7.
Akwuck ac wuhlwelah usot nuh sum lwelah ke mwe insewowo luhn God
Doctrine and Covenants 84:20
Pahpah tomom Inkuhsrao El arulacna ke luti kom ac ahkinsewowoye kom. Inkacnek se El oruh ma inge tuhkuh ke akwuck oacna pacptais, ahkkweyelah, ac ke kuhfa luhn Leum. Tuhkuh ke akwuck oacna inge, kuht orek wuhlweacng, kuh olwelah, yurin God. Liacacng wuhlweacng ahkyohkye kuh luhn God in moul lom ac kahsrwe kom in ahkolah nuhke moul ma pahtpaht. Pa srihpac se oruh akwuck ac wuhlweacng eltahl sacohk sesr uh—mweyen eltahl ahkfofokoye kuhpwahsr lasr nuh sin Pahpah tuhmwacsr Inkuhsrao ac Mwet Lahngo lasr ac kahsrwe kuht in eklac oacna Elos.
Ma Pwacye Wacngihn Sahflahiyac
Akwuck kol kom nuh sin Jisus Kraist. Sie akwuck el ahkfuhlwact muhtahl se weacng kalmen mwe akucl ma luti ke Jisus Kraist. Kuhfa luhn Leum, nuhke mwe srihkasrak, el tiac puhret ac kof muhkwena. El ahkacsmakihnye kuht ke Mwet Lahngo.
Wuhlweacng el mwe akucl ke luhngse luhn God, luhlahlfongi, ac finsrak kac. Eltahl oraclah kuhpahsr lom nuh yurin God nuhke sie lacfwuhl fokoko. Oraclah sie wuhlweacng fahkwack lah kom luhngse God ac kisackihnkomyang nuh Sel. Kom kuh in Luhlahlfongwel, ac El kuh in luhlahlfongi kom. Wi kihsackuhnlah fokoko sac tuhkuh lwelah kuh se nuhke kuh Lal ac kahsrwe kom ke kom liacacng wuhlweacng lom.
Kom oraclah wuhlweacng lom yurin God ke kom tuh pacptaislac ac ahkkweyeyucklac ac ke kom eis kuhfa luhn Leum. Ke kom pacptaislac, kom olwelah muh kom ac eis nuh fom inen Jisus Kraist, kuhlwacnsap nuh Sel, ac liacacng masap Lal ke moul lom nohfohn. Ke pacl in kuhfa luhn Leum, kom olwelah pac muh kom ac Esamuhl pacl nuhkwewa. Pa inge olwelah lom ah. Ke kom insese in liacacng, God el olwelah in usot nuh sum Nguhn Muhtahl ekihn sie mwet wi kom pacl nuhkwewa se.
Solsol
Oruh kuhfa luhn Leum in oacna mwe sang muhtahl se. Ahkkahlwemye kisackuhnlah lom nuh sin Jisus Kraist ke kom ahkolah nuhke sie ma muhtahl sikyak ke pacl in kuhfa luhn Leum. Motko lah meac kom kuh in oruh in oraclah akwuck se inge in ma kawihl yohk srihpac se ke wik se lom inge.
Suk ke Mwet Lahngo lun akwuck inge. Ke kom liye kuh wi mukuikui ke sie akwuck, siyuck sum sifacna, “Meac nga lotwelah ke ma inge ke Jisus Kraist?” kuh “Ac usyucme in fototoyang nuh Yohrohl fuhkah?” Lohacng ahkwoyac nuhke ma Nguhn el luti kom kac.
Lwelah wuhlweacng lom an in kol mukuikui lom an. Ke kom enenuh in oraclah sulaclah se, esam kuhpahsr ke wuhlweacng lom yurin God. Oruh kom in suwohs nuh Sel. Siyuck sum sifacna: Yac ma se inge fal nuhke wuhlweacng luhk ah? Nuhke mwe srihkaksrak, yac nga luhngse ac kuhlwacnsuhpuh mwet sahyac, ahkwoye mwet ma enenuh in ahkwoyeyuck, ac tuh oacna sie mwet loh ke Kraist—yen nuhkwewa ac pacl nuhkwewa.
