Գթություն

Հիսուս Քրիստոսի կատարյալ սերն ազդեց Նրա գործողություններից յուրաքանչյուրի վրա։ Նկատի ունեցեք այս օրինակները. Մատթեոս 26.39, Ղուկաս 7․22, 1 Նեփի 19.9։ Այս հատվածներից յուրաքանչյուրն ինչպե՞ս է ցույց տալիս, որ Քրիստոսը սիրում է մեզ։ Կարող եք համեմատել Փրկչի սիրո այս օրինակները Ա Կորնթացիներին 13-ում Պողոսի կողմից տրված գթության նկարագրության հետ: Ինչպե՞ս է Փրկիչը նման սեր դրսևորել ձեր հանդեպ։

Մարգարե Ջոզեֆ Սմիթն ուսուցանել է. «Սերն Աստվածության գլխավոր հատկանիշներից մեկն է»: Կարող եք գրել ձեր օրագրում Ես գիտեմ, որ Աստված սիրում է ինձ, քանի որ … բառերը։ Շաբաթվա ընթացքում գրի առեք, թե ինչպես կավարտեք այս նախադասությունը: Դուք կարող եք կարդալ կամ լսել «God Is Love» կամ «My Heavenly Father Loves Me» երգերն ավելի շատ մտքերի համար։

Երեց Ջեֆրի Ռ․ Հոլլանդն ուսուցանել է․ «Ողջ հավերժության առաջին մեծ պատվիրանը մեր ողջ սրտով, զորությամբ, մտքով և ուժով Աստծուն սիրելն է։ Սակայն ողջ հավերժության առաջին մեծ ճշմարտությունն այն է, որ Աստված սիրում է մեզ Իր ողջ սրտով, զորությամբ, մտքով և ուժով»։ Քննարկեք, թե ինչպես կարող է Աստծո մեծ սիրո մասին իմանալը փոխել ձեր զգացմունքները, մտածելակերպը և գործերը։

«Charity: An Example of the Believers» (4:50) տեսանյութի դիտումը կարող է քննարկում ոգեշնչել այն մասին, թե ինչպես է քրիստոսանման սերը կյանքեր փոխում: Այս տեսանյութում երիտասարդ կանայք ինչպե՞ս քրիստոսանման սեր ցուցաբերեցին նոր չիրլիդերի հանդեպ: Ինչպե՞ս այս սերն ազդեց նրա վրա: Ինչպե՞ս դա անդրադարձավ մյուս երիտասարդ կանանց վրա։ Մտածեք ձեր շուրջը գտնվող մարդկանց մասին, ովքեր գուցե կարիք ունեն զգալու Փրկչի սերը: Խոսեք այն մասին, թե ինչպես կարող եք Քրիստոսի սիրով կիսվել նրանցից մեկի հետ։

Ղուկաս 10.30-37, Ա Հովհաննես 3.16-18, 4.7-11, 18-19

Ալան Թ. Ֆիլիպս, «Աստված ճանաչում և սիրում է ձեզ», Լիահոնա, նոյ. 2023, 49–52

Մայքլ Տ. Ռինգվուդ, «Որովհետև Աստուած այնպես սիրեց մեզ», Լիահոնա, մայիս 2022, 88-90

Սյուզան Հ. Փորթեր, «Աստծո սերը՝ հոգու համար ամենաբերկրալին», Լիահոնա, նոյ․ 2021, 33-35

Կարդացեք Ա Կորնթացիներին 13.1-7՝ պատկերացնելով ձեզ այս հատվածներում: Ապա կարդացեք 8-րդ հատվածը։ Ի՞նչ է նշանակում ձեզ համար, որ «գթությունը երբեք չի խափանվում»։ Մտածեք՝ արդյոք կան հատկանիշներ, թվարկված 4–7 հատվածներում, որոնց վրա դուք կարող եք աշխատել՝ գթության ավելի լավ օրինակ լինելու համար:

Թեև գթությունը Աստծո պարգևն է, ինչպես ցանկացած պարգև, մենք պետք է ստանանք այն: Ի՞նչ եք սովորում Մորոնի 7.48, 8․26 հատվածներից գթության պարգևը ստանալու մասին։

