1.
Plwacn luhn God ma nuh sum
Met liki kom tuhkuh nuh facluh, kom muhta yurin ninac pahpah inkuhsrao. Kom tuhlihk kuloh se nahtuhlos. Inkuhsrao, kom lotwelah ke plwacn luhn God nuh sin sucu Lal. Kom tuh eis plwacn se inge ke engan mweyen ac kahsrwe kom in kapwack ac fokokoi in eklac oacna God in eis mahno se, in ma ke sie sucu fin facluh, ac puhla moul facluh uh. Kuhtuh sin ma sikyak inge sahp ac upac. Pahpah tuhmacsr El etuh ma se inge, oruh ipin plwacn Lal, El suhpwacma Mwert Lahngo se, Jisus Kraist, in kahsrwe kom. Kuht pahngon ma se inge plwacn in molwelah kuh plwacn in engan.
Ma Pwacye Wacngihn Sahflahiyac
Pahpah Inkuhsrao pa mwet se oraclah plwacn se inge. El pa Pahpah tuhmwacn nguhn lom an, ac El luhngse kom. El kena usot nuh sum mwe ahkinsewowo pucspucs Lal—moul ma pahtpaht Yohrohl. Ke kuhtuh kahs sahyac, El kena kom in eklac oacna El ac muhta ke moul engan, wolacna se El muhta kac. Kuh nuhkwewa oasr Yohrohl ac El etuh ma nuhkwewa. Kom kuh in luhlahlfongi ke El, finne ke pacl upac.
Jisus Kraist El oraclah in oasr plwacn sac. Met liki facluh tuh oreklac, Pahpah Inkuhsrao El tuh sulaclah Elan pa Mwet Lahngo se lom uh. Jisus Kraist pa mwet sefanna ma kuh in us kuht fohlohk nuh yurin Pahpah Inkuhsrao. Pa oruh kuht sulaclah in fahsr Tohkohl uh. Ma nuhkwewa epacl nuhke sulaclah sac.
Pahyuck ac sucu uh yohk srihpac nuhke plwacn luhn God. Kom ip se ke sucu luhn God, ac tuhlihk nguhn nuhkwewa Nahtuhl tuhkuh nuh facluh sin ninac se ac pahpah se. God El luhngse muhtwacn ac mukul Nahtuhl in tuhkweni kapkapwack nuke wolacna ma pahtpaht. Mukul ac muhtwacn tuhkweni akacsruhi sie sin sie nuhke sie, pahyuck wo inmahsrlo. Moul luhn sucu fin facluh se inge—finne ke tahfonglac nuhkwewa—kuh in use engan. Kalma pa in kahsrwe kom in ahkolah nuhke moul ma pahtpaht yurin God.
Solsol
Sruokyac na sie mwe ngwetngwet nuh tok ma pahtpaht. Pacl nuhkwewa kom sun mwe sruhf, ma upac, mwe ahksuhpwacr, kuh sulaclah upac, ahkacsmakihnye kom ke plwacn luhn God. Liye lah ma pwacye tiac eklac kom etuh ke plwacn Lal kuh in kahsrwe kom liye ma upac nuh sum ke siena ngwetngwet fuhkah.
Suk poun God ke moul lom an. Akihlen inkacnek God El ahkinsewowoye kom kac. Sahp ac sie mukuikui kuhlwacng sin sie mwet, pacl in monglac srihsrihk se, kuh top ke pruhe se.
Sulaclah in ukwoe plwacn luhn God. Lotwelah lah meac Pahpah Inkuhsrao El luhngse kom in oruh. Suk ke kolyuck Lal ke kom lutlut ke ma suhmuhslah, kahs luhn mwet pahluh moul, mwe fahkwack luhn sucu, ac mwe insewowo luhn patriarch lom. Ma inge ac kahsrwe kom in ahkolah in kuhlwacnsuhpuh Leum, ekihn sie misineri ac ke moul lom nohfohn. Oruh kuhlwacnsap nuh sin Leum, pahyuck ma pahtpaht, ac tuhfahlah tuhlihk pa sie kunohkohn yohk. Oruh ip kunom in oraclah sie sucu engan ingena ke kom ukwoe luti luhn Jisus Kraist.
Mwe Insewowo Ma Olwelah
Kom kuh in sun ma upac ke moul se inge ke puhlaik ac finsrak ke Kraist. Ke srihpen kom etuh ke plwacn tiac eklac luhn God, oasr kuhfwen mwe orekma sacohk se ma kuh in kahsrwe kom ke pacl upac. Kom etuh lah oasr pac ma yohk ke moul se inge likina ma sikyak inmahsrlon isuslac ac misac. Kom etuh lah suc kom uh, meac srihpac lom uh, ac suc kom fah eklac oacna ke kahsruh luhn Mwet Lahngo. Jisus Kraist pa kuh lom!
Kom kuh in eis moul ma pahtpaht ke kom fahsr tukun Jisus Kraist. El fah usot nuh sum kuh in eklac oacna El, fohlohk nuh yurin ninac pahpah inkuhsrao tomom, ac muhta ke engan yurin mwet kom luhngse nuh tok ma pahtpaht. Luhlahlfongi Jisus Kraist.
Kihsensiyuck ac Topukyac
Efuh moul uh arlac upac kuhtuh pacl? Ngac konwacack kuh fuhkah? Ma kom puhla fin facluh se inge—finne tahfonglac nuhkwewa—kuh in ma ac wo nuh sum. Eltahl kuh in kahsre kom kap ac fokokoi ke kom forlah nuh sin Mwet Lahngo. Wacngihn sie ma sikyak nuh sum ma Jisus Kraist el tiac kahlwem kac ke srihpen kisac in iwaclah Lal. El etuh na pwacye lah El ac kahsrwe kom fuhkah. Furohklah moul lom nuh Sel, ac El fah eslah ahlohloh ac sahngeng nuhkwewa liki kom.
Kuhtuh pacl uh, nuhnak ke engan luhn sucu ac pahyuck oacna in arulacna loeslac. Ngac konwacack luhlahlfongi kuh fuhkah? Lah fuhkah ma kom puhla, nimet fuhlweack ke plwacn luhn Pahpah Inkuhsrao. El fah tiacna fihlikomlac. Kom fin pwacye nuh sin Mwet Lahngo ac wuhlweacng lom an, kom ac konwacack top ke luti luhn Jisus Kraist. El etuh ma nuhkwewa kom puhlakihn uh. Kacl, kom fah eis kuh in ahkos masap luhn God ac eis mwe insewowo ma El olwelah. Luhlahlfongi ke El ac wosasuc Lal.
Liye 2 Nephi 9:13 (fuhkah woiyacn plwacn luhn God lasr!); Mosiah 2:41 (lalos suc liyacacng masap fah muhta yurin God ke sie ohiyac engan wacngihn sahflahiyac); Alma 12:28–34 (God El oraclah plwacn in molwelah etweyuck nuh sin tuhlihk Nahtuhl); Abraham 3:22–26 (Plwacn luhn God weacng pacna suhpwe kuhtme nuh facluh, kuht in tuh sulwaclah sesr sifacna in ukwe masap Lal).
Kihsensiyuck Nuhke Pwepuh In Lwelah Nuh Tempuhl
-
Kuh oasr luhlahlfongi ac fahkwack luhlahlfongi lom ke God, Pahpah Ma Pahtpaht; Wen Nahtuhl, Jisus Kraist; ac ke Nguhn Muhtahl?