Mwe Insewowo Ma Olwelah
Oasr kuh lom in kuhtwanglah mwe sruhf, ma koluk, ac ma upac ke moul uh. Oraclah ac liacacng wuhlweacng usot lwelah nuh sum nuhke luhngse luhn God. Ke kuh se ingacn, kom kuh in sun oacna sie ma ke luhlahlfongi kuh. Jisus Kraist pa kuh lom!
Kom kuh in nwacsnwacslah ac nuhnak muhnahs kac. Ipin olwelah luhn God nuh sum ke kom liacacng wuhlweacng lom ke kom pacptaislac pa ke elah ma koluk lom. Kalmac pa ke kom auliyak ac liacacng olwelah lom yurin God, El fah nuhnak muhnahs nuh sum ac kahsrwe kom in kapkapwack.
Nguhn Muhtahl el kuh in wi kom pacl nuhkwewa. Sie pac olwelah ma kuhpahsr nuhke pacptais ac kuhfa luhn Leum pa oasr luhn Nguhn Lal pacl nuhkwewa ac luti luhn lipufacn. Kom tiac enenuh in muhkwena puhla ma upac ke moul se inge. God El fah tiacna muhlkuhnlah tuhlihk wuhlweacng Nahtuhl—kom kuh in luhlahlfongi ma se ingacn.
Kom kuh in eis kahsruh luhn mwet wuhlweacng luhn God. Kom ma ke sie un mwet wuhlweacng ke Alu luhn Mwet Lahngo. Kom tahpuhk ac ahkkweye mwet sahyac. Kowos tuhkweni ahsor ac tuhkweni enganwack. Kom us ma toasr luhn mwet sahyac. Sucu lom, pisap, mwet kol, ac kuhtuh mempucr luhn Alu uh oasr inge in kahsrwe kom, ac kom kuh in kahsrweltahl.
Kihsensiyuck ac Topukyac
Yac nga kuh in mwet fahsr tuhkihn Jisus Kraist ke wacngihn akwuck ac wuhlweacng? Asr mwet wo pucspucs pwacye lah fahsr tuhkihn Jisus Kraist, finne elos tiacna paptaislac kuh som nuke tempuhl. Tuhsruhktuh, Pahpah Inkuhsrao El luhngse tuhlihk Nahtuhl nuhkwewa in eis akwuck Lal ac oraclah wuhleacng Yohrohl eltahl in muh kuh in eis lwelah kuh nuhke kahsruh Lal, pahkotwen, ac kuh. Pa inge sie srihpac yohk ma oruh Jisus Kraist El fohlohkuhnwack Alu Lal uh! Tuhlihk nuhkwewa nuhtin God ac oasr pacl wowo la—ke moul se inge kuh ma se tok uh—in insese nuhke akwuck ac wuhlweacng enenuh nuhke moul ma pahtpaht.
Nga suhkwac pwacye nuhke wuhlweacng luhk. Yac oasr finsrak luhk? Ahok! Wosasuc luhn Jisus Kraist el sie wosasuc ke finsrak ac muhtwacwacack sasuc! Pa oruh kuht eis kuhfa luhn Leum ke kais sie wik uh. Pahpah Inkuhsrao El etuh lah kuht ac tahfonglac ac enenuh muhtwacwack sasuc se. Mwet Lahngo El sang moul Lal in usot nuh sum sie inkacnek in fohlohk. Ke kom orekmakihn luhlahlfongi ke Jisus Kraist ac auliyak, kom kuh in sulpac eis lwelah nuhke kuh luhn God.
Liye Sie Corinth 11:23–26 (eis kuhfa luhn Leum fahkwack lah kuht luhlahlfongi ke Jisus Kraist ac Iwaclah Lal); Mosiah 18:10, 13 (wuhlweacng ke pacptais); Doctrine and Covenants 13 (Aaronic Pristut nwacnwack ki nuh ke auliyak, pacptais, ac luti luhn nguhn); 20:37 (ma eneneyuck nuh pacptais); 20:77, 79 (pruhe nuh ke kuhfa luhn Leum).
Kihsensiyuck Nuhke Pwepuh In Lwelah Nuh Tempuhl
-
Yac kom insacnweacng in liyacacng lwen Sahpuht in muhtahl, kwewana lohm ah ac ke alu uh; wi toeni lom an; ahkolah nuhkac ac nwacsnwacs in epeis kuhfa luhn Leum; ac muhta na ke moul ma fal nuhke masap ac masap luhn wosasuc?