Հոգ տանել կարիքավորների մասին

Եթե ցանկանում եք օգնել կարիքավորներին, բայց վստահ չեք, թե ինչպես, երեց Դեյվիդ Ա. Բեդնարի «Իրենց պարտականության ուղու վրա» ուղերձը կօգնի ձեզ: Երեց Բեդնարն ուսուցանել է. «Խորաթափանց եղբայրներ և քույրեր … գտեք և նստեք այն մարդկանց կողքին, որոնք միայնակ են եկեղեցու ժողովներում և այլ վայրերում: Նրանք միշտ ձգտում են «մխիթարել նրանց, ովքեր մխիթարության կարիք ունեն» [Մոսիա 18․9], առանց գնահատանքի կամ գովասանքի ակնկալիքների»: Կարող եք վերանայել նրա ուղերձը և փնտրել փոքր և հասարակ միջոցներ կարիքավորներին ծառայելու համար։ Գրի առեք ձեր գաղափարները և գործեք ստացած տպավորությունների համաձայն:

Մարգարե Ջոզեֆ Սմիթը տվել է հետևյալ խորհուրդը․ «Մարդը, որը լցված է Աստծո սիրով, չի մտածում միայն իր ընտանիքին օրհնել, այլ՝ ողջ աշխարհին, փափագելով օրհնել ողջ մարդկային ցեղը»: Ձեր կարծիքով, ինչո՞ւ է Աստծո սիրով լցված մարդը ցանկանում օրհնել ողջ մարդկությունը: Ինչպե՞ս կարող եք կիսվել Աստծո սիրով ուրիշների հետ։ Ինչպե՞ս կարող են ձեր սիրո և բարության գործերը փոխել նաև ձեզ։

Միասին կարդացեք Ղուկաս 10․25-37 հատվածները: Կարող եք դիտել նաև «Parable of the Good Samaritan» (4․55) տեսանյութը: Եթե սովորում եք երեխաների հետ, նրանք կարող են հաճույք ստանալ առակը դերերով կատարելուց։ Հետո կարող եք խոսել այն մասին, թե ինչպես սամարացին հնազանդվեց իր մերձավորին սիրելու պատվիրանին։ Կարող եք նաև քննարկել քահանայի և ղևտացու գործողությունները։ Որո՞նք են պատճառները, որ երբեմն չենք ծառայում կարիքավորներին: Ինչպե՞ս կարող ենք հաղթահարել այդ խոչընդոտները: Կարող եք պատմել մի քանի դեպքեր, երբ ծառայել եք որևէ կարիքավորի, կամ երբ ինչ-որ մեկը ծառայել է ձեզ, և թե ինչպես եք զգացել։ Ձեզանից յուրաքանչյուրը կարող է նպատակ դնել մեկ շաբաթվա ընթացքում ամեն օր ծառայել ինչ-որ մեկին, իսկ հետո կիսվել իր փորձառություններով։

Կարդացեք Մոսիա 2.17 հատվածը և խոսեք այն մասին, թե ինչպես եք ծառայում Աստծուն, երբ ծառայում եք ուրիշներին։ Այնուհետև կարող եք դիտել «Day of Service» (5․08) տեսանյութը: Ինչպե՞ս օրհնվեցին տեսանյութի մարդիկ, երբ ծառայեցին: Ինչպե՞ս օրհնվեց համայնքը: Մտածեք, թե ինչպես կարող եք խմբով մասնակցել ծառայության օրվան։ Կարող եք ուսումնասիրել JustServe.org կայքը գաղափարների համար:

Բ Օրենք 15.11, Եսայի 1․17, Մատթեոս 20.26-27, 22.36-40, Հակոբ 2.17-19

Ռասսել Մ. Նելսոն «Երկրորդ մեծ պատվիրանը», Լիահոնա, նոյ․ 2019, 96-100

Ընդհանուր ձեռնարկ․ ծառայել Հիսուս Քրիստոսի Վերջին Օրերի Սրբերի Եկեղեցում, գլուխ 21-22, Ավետարանի գրադարան

2010 թվականի ապրիլյան գերագույն համաժողովին նախագահ Դիտեր Ֆ. Ուխդորֆն ուսուցանել է. «Ընդօրինակելով [Հիսուս Քրիստոսի] կատարյալ օրինակը, մեր ձեռքերը կարող են դառնալ Նրա ձեռքերը, մեր աչքերը` Նրա աչքերը, մեր սիրտը` Նրա սիրտը»: Ի՞նչ է նշանակում, որ ձեր ձեռքերը, աչքերը և սիրտը Փրկչի ձեռքերն են, աչքերը և սիրտը: Ինչպե՞ս է այսպիսի մտածելակերպը նպաստում ուրիշներին ծառայելուն։ Կարդացեք Ա Հովհաննես 3.17-19 հատվածները և խորհեք, թե ինչ է այն սովորեցնում կարիքավորների մասին հոգ տանելու վերաբերյալ։ Ինչպե՞ս են այս հատվածները ոգեշնչում ձեզ հետևել Հիսուս Քրիստոսի օրինակին, երբ դուք ծառայում եք ձեզ շրջապատող մարդկանց։ Կարող եք մտածել մեկի մասին, ով օգնության կամ քաջալերանքի կարիք ունի և անանուն ծառայություն կատարեք այդ անհատի համար։ Կամ գուցե ծառայեք ինչ-որ մեկին՝ լսելով նրա անհանգստությունների մասին կամ լինելով իսկական ընկեր։ Այնուհետև կարող եք գրի առնել ձեր մտքերն այդ փորձառության մասին։

