Հավիտենական ուխտ

Ուսումնասիրեք Վարդապետություն և Ուխտեր 133.57-62 հատվածները, որտեղ Տերը վերականգնում է Հիսուս Քրիստոսի ավետարանի լրիվությունը: Ի՞նչ է նշանակում, որ այն առաջ է բերվել «պարզ ու հասարակ ձևով»։ Մտածեք, թե ինչպես է այս պարզ, սակայն գեղեցիկ հավիտենական ուխտը նախապատրաստում ձեզ հավերժական կյանք ստանալուն։ Ինչպե՞ս է այս ներուժի ըմբռնումը խրախուսում ձեզ օգնել Տիրոջը՝ Նրա փրկության և վեհացման գործում։

Վարդապետություն և Ուխտեր 22.1-4 հատվածներում Տերը նշում է, որ Նա վերականգնեց Իր հավիտենական ուխտն առաջին Սրբերի հետ: Միասին կարդացեք բաժնի վերնագիրն ու այս հատվածները և քննարկեք, թե ինչ եք սովորում «նոր» ուխտի նշանակության մասին: Ի՞նչ է նշանակում «մեռած գործեր»: Խոսեք այն մասին, թե ինչ եք սովորում հատված 3-ից ավետարանի վերականգնման կարևորության և հավիտենական ուխտի մասին:

Հիսուս Քրիստոսի և Նրա քավության շնորհիվ մենք կարող ենք ձեռք բերել հավերժական կյանք, եթե պահենք Նրա հետ կապած ուխտերը: Նախագահ Նելսոնն ուսուցանել է․ «Նրանց, ովքեր կապում են սուրբ ուխտեր և պահում են դրանք, խոստացվում է հավերժական կյանք և վեհացում, որը «մեծագույնն է Աստծո բոլոր պարգևներից» (Վարդապետություն և Ուխտեր 14․7)։ Հիսուս Քրիստոսն այդ ուխտերի երաշխավորն է (տես Եբրայեցիս 7․22, 8․6)։ Ուխտ պահողները, որոնք սիրում են Աստծուն և թույլ են տալիս, որ Նա տնօրինի իրենց կյանքում բոլոր մյուս բաներից, դարձնում են Նրան իրենց կյանքի ամենազորավոր ազդեցության աղբյուրը»։ Խոսեք այն մասին, թե ինչպես կարող եք թույլ տալ, որ Աստված «գերակայի բոլոր բաներում» ձեր կյանքում։ Ինչպե՞ս դա կօգնի ձեզ ստանալ հավերժական կյանք, և ինչո՞ւ արժե ջանքեր թափել վեհացում ստանալու համար։

Եսայի 55.1-3, Երեմիա 32.37-40, 2 Նեփի 31.17–21, Վարդապետություն և Ուխտեր 49.9-14

Marcus B. Nash, “The New and Everlasting Covenant,” Ensign, Dec. 2015, 40–47

Ի՞նչ է նշանակում ձեզ համար լինել Աբրահամի ուխտի մասը։ Մտածեք այս ճշմարտությունների շուրջ․ Դուք ուխտ կապեցիք Աստծո հետ, երբ մկրտվեցիք: Դուք վերականգնում եք այդ ուխտը և նոր ուխտ եք կապում ամեն անգամ, երբ ճաշակում եք հաղորդությունը: Ինչպե՞ս կարող եք տաճարը դարձնել ձեր կյանքի կենտրոնը, որպեսզի լիարժեքորեն մասնակցեք ավետարանի լրիվությանը:

Կարդացեք Աբրահամ 1.2 հատվածը և մտածեք, թե ինչ եք սովորում Աբրահամի հատկանիշների մասին։ Ի՞նչ է նշանակում լինել «արդարության ավելի մեծ հետևորդ» մեր օրերում։ Ձեր կարծիքով, ինչո՞ւ Աբրահամը «փնտրեց հայրերի օրհնությունները»։ Ինչպե՞ս եք դուք օրհնվել Աբրահամի ուխտի միջոցով: Ի՞նչ կարող եք անել, որպեսզի ստանաք այդ ուխտի օրհնությունները։

Ուսումնասիրեք Աբրահամի, Սառայի և նրանց արդար ընտանիքի ավետարանով ապրելու հավատարիմ օրինակները (օրինակ՝ կարող եք միասին կարդալ հետևյալ հատվածներից մի քանիսը. Ծնունդ 17.1–19, 18.1-19, 22.1-18, 24, 32.1-28, 33, 46.1-7, Եսայի 51.1-3, Գաղատացիս 3.27-29, 2 Նեփի 8.1-3): Ապա կարդացեք Հովհաննես 8.39: Կարող եք յուրաքանչյուրդ պատկերել, նկարել կամ գրել բանաստեղծություն, արտահայտելով ձեր երախտագիտությունն օրհնությունների համար, որոնք տրված են ձեզ կամ որոնք կարող են տրվել հավիտենական ավետարանի ուխտը պահելուց, ինչպես Աբրահամն ու Սառան։ Այնուհետև կարող եք կիսվել ձեր նկարով կամ բանաստեղծությամբ։

