Իսրայելի հավաքումը

Որպեսզի ավելին իմանաք այն մասին, թե ինչպես են եկեղեցու անդամները հանդիսանում Իսրայելի տան մի մասը, կարող եք ուսումնասիրել նախագահ Ռասսել Մ. Նելսոնի «Թող Աստված տնօրինի» ելույթը: Ի՞նչ է նշանակում ձեզ համար լինել «Իսրայելի» մասը: Դուք կարող եք նաև կարդալ կամ լսել օրհներգերի բառերը, որոնք խոսում են Իսրայելի մասին, ինչպես օրինակ՝ «Redeemer of Israel», «Israel, Israel, God Is Calling» և «Hope of Israel», փոխարինելով «Իսրայել» բառը «ուխտ պահողներ» խոսքերով՝ տեսնելու, թե ինչ հասկացողություն եք ձեռք բերում։

Երեց Դեյվիդ Ա. Բեդնարն ուսուցանել է Աստծո ուխտի ժողովրդի մասը լինելու ընտրության կարևորության մասին՝ հետևելով Նրա օրենքներին. «Մենք ունենք երկուսն էլ` Աստծո կանչը և մեր անձնական պատասխանը այդ կանչին, և շատերը կարող են կանչվել, բայց քչերն ընտրվել: Ընտրված լինելը կամ ընտրյալ դառնալը մեզ շնորհված մի բացառիկ կարգավիճակ չէ։ Կարճ ասած՝ ես և դուք, ի վերջո, կարող ենք ընտրել ընտրված լինելը՝ մեր ազատ կամքի արդար գործադրման միջոցով»։ Ի՞նչ օրհնություններ կարող ենք ձեռք բերել, երբ «ընտրում ենք ընտրված լինել» որպես Իսրայելի տան մաս։ Ուրիշ ի՞նչ կարող եք անել՝ ընտրված լինելու համար։

Դուք կարող եք միասին կարդալ նախագահ Նելսոնի «Ընտրություններ հավերժության համար» ելույթից մի մաս, որտեղ նա քննարկում է պիտակները: Այնուհետև նայեք սննդի կամ այլ տարաների վրա գտնվող պիտակներին և խոսեք այն մասին, թե ինչպես են այդ իրերի վրա դրված պիտակներն ազդում այն բանի վրա, թե ինչ ենք մենք մտածում դրանց մասին: Ըստ նախագահ Նելոսնի՝ ի՞նչ երեք պիտակների պետք է առաջնահերթություն տանք մյուս բոլոր պիտակներից առավել: Ինչպե՞ս կարող է «ուխտի զավակ» պիտակն օգնել մեզ հասկանալ այն օրհնությունները, որոնք կարող են առաջանալ Իսրայելի տան անդամ լինելուց։ Կարդացեք 3 Նեփի 20.25-27 հատվածները և քննարկեք, թե ինչ են մեզ ուսուցանում դրանք այն մասին, թե ինչ է Տերը ակնկալում մեզանից՝ որպես Իր ուխտի զավակներ:

Թեև դարեր շարունակ Աստծու հավիտենական ուխտը կապվել է որոշակի մարդկանց հետ, սակայն յուրաքանչյուր ոք կարող է այդ ուխտի մասը լինել։ Երեց Քվենթին Լ. Քուքն ուղուցանել է․ «Նրանք, ովքեր ընդունում են Հիսուս Քրիստոսի ավետարանը՝ անկախ ծագումից, դառնում են հավաքված Իսրայելի մի մասը»: Կարող եք վերանայել երեց Քուքի «Ապահով հավաքվել Տան հարկի տակ» ուղերձը, որպեսզի ավելին իմանաք հավաքված Իսրայելի մաս լինելու կարևորության մասին: Քննարկեք ձեր սովորածը:

Ծնունդ 48-49, Գաղատացիներին 3.14, 27-29, Հակոբ 5, 3 Նեփի 20-23

Ռասսել Մ. Նելսոն, «Հավիտենական ուխտը», Լիահոնա, հոկ․ 2022, 4-11

Նախագահ Նելսոնը հաճախ է խոսել Իսրայելի հավաքման կարևորության մասին: Նա հայտարարել է․ «Տերը հավաքում է նրանց, ովքեր կնախընտրեն թույլ տալ, որ Աստված իրենց կյանքում ամենակարևոր ազդեցությունն ունենա։ Դարեր շարունակ մարգարեները կանխագուշակել են այս հավաքումը, և այժմ այն տեղի է ունենում: Որպես Տիրոջ Երկրորդ Գալուստի հիմնական նախադրյալ՝ դա աշխարհի ամենակարևոր աշխատանքն է: Մտածեք, թե ինչ կարող է նշանակել, որ սա «ամենակարևոր աշխատանքն» է երկրի վրա։ Ինչպե՞ս կարող են այս գիտելիքներն օգնել ձեզ որոշել, թե ինչպես եք ծախսում ձեր ժամանակը, տաղանդները, էներգիան և միջոցները:

