God El luhngse sramsram nuh sum

Nguhn Muhtal el kol kom nuh yurin Pahpah Inkuhsrao ac Jisus Kraist. Pa inge orekma yohk srihpac luhn Nguhn Muhtahl uh. El fah oacyacpac mokle kom in auliyak ac fahsr tukun Jisus Kraist kom in kuh in eis mwe insewowo ke Iwaclah Lal. Ke kom auliyak, Nguhn El ahknwacsnwacsyekomlac ac kahsrwe kom in eklac.

Nguhn Muhtahl El sramsram nuhke nuhnak lom ac insiom. Mwe fahkwack sin Nguhn kuh in tuhkuh nuhke nuhnak lom ke ohiyac puhs—ke nuhnak mokleyuck, mwe sensenkackihn, etuh kahlwem, ac mwe acsmakihn kawihl. Nguhn Muhtahl kuh in sramsram nuh insiom ke puhla pwacrwack se oacna ahkwoye, luhlahlfongi, mislac, mongfihsracsr, kaksak, ac muhtweng.

“Eis ke Nguhn Muhtahl.” Kahs inge fwack ke kom tuh ahkkkweyeyucklac in sie mempucr ke Alu luhn Kraist ac. Kom eis fuhkah ke Nguhn Muhtahl? Ke kom ahkos masap ac mwe luti luhn Jisus Kraist. El pa kuh lom. Fahsr Tohkohl suli Nguhn Muhtahl nuh ke moul lowos an.

Suk Pahpah tomom Inkuhsrao ke pruhe. Okwaclah insiom nuh Sel. Kuloh nuh Sel ke mwe insewowo wolacna pucspucs El usot nuh sum. Akacsruhi nuh Sel engan, fosrngah, ac kihsensiyuck lom an. Tiac mukuikui ac lohng top Lal, ma sahp tuhkuh ke puhla mislac, nuhank lom, kuh motkwoelah in oruh ma se.

Lohng puhsrwen God lun ma suhmuhslah. Ma suhmuhslah el kahs luhn God nuh sum! Lutlut kac lwen nuhkwewa in konwacack Puhsrwacl ac puhla luhngse Lal. Ke kom rit, motko lah oacna meac El luti nuh sum, ac suhmuhslah ma kom nuhnkuh kac. Oruh in akwuck se in luti ke ma suhmuhslah lwen nuhkwewa—yohk na Puk luhn Mormon—ke moul lom nohfohn.

Orekmakihn atac luhn nguhn ma kom eis. Fin oasr nuhnak kuh atac in oruh sie ma kuhlwacng ma ac ahkinsewowoye sie mwet, oruh! Ma wowo nuhkwewa tuhkuh sin God me. Ahkkahlwemye nuh sin Pahpah Inkuhsrao lah El kuh in luhlahlfongi kom in ukwoe inkacnek tuhkuh Sel me.

Nguhn Muhtahl fah ahkkweye kom ac kol kom. Etweyuck El oacna Mwet In Ahkkwoye se. El fah kahsrwe kom ke pacl upac. El fah kahsrwe kom in etuh ma kom in fahk kuh oruh. Ke kuh Lal, kom kuh in fahk ma tiac oana sie inmahsrlon ma pwacye ac ma suhtuhuh. Kom ac konwacack fuhka ma wo yurin mwet sahyac ac keim sifacna? Nguhn El kuh in sensenkackihn kom liki mwe ongaiyac. El fah kol kom nuh yurin Jisus Kraist ac loeslac nuhke ma koluk.

Kom kuh in eis mwe sang kawihl. Oasr mwe sang pucspucs God El sang nuh sin tuhlihk Nahtuhl sin Nguhn Muhtahl Lal. Kuhtuh sruhmuhnyuck lun ma suhmuhslah weacng fahkyuck, luhlahlfongi ke Jisus Kraist, luti, nuhnuhnkuh sowohs, ac lahlmwetmwet. Pruhe in siyuck sin Pahpah Inkuhsrao ke mwe sang kawihl El usot nuh sum, kom ac ahkyokyaclihk fuhkah, ac El kena kom in orekmakihn in ahkinsewowoye mwet sahyac fuhkah.