Mwe kolyuck in oraclah sulaclah

Ke Nuhke Kuh luhn Mwet Fuhsr, kom ac konwacack mwe luti luhn Jisus Kraist ac mwet pahluh Lal. Ke ma pwacye inge oacna mwe kol lom, kom kuh in oruh mwe kolyuck in oraclah sulaclah ma ac ahkinsewowoye kom ingena ac nuhke moul ma pahtpaht.

Kom tuhlihk kuloh nguhn nuhtin God. Placn in engan wolacna Lal oraclah kom in kapwack ke ma luhn nguhn ac ahkfokokoye ma wolacna kom finsrak nuhkac. El suhpwaclma Jisus Kraist in Mwet Lahngo lom.

Pahpah tomom Inkuhsrao El luhlahlfongi kom. El usot nuh sum mwe insewowo yohklacna, weacng fohnlah luhn wosasuc ac akwuck muhtahl ac wuhlweacng ma kuhpahsrikomyang nuh Sel ac use kuh Lal nuh in moul lom. Oasr luhn wuhlweacng inge ituckyang nuhkac engan ac kunohkohn. El etuh lah kom kuh in oraclah eklac nuh facluh, ac ma sacn enenweyuck ke ohiyac puhs, ma siena liki facluh. Suk ke kolyuck luhn Pahpah Inkuhsrao ke kom oruh sulaclah uh. El fah ahkinsewowoye kom ke moklweyuck luhn Nguhn Muhtahl.

Jisus Kraist pa inkacnek nuhke engan wacngihn sahflahiyac. Ke kom orekmakihn sukohsohk in sulaclah in fahsr tukihn Jisus Kraist, kom muhta ke inkacnek se ma kol nuhke engan wacngihn sahflahiyac. Oruh Jisus Kraist Elan akwuck se lom, pwelucng fokoko se lom. Muhsahi moul lom fin mwe luti Lal, ac srihkeyac sulaclah lom an kacltahl. Wuhlweacng kom oraclah ke pacptais ac, ke kuhfa luhn Leum, ac lun tempuhl eltahl ip se ke pwelucng fokoko lom ke Kraist. Kom ac srackna sun ma upac ac mwe sruhf, tuhsruhk Pahpah Inkuhsrao ac Mwet Lahngo ac kahsrwe kom in kuhtanglah nuhkwewa.

Srihpac luhn Nuhke Kuh luhn Mwet Fuhsr el tiac usot nuh sum sie “ahok” kuh “moh” ke sulaclah nuhkwewa ma kom ac sun uh. Tuhsruhk, Leum El sulikom in muhta ke sie acn fuhlwact liki ac muhtahl liki—sie moul lohacng nuhke ma pwacye wacngihn sahflahiyac ac ke mwe inseowowo Leum El tuh olwelah. Pa inge inkacnek Lal. Mwe kol se inge ac luti kom ke inkacnek Lal. Mwe kol se inge ahkuhtweyac ma pwacye El tuh fahkwack kac. Oraclah ma pwacye inge in mwe kol lom nuhke orek sulaclah—sulaclah yohk, oacna orek wuhlweacng lun tempuhl ac kuhlwacnsap ke sie misin, oacpacna sulaclah lwen nuhkwewa, oacna ke kom oruh fuhkah nuh sin mwet kuh sislah pacl lom fuhkah.

Ke mwet sahyac kuh in kahsrwe kom uh, kapwack lom ke nguhn ma lom sifacna. Pa ingacn ma kunom. Sang kuhiyom in ahkwoye ke kais sie lwen, liacacng masap luhn God ac ahkfuhlwactye wuhlweacng lom, ac kahsruh mwet sahyac in tuhkuh fototoyang nuh yurin Mwet Lahngo.

Liye Mosiah 4:29–30 (inkacnek nuh ke ma koluk uh puhslacna, pwacnacng kuht enenuh in sifacna liyekuhtyang); Helaman 5:12 (muhsaheack pwelucng lom kacl Kraist); Doctrine and Covenants 45:57 (eis Nguhn Muhtahl in mwe kolyuck se lom); 25:13 (fungyang nuh ke wuhlweacng lom).