Բ Օրենք 7.6-9, 2 Նեփի 29.14, Աբրահամ 2.6-12

Ռասսել Մ. Նելսոն, «Ուխտեր», Լիահոնա, նոյ․ 2011, 86-89

“The Abrahamic Covenant,” Liahona, Feb. 2022, 47

“Abraham” (video), Gospel Library

Մոսիա 5.1–8 հատվածներում մենք սովորում ենք, թե ինչպես Բենիամին թագավորի ժողովուրդն ընդունեց Հիսուս Քրիստոսի ավետարանի վերաբերյալ նրա ուսմունքները: Ի՞նչն էր նրանց ցանկությունն այդ ժամանակ։ Ձեր կարծիքով, ի՞նչ է նշանակում լինել «Քրիստոսի որդիներ ու դուստրեր»։ Ի՞նչ է նշանակում, որ Քրիստոսը «հոգով ծնեց ձեզ»։ Ինչպե՞ս է ձեր սիրտը «փոխվել նրա անվան հանդեպ հավատքի միջոցով»։

Նախագահ Էմիլի Բել Ֆրիմենը խոսել է Քրիստոսի հետ ուխտի հարաբերություններում քայլելու կարևորության մասին և ամփոփել Հակոբին տված Աստծո խոստումը. «Ես քեզ հետ եմ։ Ես կպահպանեմ քեզ: Ես քեզ կվերադարձնեմ այս երկիրը։ Ես չեմ թողնի քեզ։ Մինչև որ չկատարեմ այն, ինչ որ ասել եմ քեզ»։ Նա հետո բացատրել է․ «Հակոբը պետք է ընտրություն կատարեր: Նա կարող էր ընտրել և իր կյանքն ապրել՝ պարզապես ծանոթ լինելով իր հոր Աստծուն, կամ կարող էր ընտրել ապրել Նրա հետ ուխտի հարաբերություններում»։ Խորհեք, թե ինչ է նշանակում ապրել ձեր կյանքը Քրիստոսի հետ ուխտին նվիրված հարաբերությունների մեջ։ Ի՞նչ կցանկանայիք սկսել անել կամ դադարեցնել, որպեսզի կարողանայիք ամրացնել ձեր ուխտի հարաբերությունները Նրա հետ։

Կարդացեք Հելաման 5․12 և եղբայր Ջեն Ի․ Նյումանի հետևյալ խոսքերը․ «Մենք ուսուցանում ենք մեր երեխաներին կապել իրենց [Քրիստոսի] հետ սրբազան ծեսերի և ուխտերի միջոցով, որպեսզի երբ հակառակորդի փոթորիկներն ու ջրհեղեղները վրա հասնեն, ինչը հաստատապես լինելու է, դրանք շատ չվնասեն նրանց՝ «շնորհիվ վեմի, որի վրա նրանք կառուցել են»»։ Որո՞նք են «հակառակորդի փոթորիկներն ու ջրհեղեղները», որոնք կարող են գալ մեզ վրա։ Քննարկեք, թե ինչպես կարող են ձեր ուխտերը պաշտպանել ձեզ և ձեր ընտանիքին՝ հակառակորդի «հզոր փոթորկից»։

Կարդացեք Նիլ Լ. Անդերսենի հետևյալ ուղերձը․ «Մենք բոլորս այն «ուխտի զավակներն» ենք, որոնք ցրված են ամբողջ երկրագնդով մեկ՝ յուրաքանչյուր մայրցամաքի ազգերի և մշակույթների մեջ, որոնց թիվը հասնում է միլիոնների, և մենք սպասում ենք մեր Տիրոջ և Փրկչի փառահեղ վերադարձին: Որպես լույս շողալով մեզ շրջապատող մարդկանց համար՝ մենք գիտակցաբար ձևավորում ենք մեր ցանկությունները, մտքերը, ընտրությունները և գործողությունները: Մեր ամբողջ սրտով ձգտում ենք ճանաչել և սիրել Փրկչին և աշխարհից տարբերվում ենք Աստծո հետ կապած ուխտերով՝ լինելով տարբերվող, անսովոր և առանձնահատուկ, քանի որ հարգում ենք Նրան և Նրա ուսմունքները՝ չմեկուսանալով մարդկանցից, որոնք այլ կերպ են հավատում»։ Քննարկեք, թե ինչպես կարող ենք «[ձգտել] մեր ամբողջ սրտով ճանաչել և սիրել Փրկչին» և պահել մեր ուխտերն Աստծո հետ:

Ծնունդ 12.1-3, Գաղատացիներին 3.7-9, 1 Նեփի 15.13-18, Վարդապետություն և Ուխտեր 124․58

Ռասսել Մ. Նելսոն, “Children of the Covenant,” Ensign, մայիս 1995, 32–34