Օժտման և կնքման արարողություններ

Օժտման ընթացքում մենք ուխտում ենք ապրել հինգ տարբեր օրենքներով: Կարդացեք այս օրենքների մասին 27.2 բաժնում Ընդհանուր ձեռնարկ. ծառայել Հիսուս Քրիստոսի Վերջին Օրերի Սրբերի Եկեղեցում ձեռնարկում (Ավետարանի գրադարան): Ինչպե՞ս եք արդեն ապրում այս օրենքներով: Ի՞նչ կարող եք անել՝ այդ օրենքներով լիարժեք ապրելու համար: Ինչպե՞ս է Հիսուս Քրիստոսն այդ օրենքներով ապրելու օրինակը հանդիսանում: Խորհեք, թե ինչպես կարող է այս օրենքներից յուրաքանչյուրով ապրելն օգնել ձեզ ավելի նմանվել Նրան։

Մենք բախտավոր ենք, որ ապրում ենք այնպիսի ժամանակներում, երբ ամբողջ աշխարհում տաճարներ են կառուցվում։ Երեց Դեյվիդ Ա. Բեդնարն ուսուցանել է․ «Հասկանալի է, որ յուրաքանչյուր նոր տաճարի հայտարարումը մեծ ուրախության աղբյուր և պատճառ է՝ Տիրոջը շնորհակալություն հայտնելու համար: Սակայն մենք հիմնականում պետք է կենտրոնանանք ուխտերի և արարողությունների վրա, որոնք կարող են փոխել մեր սրտերը և խորացնել մեր նվիրումը Փրկչին, ոչ թե պարզապես շենքի տեղակայման և գեղեցկության վրա»: Ձեր կարծիքով՝ օժտման ուխտերն ու արարողությունները ինչպե՞ս կարող են փոխել ձեր սիրտը: Ինչպե՞ս կարող են դրանք խորացնել ձեր նվիրվածությունը Փրկչի հանդեպ։ Խորհեք, թե ինչպես կարող է օժտման ուխտերի և արարողությունների վրա այս ձևով կենտրոնանալն օգնել ձեզ պատրաստվել վեհացման:

«Ինչո՞ւ մնալ ուխտի արահետի վրա» ելույթում երեց Դ. Թոդ Քրիստոֆերսոնը Հիսուս Քրիստոսի ավետարանով ապրելը համեմատեց թենիսում «չպարտադրված սխալներից» խուսափելու հետ: Կարդացեք այս համեմատության մասին նրա ուղերձում և քննարկեք, թե ինչ «չպարտադրված սխալներից» ենք խուսափում՝ պահելով օժտման ընթացքում կապած հինգ ուխտերը (տես Ընդհանուր Ձեռնարկ, 27.2): Կարող եք նաև դիտել թենիսի խաղի մի տեսանյութ կամ նույնիսկ թենիս խաղալ, որպեսզի տեսնեք, թե ինչ տեսք ունեն չպարտադրված սխալները։ Այնուհետև քննարկեք ուխտերը պահելու այլ օրհնություններ, որոնցով կիսվում է երեց Քրիստոֆերսոնն իր ուղերձում: Ինչպե՞ս են այս օրհնություններն ամրացնում ուխտի արահետով քայլելու և օժտման պարգևը ստանալու կամ տաճարում ձեր արդեն իսկ կնքած ուխտերը պահելու ձեր ցանկությունը:

