.20)։ Գրի առեք ձեր ստացած տպավորությունները և գործեք ըստ դրանց:

Օրհնությունները, որոնք ստանում ենք Իմաստության խոսքը պահելիս, միշտ չէ, որ գալիս են մեր ակնկալած ժամանակին կամ ձևով։ Միասին կարդացեք նախագահ Դիտեր Ֆ. Ուխդորֆի համաժողովի «Համբերությամբ շարունակենք» ուղերձից՝ իմանալու համար, թե ինչպես նա բացահայտեց դա իր համար: Այնուհետև կարող եք խոսել այն մասին, թե ինչպես է Աստված ֆիզիկապես և հոգևորապես օրհնել ձեզ՝ Իմաստության խոսքը պահելու համար, և Նա ինչպես կարող է օրհնել ձեզ ապագայում։

Որոշ իրավիճակներում մենք կարող ենք ճնշում զգալ՝ չհետևելու Իմաստության խոսքին։ Միասին կարդացեք Դանիել 1 գլուխը և ուշադրություն դարձրեք, թե Դանիելն ու իր ընկերներն ինչպես արձագանքեցին նման իրավիճակում։ Այնուհետև կարդացեք երեց Դիտեր Ֆ․ Ուխդորֆի հետևյալ խոսքերը. «Դանիելը մեծացավ որպես Եհովայի հետևորդ: Նա հավատում և երկրպագում էր Աբրահամի, Իսահակի և Հակոբի Աստծուն: Նա ուսանել էր մարգարեների խոսքերը և գիտեր Աստծո և մարդու փոխգործակցության մասին:

«Բայց հիմա, դեռևս իր շատ երիտասարդ տարիքում նա գերության մեջ ուսանող էր Բաբելոնում: Ճնշումը նրա վրա պետք է որ հսկայական լիներ, որպեսզի հրաժարվեր իր հին համոզմունքներից և ընդուներ Բաբելոնի համոզմունքները: Բայց նա հավատարիմ մնաց իր հավատքին՝ և՛ խոսքով, և՛ գործով: …

«Եվ Տերը օրհնեց Դանիելին: Թեև նրա հավատը վիճարկվեց և ծաղրանքի ենթարկվեց, նա հավատարիմ մնաց այն ամենին, ինչը սեփական փորձից գիտեր, որ ճշմարիտ է։»:

Ինչպե՞ս Տերն օգնեց Դանիելին և նրա ընկերներին իրենց իրավիճակում (տես Դանիել 1.9): Ինչպե՞ս Նա օրհնեց նրանց՝ իրենց նվիրվածությունը պահելու համար։ (տես Դանիել 1.15, 17-20): Քննարկեք, թե ինչպես կարող եք նմանվել Դանիելին, երբ դժվարանում եք հետևել Իմաստության խոսքին։

Ղևտական 10․9, Ա Կորնթացիներին 6․10, Վարդապետություն և Ուխտեր 49․18-21։

Քվենթին Լ. Քուք, «When Evil Appears Good and Good Appears Evil», Ensign, մարտ 2018, 30-37

Դեյվիդ Ա. Բեդնար, «Իմ ավետարանի սկզբունքները», Լիահոնա, մայիս 2021, 123-24

Բոյդ Ք. Փաքեր, «The Word of Wisdom: The Principle and the Promises», Ensign, մայիս 1996, 17-19

“Vaping, Coffee, Tea, and Marijuana,” New Era, Aug. 2019, 28