Կարող եք կարդալ կամ երգել օրհներգի բառերը կարիքավորներին օգնելու մասին, ինչպես օրինակ՝ «Lord, I Would Follow Thee» կամ «Because I Have Been Given Much»։ Մինչ մտածում եք երգի խոսքերի մասին, խորհեք, թե ինչպես եք դուք հետևում Փրկչին, երբ ծառայում եք ուրիշներին: Ի՞նչ օրհնություններ եք ստացել, որոնցով կարող եք կիսվել ձեր շուրջը գտնվողներին բարձրացնելու համար այնպես, ինչպես Նա արեց:

Երեց Գերիթ Վ. Գոնգն ուսուցանել է. «Մենք ավելի շատ ենք նմանվում Հիսուս Քրիստոսին, երբ «այս փոքր եղբայրների» հետ վարվում ենք այնպես, ինչպես կվարվեինք Նրա հետ [տես Մատթեոս 25․35–40], երբ սիրում ենք մեր մերձավորին այնպես, ինչպես ինքներս մեզ Մարկոս 12․31], երբ հետևում ենք «սիրեք միմյանց. ինչպես ես ձեզ սիրեցի» [Հովհաննես 13․34], և «ձեզանից ով ցանկանա մեծ լինել, ձեր ծառան պետք է լինի» [Մատթեոս 20․26] կոչերին»։

«Մենք՝ որպես Հիսուս Քրիստոսի հետևորդներ, ձգտում ենք ուրիշներին սպասավորել այնպես, ինչպես Նա կաներ, քանի որ մարդիկ սպասում են կյանքի փոփոխությանը»:

Կարող եք խոսել Հիսուս Քրիստոսի ծառայելու որոշ եղանակների մասին (տես Մատթեոս 14.13-21, Մարկոս 2.1-12, Ղուկաս 17.11-19, Հովհաննես 9.1-7, 11.1-44): Այդ պատմություններից մի քանիսի նկարները կարող եք փնտրել նաև Ավետարանի արվեստի գրքում կամ Ավետարանի գրադարանում տեղադրված «Տեսանյութեր և պատկերներ» ժողովածուում: Կիսվեք միմյանց հետ, թե ինչն է ձեզ տպավորում նրանում, թե ինչպես էր Փրկիչը հոգ տանում կարիքավորների մասին։ Այնուհետև կարող եք ընտրել մի բան Փրկչի ծառայության եղանակներից, որին կցանկանայիք հետևել: Մտածեք, թե ինչպես կարող են ձեր արարքներն իսկապես օրհնել նրանց, ովքեր «սպասում են կյանքի փոփոխությանը»։

Սաղմոսներ 35.10, Ղուկաս 6.27-38, Գործք առաքելոց 20.35, Վարդապետություն և Ուխտեր 42.30-31, 52․40

Վ. Քրիստոֆեր Վադել, «Ինչպես Նա ծառայեց», Լիահոնա, մայիս 2019, 19-21

Քամիլ Ն. Ջոնսոն, «Հիսուս Քրիստոսը սփոփանք է», Լիահոնա, մայիս 2023, 81-83

Ջին Բ. Բինգհեմ, «Սպասավորել Փրկիչի ձևով», Լիահոնա, մայիս 2018, 104-7

Մտածեք այն կոչումների կամ պարտականությունների մասին, որոնք ունեցել եք եկեղեցում, մինչ կարդաք Հովհաննես 15.16 հատվածը: Այնուհետև կարդացեք նախագահ Հենրի Բ․ Այրինգի այս միտքը. «Տերը ճանաչում է ձեզ։ Նա գիտի, թե ում վստահի ծառայությունն Իր եկեղեցու յուրաքանչյուր պաշտոնում: Նա ընտրել է ձեզ»: Մտածեք այն «պտղի» մասին, որ տեսել եք ձեր կոչումների կամ նշանակումների ընթացքում։ Ինչո՞ւ է Տերն ընտրել ձեզ ձեր ներկայիս կոչման համար: Ի՞նչ կարող եք անել ձեր ծառայության մեջ, որպեսզի ձեր ծառայությունը մնայուն ազդեցություն ունենա ուրիշների վրա, և «ձեր պտուղը մնա»։

Կարող եք մի քանի քայլ անել, ուրվագծելով ոտնաթաթը, իսկ հետո գրել յուրաքանչյուր ոտնահետքի ներսում մեկ ուղի, որով մենք կարող ենք մոտենալ Քրիստոսին, երբ ծառայում ենք մեր եկեղեցու կոչումներում և հանձնարարություններում: Այնուհետև կարող եք միասին կարդալ նախագահ Դիտեր Ֆ. Ուխդորֆի այս միտքը. «Եթե Աստծուն ծառայելու և մարդկանց սպասավորելու մեր կոչումներին հավատքով ու հեզությամբ մոտենանք, ապա ծառայության յուրաքանչյուր գործողությունը մեզ մի քայլ առաջ կտանի աշակերտության ճանապարհին»: Այնուհետև կարող եք իրար հետ կիսվել ձեր գրածով։ Խորհեք, թե ինչ կարող եք անել, որպեսզի ծառայեք ավելի շատ հավատքով և հեզությամբ ձեր կոչումներում: Գրի առեք ձեր տպավորությունները, այնուհետև գործեք դրանց համաձայն:

Հեսու 1․1-9, Մատթեոս 25․23, Ա Կորնթացիներին 12․13-18, Վարդապետություն և Ուխտեր 84․88, Հավատո Հանգանակը 1․5

Դիտեր Ֆ. Ուխդորֆ. «Բարձրացրեք՝ որտեղ կանգնած եք», Լիահոնա, նոյ․ 2008, 53-56

Քարլ Բ. Քուք, «Ծառայեք», Լիահոնա, նոյ. 2016, 110-12