Monum muhtahl

Monum el ma ke luhman God—El suc wolacna, fuhlwactlacna emet, inkuhsrao. Ma suhmuhslah el kapsruh mahnosr nuhke sie tempuhl muhtahl, acn se ma Nguhn kuh in muhta we. Ahok, mahno lom an tiac wo ingena. Tuhsruhk ma kom puhla ke mahno lom an kuh in kahsre kom in ahkolah nuhke sie lwen kom ac eis, sie mahno wolacna, ma sifilpac moulyak.

Nguhnum oreklac ke monum ac nguhn lom. Ke srihpac se inge, orekma luhn mahno ac orekma luhn nguhn eltahl kuhpahsreni wo. Mwet Lahngo El ahkutweyac ke Kahs In Lahlmwetmwet in luti ip yohk ke karihngihnyen monum ac in olwelah mwe insewowo ke mahno ac nguhn.

Puhla ke ohiyac luhn akohnohkohi ma yohk srihpac ke plwacn luhn God in oraclah pahyuck engan ac sucu ma pahtpaht. Puhla inge tiac ma koluk se—eltahl muhtahl. Ke srihpen ohiyac in akohnohkohi el arulacna muhtahl ac fokoko, God El usot nuh sum masap Lal ke tiac kosro in ahkwoekomlac in orekmakihn puhla ma El plwacnwelah. Masap ke tiac kosro fahk lah God El lwelah akohnohki muhkwena inmahsrlon sie mukul ac sie muhtwacn ma pahyuck. Mwet puhs pihlesruh kuh finne ahksruhksruhkye masap luhn God, tuhsruhk Leum el ngihsre kuht in mwet tuhma lutlut Lal ac muhta ke sie akwuck fuhlwact.

Karihngihn monum—ac monun mwet sahyac—ke ahkfuhlwact. Ke kom oruh sulaclah lom ke nuknuk lom, stael ke insifom, ac lomom, siyuck sum sifacna, “Yac nga ahkfuhlwactye monuk oacna sie mwe sang muhtahl sin God?” Pahpah Inkuhsrao El luhngse kuht in liye kais sie lah suc na pwacye kuht uh: in tiac ke mahnosr muhkwena tuhsruhk in tuhlihk saohk Nahtuhl ke sie finsrak wolacna. Nimet oruh stael ma ahkahlwemye kuh use pwen muhta koluk nuhke monum tuhsruhk in etuh lah suc kom uh ekihn tuhlihk se nuhtin God ke sie pacl fahsruh nuh tok ma pahtpaht. Lwelah nwacsnwacs ac luhngse ke God in kol sulaclah lom an. Suk kahs in kahsruh sin sucu lom an.

Oruh ma ac ahkkweye monum, tiac ma ac ahkngalye kuh kuhnahoslah. Engan wi kaksak ke ma wowo pucspucs God El usot. Esam lah mwe sruhi, paip, kohfi, ti, ac kuhtuh ono sensen ac ma oasr kacmikuhl kac eltahl tiac ma nuhke monum kuh nguhnum. Finne kacmikuhl ma kuh in kahsruh, oacna ono fokoko utuckuh sin taktuh, kuh pac in ahkkolukyelah fin tiac orekmakihnyuck wo.

Liacacng akohnohki ac puhlac kac an in muhtahl. Eltahl tiac enenuh in mwe ahksruhksruhk kuh mwe ahkpwacr. Fin mukul se ac muhtwacn se tiac pahyuck, tiacna wo in kahl acn ten, kuh acn lukmac ke monun siepacna mwet, finne elos nuknuk. Ke sulaclah lom lah meac kom ac oruh, liye, riti, lohng, nuhnkuh kac, suhmuhslah, kuh text, kahingkihn kuhtwena ma ac ahkmuhnahsye kom in srihpwacack nuhnak in srwacl nuh sin mwet sahyac kuh keim sifacna. Ma se inge wi pac petsac koluk ke oacna sie luhmah. Kom fin konwacack lah ohiyac kuh mukuikui ingacn oruh mwe sruhf uh upaclac, kahingkuhnlah. Kom etuh lah meac ohiyac ac mukuikui inge. Ac kom fin tiac arlac etuh, Nguhn, sucu lom an, ac mwet kol lom an kuh in kahsre kom in etuh. Ahkkahlwemye nuh sin Pahpah tomom Inkuhsrao lah kom ahkmuhtahlye ac ahkfuhlwactye kuh muhtahl in oraclah moul.

Ahkfuhlwact lom nuh sum sifacna ac mwet sahyac fah yohkwelihk ke kom ahkfuhlwactye monum ke elah lom,lomom, ac nuknuk.

Leum El olwelah ke mwe sang sacohk ke etwacack nuh selos ma liacacng Kahs in Lahlmwetmwet. Mahno fokoko se, sukohsohklah liki ma kom pahlah kac, oacyacpac ahkyohkye kuh lom in eis mwe fwakyuck lom sifacna, mwesahs insifac, ac kuhlwacnsuhpuh Leum.

Moulkihn masap ke tiac kosro use ahkkweyelah luhn God ac kuh in nguhn lom sifacna. El karingihnkomyang ac sucu lom pacl fahsruh uh. Ke kom pahyuckyak, masap se inge ac fah use luhngse yohklikina, luhlahlfongi, ac ma sefanna ke pahyuck lom an. Liacacng masap se inge ac oruh kom in kapkapwack wacngihn sahflahiyac ac eklac oacna Pahpah tomom Inkuhsrao. Luhlahlfongi lom an ac kapwack ke kom moulkihn oacna sie mwet tuhma lutlut luhn Jisus Kraist.