Pweng sin Prestuhnsi Se Met

Kuht luhngse kowos, ac kuht luhlahlfongi kowos. Pwacyena lah kom inmahsrlon tuhlihk nguhn nuhtin Pahpah Inkuhsrao, ma suhpweycukme nuh facluh ke pacl se inge in oruh ma yohk srihpac.

Kom fokokoi ac kuh in oruh ma kom tiac motko. Ac ke kom luhlahlfongi Mwet Lahngo, kuhiyom fokokoi likina met ah. Jisus Kraist pa “kuh luhn mwet fuhsr.”

Mwe kol se inge fah kahsrwe kom muhsahi sie pwelucng fokoko in oraclah sulaclah in muhta ke inkacnek in wuhlweacng. Ac fah kahsrwe kom ahkolah in orek wuhlweacng muhtahl lun tempuhl, ahkolah in kuhlwacnsap ke misin, ac konwacack engan in fahsr tukun Jisus Kraist in moul lom nohfohn. Oasr acn yohk srihpac se sum ke Alu Lal. Jisus Kraist El fah kahsrwe kom ahkfalye srihpac Lal nuh sum.

Kuht etuh lah God El moul. Pa inge pruhe lasr tuh kowos in tu kuh ke inkacnek in wuhlweacng—inkacnek se ma oraclah ac liacacng wuhlweacng muhtahl yurin God. Pa ingacn inkacnek se ma pwen kom fohlohk nuh yurin Pahpah tomom Inkuhsrao. Ke kom oruh, kom fah mwe srihkasrak se nuhke ma wo, akacsruhi ke wosasuc ke engan, oracni tuhlihk nuhtin God, ahkolah facluh nuhke Tuhkuh Ahkluo luhn Mwet Lahngo. Esam: Jisus Kraist pa kuh lom!