Jisus Kraist El use engan

Liye Doctrine and Covenants 101:36

Pahpah tomom Inkuhsrao El engan. El luhngse kom, tuhlihk Nahtuhl, in yohk engan yohrohlos pacl nuhkwewa. Pa inge srihpac se oruh El ahkolah plwacn in engan se inge. El suhpwacma wen Nahtuhl, Jisus Kraist, in pa Mwet Lahngo se lom ac luti ke wosasuc Lal. Kahs se inge wosasuc kalmac “pweng wo,” ac pweng wo sac pa ke srihpen Jisus Kraist, kom kuh in engan ke moul se inge ac engan fohnlah ke moul ma pahtpaht.

Ma Pwacye Wacngihn Sahflahiyac

Pwacyeiyac uh kom ac enagn ac enganwack. Pa ingacn srihpen moul lom uh. Pa srihpen plwacn in engan luhn Pahpah Inkuhsrao. Ma se inge tiac kalmac pac ac wacngihn ahsor kuh pacl upac nuh sum. Tuhsruhk kalmac pa Mwet Lahngo El kuh in kahsre kom in kuhtanglah ma upac ac konwacack engan.

Engan tiac tuhkuh ke ma sikyak nuh sum; el tuhkuh ke fahsr tuhkihn Jisus Kraist. Sahp oasr lwen koluk lom, wik koluk se, kuh yac koluk se. Tuhsruhk engan el tiac ma ke wacngihn luhn ahsor in moul lom; ma ke oasr luhn Kraist in moul lom.

Engan luhn Mwet Lahngo el yohk lik ac paht liki kuhtwena ma sahyac. Satan el ac srihfwe kom in suk pwacr ac sun luhngse lom ke ohiyac tiac wo kuh ke mwe ahkengan luhn facluh. Kuhtwena ma suc lain Jisus Kraist ac masap Lal tiac kuh in use nuh sum engan pwacye, enagan kawihl. Esam lah ma luhn facluh se inge suhkawihl. Wosasuc luhn Jisus Kraist sang pwacr ac engan suc yohklacna, muhtahl ac ma pahtpaht.

Solsol

Sulaclah engan. Finne pwacye lah oasr ahsor ac ma upac fin facluh se inge, Pahpah Inkuhsrao el oacyacpac nwacklah facluh ke ma wolacna pucpucs, ohiyac wowo. Suk ke ma inge. Srihke in konwacack srihpac in engan lwen nuhkwewa—sahp finne in suhmuhslah. Mwe sang inge ma tuhkuh sin Pahpah tomom Inkuhsrao.

Use engan ac enganwack nuh sin mwet sahyac. Jisus Kraist el konwacack sie engan fohnlah ke El use engan nuh sesr. Kom kuh in ukwoe mwe srihkasrak Lal in konwacack pwacr ac engan ke kuhlwacnsuhpuh mwet sahyac. Kahsruh sie mwet in puhla luhngse. Fahk ma wo se ke inse pwacye. Ahkkweye sie mwet ma upac nuh se. Kom fin ac puhla muh kom enenuh engan in moul lom an, srihke in ahkenganyeack sie mwet sahyac.

Kom in engan ke kom alu nuh sin Leum. Ke kom som nuhke alu ac, lohacng nuhke engan se ma Jisus Kraist El usot nuh sum, ac Kaksakuhnuhl kac! Oruh ip kunom in akacsruhi ke sie enganwack in nguhn ke toeni luhn Alu lom an. Oruh on muhtahl in sie ipin ahkfuhlwact lom lohm sum an ac ke alu ac.

Mwe Insewowo Ma Olwelah

Kom kuh in puhla engan finne moul se inge upac. Kom ac kuh in nuhkuh lah fuhkah tuh in ohinge, tuhsruhk pwacye. Luhlahlfongi lom ke Jisus Kraist, kuh in ahkwoyelah Lal, ac olwelah ma pahtpaht Lal kuh in usot nuh sum engan tiac tui. Engan lal afuhnlah ahsor ac use mislac suc ahluhkwelah lahlmwetmwet nuhkwewa.

Fohnlah luhn sie engan sane kom ke tohkohsrahi celestial luhn God. Jisus Kraist El kuhtanglah ma nuhkwewa ma tulokihn kom in eis engan ma pahtpaht. Ke kom luhlahlfongi ke el ac fahsr Tohkohl, engan se inge fah ma lom.

Kihsensiyuck ac Topukyac

Fin wosasuc el mwe engan, efuh kuh nga puhla suhpwacr? Puhla suhpwacr el tiac akucl se lah kom tiac moulkihn wosasuc. Moul luhn mwet nuhkwewa oasr ma upac, mwe sruhf, ac ahsor kac. Fahsr tuhkihn Jisus Kraist ac tiac ekuhllah ma se inge, tuhsruhk ac kuhpahsri kom nuh yurin Mwet Lahngo se ma kuh in ahkwoye kom ac kahsre kom in pwacr ac engan.

Efuh kuh yohkwelihk kweok fin facluh? Kuhtuh sin kweok fin facluh inge tuhkuh ke mwet uh orekmakihn sukohsohk in sulaclah lalos in orek sulaclah koluk. Ma inge kuh in oraclah kweok nuh selos sifacna ac nuh sin kuhtuh sahyac. Ke kuhtuh ohiyac, kweok el tiac koluk luhn mwet—el ma sikyak ke muhta fin facluh koluk se. Finne sikyak fuhkah, ac kuh in aruhlacna upac in liye sie mwet kweok, yohkiac elos ma kom luhngse. In kahlwem lah God El oacyacpac suhpwacr ke kom kweok uh. El lwelah mwe sruhf ke moul se inge in kahsre kom in kapwack ac ahkolah nuhke engan ma pahtpaht Yohrohl, tuhsruhk El tiac fihlikowi in muhkwena kweok. El suhpwaclma Jisus Kraist in eis nuh Facl kweok lom tuh Elan kuh in kahsre kom. Jisus Kraist pa kuh lom! Ac El suli, kom, ekihn sie mwet fahsr Tohkohl, in oruh ma kom kuh in oruh in kahsruh eslah kweok luhn mwet sahyac.

Liye Psalm 16:11 (sesseslah engan ke acn sin God); 95:1 (on nuh sin Leum); John 16:33 (engacn; Jisus Kraist El kuhtanglah facluh); Galatia 5:22 (fahko luhn Nguhn pa engan); Hebrew 12:2 (Jisus El muhtacnglah keok Lal ke srihpen engan in molwelah tuhlihk nuhtin God); 2 Nephi 2:25 (God El luhngse kom in engan); Alma 26:15–16 (oruh orekma luhn God kohlah nuh ke engan); Doctrine and Covenants 18:15–16 (fuhkah luhpan engan lom ke kom kahsruh mwet sahyac in fahsr nuh yurin Kraist).

Kihsensiyuck Nuhke Pwepuh in Lwelah Nuh Tempuhl

Yac oasr luhlahlfongi lom ke Iwaclah luhn Jisus Kraist ac ma Kunacl ekihn Mwet Lahngo ac Mwet in Molwelah lom?