Օժտման մի մասը ներառում է սրբազան հագուստ կրելը, երբ մենք կապում ենք ուխտեր և կատարում արարողություններ: Քննարկեք այլ իրադարձությունների օրինակներ, երբ հատուկ հագուստ ենք կրում, և թե ինչու է այդ հագուստը կարևոր այդ փորձառության համար։ Այնուհետև կարող եք դիտել «Sacred Temple Clothing» տեսանյութը (4.12), որտեղ բացատրվում է, թե ինչ է իրենից ներկայացնում տաճարային հագուստը, և ինչու են օժտված անդամներն ամեն օր իրենց հագուստի տակ կրում տաճարային հանդերձներ: Խոսեք այն մասին, թե ինչպես է սրբազան հագուստն օգնում արտահայտել նվիրվածության զգացումները Աստծո հանդեպ և օգնում մեզ ավելի մոտենալ Նրան։ Դուք կարող եք նաև վերհիշել քույր Ջ. Անեթ Դեննիսի «Զգեստավորվեք Տեր Հիսուս Քրիստոսով» ելույթը, որպեսզի ավելի շատ բան իմանաք տաճարային հանդերձի մասին: Կամ կարող եք միասին ուսումնասիրել «Temples» ChurchofJesusChrist.org էջը, որպեսզի ավելի օգտակար նյութեր գտնեք տաճարների մասին, ներառյալ այն նյութերը, որտեղ ցույց են տրվում Տիրոջ տունը ներսից: Ինչպե՞ս կարող եք օգտագործել այս նյութերը, որպեսզի օգնեք նրանց, ովքեր կարող են հարցեր ունենալ տաճարի և տաճարային հագուստի վերաբերյալ։

Վարդապետություն և Ուխտեր 97․8, Աբրահամ 3․25

Դալլին Հ․ Օուքս, «Ուխտեր և պարտականություններ», Լիահոնա, մայիս 2024, 93-96

Ավետարանի ուսումնասիրության լրացուցիչ ուղեցույցներ. Հնազանդություն, Զոհաբերություն, Մաքրաբարոյություն, Նվիրաբերում

«About the Temple Endowment», Ավետարանի գրադարան

Եկեղեցու պատմության թեմաներ, «Temple Endowment», Ավետարանի գրադարան

“We Will Prove Them,” chapter 37 in Saints: The Story of the Church of Jesus Christ in the Latter Days, vol. 1, The Standard of Truth, 1815-1846 (2018), 453-55

Երբ Հիսուս Քրիստոսը Պետրոս առաքյալին տվեց «երկնքի արքայության բանալիները», Նա տվեց նրան կնքման զորություն, զորություն՝ տալու օրհնություններ երկրի վրա, որոնք կշարունակվեն երկնքում (տես Մատթեոս 16.19)։ Կարդացեք Վարդապետություն և Ուխտեր 110.13-16, 132.7, 45-46, որպեսզի իմանանք, թե ինչպես այս բանալիները վերականգնվեցին Մարգարե Ջոզեֆ Սմիթին վերջին օրերում: Այս բանալիներն այժմ կրում է մեր ներկայիս մարգարեն, և դրանք միավորում են ընտանիքները հավերժության համար: Այնուամենայնիվ, կնքման զորությունը «ոմանց կարող է շատ համարձակ վարդապետություն թվալ» (Doctrine and Covenants 128.9)։ Ինչո՞ւ կարող է դա այդպես թվալ։ Ինչպե՞ս է ձեզ հույս ներշնչում այն գիտելիքը, որ երկրի վրա կնքված ընտանեկան հարաբերությունները կնքվում են նաև երկնքում։

Նախագահ Ռասսել Մ. Նելսոնն ուսուցանել է. «Տաճարում կնքված ամուսնության ուխտը ուղղակիորեն կապված է Աբրահամի այդ ուխտի հետ: Տաճարում ամուսնական զույգին ծանոթացնում են Աբրահամի, Իսահակի և Հակոբի հավատարիմ սերունդներին վերապահված բոլոր օրհնություններին»: Կարդացեք այս օրհնություններից մի քանիսի մասին Վարդապետություն և Ուխտեր 76.50-60, 132․19 հատվածներում։ Ինչպե՞ս կարող եք լինել «արդար և ճշմարիտ» (Վարդապետություն և Ուխտեր 76.53) Աստծո հետ կապած ձեր ուխտերին, որպեսզի դուք և ձեր սիրելիները կարողանաք ստանալ Նրա մեծագույն խոստումները: Գրի առեք ձեր ստացած յուրաքանչյուր տպավորություն, որից հետո գործեք դրանց համաձայն:

Կնքման արարողությունը կատարվում է տաճարում գտնվող սուրբ զոհասեղանի առջև: Ձեր կարծիքով՝ ի՞նչ կարող է ներկայացնել զոհասեղանը: Այս սուրբ գրությունները կարող են առաջնորդել ձեր մտքերը Ծնունդ 8.20, 26.23-25, 1 Նեփի 2.7, Մովսես 5.5-9։ Ի՞նչ է հուշում ձեզ խորանի խորհրդանիշը կնքման արարողության և ընտանեկան հարաբերությունների վերաբերյալ:

Ավանդաբար կնիքներն օգտագործվել են իրավական փաստաթղթերի, վկայականների կամ կարևոր նամակների համար, որպեսզի ցույց տան, որ դրանք օրինական են: Կարող եք նայել տարբեր տեսակի կնիքների մի քանի նկարներ կամ կարող եք պատրաստել ձերը։ Այնուհետև միասին վերանայեք երեց Դ. Թոդ Քրիստոֆերսոնի «Կնքման զորությունը» ելույթը: Ի՞նչ տարբերություններ կան երկրային կնիքի և Աստծո կնքման զորության միջև։ Ի՞նչ օրհնություններ են մեզ հասանելի Նրա կնքման զորության միջոցով: Եթե դուք Տիրոջ տանը կատարել եք կնքման արարողություն ձեր կամ նախնիի համար, կարող եք կիսվել ձեր փորձառությամբ: Ինչպե՞ս եք իմացել, որ Տերը ճանաչում է ձեր կնքման արարողությունը որպես «օրինական» կամ վավերական:

Երբեմն բարդ կամ անառողջ ընտանեկան իրավիճակները նվազեցնում են ընտանիքների հետ հավերժ լինելու ցանկությունը: Կամ գուցե ընտանիքի անդամներից մեկը չի հարգել իր ամուսնության ուխտերը, ուստի կասկածում ենք, որ մեր ընտանիքը հավերժ միասին կլինի։ Այսպիսի դեպքերի վերաբերյալ երեց Դեյվիդ Ա. Բեդնարն ուսուցանել է․ «Բոլոր նրանց, ովքեր իրենց ընտանիքներում տարել են ամուսնալուծության ցավը կամ զգացել են շահագործված վստահության տառապանքը, խնդրում եմ հիշել, որ կրկին դա սկսվում է ձեզանից։ Հնարավոր է, ձեր սերունդների մի օղակ կոտրվել է, բայց մյուս արդար օղակները և շղթայի մնացորդները հավերժորեն կարևոր են։ Դուք կարող եք ամրություն հաղորդել ձեր շղթային և գուցե օգնեք վերականգնել կոտրված օղակները։ Այդ աշխատանքը կիրականացվի մեկ առ մեկ»։ Միասին կարդացեք երեց Բեդնարի խոսքերը, ապա ստեղծեք թղթե շղթա: Այնուհետև յուրաքանչյուրդ կարող եք օղակներից մեկի վրա գրել մի բան, որը կանեք, որպեսզի ամուր կապ լինեք ձեր ընտանիքում՝ Փրկչի կնքման զորության միջոցով:

Ռասսել Մ․ Նելսոն, «Տաճարը և ձեր հոգևոր հիմքը», Լիահոնա, նոյեմբեր 2021, 93-96։

Դեյլ Գ. Ռենլանդ, «Ընտանեկան պատմություն և տաճարային աշխատանք. կնքում և բժշկում», Լիահոնա, մայիս 2018, 46-49:

«About Temple Sealings», Ավետարանի գրադարան

Եկեղեցու պատմության թեմաներ, «Sealing», Ավետարանի գրադարան