Նախագահ Ռասսել Մ. Նելսոնն ուսուցանել է գթության մասին հետևյալ կարևոր ճշմարտությունները. «Գթությունը հակառակության հակաթույնն է։ Գթությունը այն հոգևոր պարգևն է, որն օգնում է մեզ հեռացնել բնական մարդուն, որը եսասեր է, պաշտպանողական, հպարտ ու նախանձ: Գթությունը Հիսուս Քրիստոսի ճշմարիտ հետևորդի հիմնական հատկանիշն է։ Գթությունը խաղաղարարի բնութագիրն է»։ Երբ խորհում եք նախագահ Նելսոնի խոսքերի շուրջ, ի՞նչ է Հոգին ոգեշնչում ձեզ անել: Կարող եք նախագահ Նելսոնի հայտարարությունը դնել ինչ-որ տեղ, որտեղ դուք հաճախ այն կտեսնեք, որպես հիշեցում ուրիշների հանդեպ գթություն ցուցաբերելու մասին:

Ինչպե՞ս եք ճանաչում Հիսուս Քրիստոսի հետևորդին։ Փրկիչն անձամբ սովորեցրել է. «Դրանով բոլորը կճանաչեն, որ դուք իմ աշակերտներն եք, եթե միմյանց նկատմամբ սեր ունենաք» (Հովհաննես 13․35)։ Խմբով մտածեք այն մարդկանց մասին, որոնցով հիանում եք, որոնք գթության իսկական օրինակներ են: Ինչպե՞ս են նրանք ցույց տվել Քրիստոսի մաքուր սերը։ Կարող եք հաղորդագրություն ուղարկել կամ որևէ նամակ գրել այդ մարդկանցից մեկին և կիսվել, թե ինչպես եք հիանում իրենցով։

Խոսեք որոշ կարևոր ընտրությունների մասին, որոնք անում եք ամեն օր: Ապա կարդացեք «Սիրեք Աստծուն և սիրեք ձեր ընկերոջը» Երիտասարդներին զորացնելու համար. ուղեցույց ընտրություն կատարելու համար գրքույկում ([2022], 10-15)։ Քննարկեք, թե ինչպես կարող է գթության պարգևն ուղեցույց լինել այդ ընտրություններից յուրաքանչյուրը կատարելիս:

Խորհեք նախագահ Դիտեր Ֆ. Ուխդորֆի հետևյալ խորհրդի շուրջ․ «Ինչ խնդիրներ էլ որ ծառացած լինեն ձեր ընտանիքի առջև, ինչ էլ որ դուք անեք դրանք լուծելու համար, լուծման սկիզբը և վերջը գթությունն է՝ Քրիստոսի մաքուր սերը»։ Աշխատեք միասին կազմել որոշ խնդիրների կամ դժվարությունների ցուցակ, որոնց բախվում են անհատները կամ ընտանիքներն այսօր, օրինակ՝ վեճ կամ նախանձ։ Այնուհետև կարող եք կարդալ Մորոնի 7.45 հատվածը և խոսել այն մասին, թե ինչպես կարող են այս հատվածում նկարագրված գթության հատկանիշներն օգնել լուծել ձեր ցուցակի խնդիրները: Այնուհետև կարող եք մի պարզ ծրագիր կազմել գթություն կիրառելու համար, որը կօգնի լուծել խնդիրներից մեկը: Ներգրավեք Աստծուն ձեր ծրագրում և անհրաժեշտության դեպքում օգնություն խնդրեք ուրիշներից:

2 Նեփի 26․30, Վարդապետություն և Ուխտեր 121․45-46

Ռասսել Մ. Նելսոն, «Պահանջվում են խաղաղարարներ», Լիահոնա, մայիս 2023, 98–101

Ուլիսես Սոարես, «Խաղաղության Իշխանի հետևորդները», Լիահոնա, մայիս 2023, 85-87

Ջ․ Անեթ Դեննիս, «Նրա լուծը քաղցր է, և Նրա բեռը՝ թեթև», Լիահոնա, նոյեմբեր 2022, 80-82

Marvin J. Ashton, “The Tongue Can Be a Sharp Sword,” Ensign, May 1992, 18–20

«Գթություն՝ Քրիստոսի մաքուր սերը», Եկեղեցու նախագահների ուսմունքները. Ջոզեֆ Սմիթ (2011), 423-33