Կարող եք ուսումնասիրել 3 Նեփի 10.5-6 և Վարդապետություն և Ուխտեր 29.1-8 հատվածները և քննարկել, թե ինչպես է Տերը հավաքում իր ժողովրդին վերջին օրերում։ Ինչպե՞ս է Իսրայելի հավաքումը նման հավի, որը հավաքում է իր ճտերին։ Սուրբ գրությունների այս հատվածների և այս հարցի շուրջ խորհելով՝ նայեք հավերի և ճտերի նկարին։ Կիսվեք միմյանց հետ նկարից ստացված կարևոր թվացող մանրամասներով: Ինչպե՞ս են այս մանրամասներն օգնում ձեզ հասկանալ, թե ինչ է Տերը ցանկանում ուսուցանել մեզ հավաքվելու մասին: Ինչպե՞ս ենք մենք պաշտպանվում ֆիզիկապես և հոգևորապես, երբ հավաքվում ենք մյուս սրբերի հետ:

Կարող եք դիտել «Jesus Christ Prophesies of the Gathering of Israel» տեսանյութը, որպեսզի ավելին իմանաք մեր օրերում տեղի ունեցած հավաքման մասին։ Ի՞նչ է Փրկիչն ուսուցանում այս պատմության մեջ այն մասին, թե ինչպես է կատարվելու Իսրայելի հավաքումը։ Խոսեք այն մասին, թե ինչ եք սովորում, և ինչպես է այն առնչվում մեզ այսօր:

Եփեսացիներին 1․10, 1 Նեփի 22.7-12, Վարդապետություն և Ուխտեր 27.13, 133.26-32, Հավատո Հանգանակը 1.10

Ռասսել Մ. Նելսոն, «Ցրված Իսրայելի հավաքումը», Լիահոնա, նոյ. 2006, 79-81

«Հիսուսը կասի ողջ Իսրայելին. «Եկ տուն»» Եկ, հետևիր ինձ. Անհատների և ընտանիքների համար. Հին Կտակարան 2022, 125-27

Երեց Ռոնալդ Ա. Ռասբանդը շեշտել է միսիոներական աշխատանքի կարևորությունը՝ Իսրայելի հավաքմանն օգնելու գործում: Նա ասել է․ «Այս վերջին օրերին մենք հավաքում ենք Աստծո զավակներին, որպեսզի նրանք կարողանան «մեծ օրհնություններ [ունենալ՝ թափված իրենց] գլխին» [3 Նեփի 10․18], և «հավերժության հարստությունների խոստումը» [Վարդապետություն և Ուխտեր 78․18]։ Իսրայելը հավաքելու համար մենք ավելի շատ միսիոներների կարիք ունենք, քան ծառայում են այսօր։ … Ես՝ որպես Տեր Հիսուս Քրիստոսի առաքյալ, խնդրում եմ ձեզ ծառայել որպես Իսրայելի հավաքման միսիոներ և, գուցե, կրկին ծառայել»։ Մտածեք, թե ինչպես կարող եք օգնել Տիրոջը հավաքել Իր ժողովրդին՝ որպես միսիոներ պաշտոնական կոչումով կամ առանց դրա։ Գրի առեք ձեր ստացած տպավորությունները և գործեք ըստ դրանց:

Միասին կարդացեք Վարդապետություն և Ուխտեր 18.10-16 հատվածները և կիսվեք միմյանց հետ ձեր տպավորություններով այն մասին, թե ինչ է զգում Աստված Իր զավակների հանդեպ: Ինչո՞ւ է Իր զավակներին հավաքելու գործն այդքան կարևոր Նրա համար: Ի՞նչ ենք մենք գտնում այդ հատվածներում, որ ոգեշնչում է մեզ օգնել հավաքել Իսրայելը:

Ինչպե՞ս կարող ենք օգնել հավաքել Իսրայելը։ Դիտարկեք նախագահ Նելսոնի այս զորեղ բացատրությունը․ «Ցանկացած ժամանակ, երբ ինչ-որ բան եք անում վարագույրի երկու կողմերում գտնվող որևէ մեկին օգնելու համար, մեկ քայլ առաջ եք գնում Աստծո հետ ուխտեր կապելու և նրանց մկրտության ու տաճարային կարևոր արարողությունների ուղղությամբ և օգնում եք հավաքել Իսրայելը։ Դա այդքան պարզ է»: Զվարճալի կլինի կազմել այն միջոցառումների ցուցակը, որոնք Իսրայելը հավաքելու մաս են կազմում։ Տեսեք, թե ով կարող է կազմել ամենաերկա՛ր ցուցակը։ Կարող եք նաև կիսվել միմյանց հետ որոշ բաներով, որոնք արել եք այս շաբաթ, կամ որ ծրագրում եք անել գալիք շաբաթվա ընթացքում, որպեսզի օգնեք Իսրայելի հավաքման մեծ գործին: (Օրինակները կարող են ներառել՝ Երեխաների միության կամ Կիրակնօրյա դպրոցի դասի ուսուցումը, ընտանեկան պատմության վրա աշխատելը, տաճար հաճախելը, սոցիալական ցանցերում սուրբ գրությամբ կիսվելը կամ կարիքավորին օգնելը)։ Ի՞նչ օրհնություններ եք տեսել, երբ օգնել եք Աստծուն՝ Իր ժողովրդին Իր մոտ հավաքելու գործում։

Եսայի 11.11-12, Երեմիա 16.14-16

Եկեղեցու պատմության թեմաներ, «Իսրայելի հավաքումը», Ավետարանի գրադարան

Նախագահ Ռասսել Մ. Նելսոն, «Քույրերի մասնակցությունը Իսրայելի հավաքման գործում», Լիահոնա, նոյ․ 2018, 68-70