O le a faasaoloto oe e le upumoni

E finagalo le Tama Faalelagi i Ona afafine ma atalii ia aoao i taimi uma. Ua ia te oe mafuaaga faaletino ma faaleagaga e saili ai ma fiafia i le aoaoina. O le aoga e le faatatau i le na o le mauaina o tupe. O se vaega o lau sini e faavavau ia avea atili e faapei o le Tama Faalelagi.

O le ola ma le amiosa’o o lona uiga e te fiafia i le mea sa’o i le silafaga a le Atua—e sili atu nai lo lou alofa i le mafanafana faaletagata lava ia, lauiloa, po o le fetaui. O lona uiga o le faia o le mea sa’o ona e sa’o.

Ua ia te oe se mea taua e faasoa atu. Ua i ai i le talalelei a Iesu Keriso tali i fesili o le olaga. O le ala lea i le filemu ma le fiafia. Atonu e te le iloa mea uma, ae ua lava lou iloa e alofa ai i lou tuaoi, faasoa atu mataupu faavae moni ia i latou, ma valaaulia i latou e aoao atili.

Ia aoao i taimi uma. Vaavaai mo avanoa e faalautele ai lou mafaufau ma ou tomai. O nei avanoa e mafai ona aofia ai aoaoga aloaia i le aoga po o aoaoga faamatata eseese, faapea foi ma aoaoga le aloaia mai punavai e te faatuatuaina. Faaaofia le Alii i au taumafaiga, ma o le a Ia taiala oe.

Aoao upumoni faaleagaga. A o e aoao e uiga i le lalolagi o siomia ai oe, aoao foi e uiga i le Faaola, o lē na foafoaina le lalolagi. Suesue i Lona soifuaga ma aoaoga. Ia avea le seminare, inisitituti, ma suesuega patino o le talalelei o se vaega o lou aoaoina i le olaga atoa. E mafai ona saunia ai oe e auauna atu i se misiona ma faasoa atu le talalelei i lou olaga atoa.

Olau ma le amiotonu Aua le gaoi, pepelo, kopi, pe taufaasese i soo se itu—i le aoga, i le galuega, i luga o le initoneti, i soo se mea. Ia avea ma soo faamaoni lena o Iesu Keriso i nofoaga faitele ma faalilolilo.

O aoaoga e faateleina ai lou tomai e auauna atu ai i le Alii, e aofia ai le avea ma se faifeautalai. E faamamanaina ai oe e faamanuia isi, aemaise lava lou aiga. O le tele o lou aoaoina, o le tele foi lena o lou fesoasoani e atinae le malo o le Atua ma tosinaina le lalolagi mo le lelei.

O le faamaoni e aumaia ai le filemu ma le faaaloalo o le tagata ia te ia lava. A ogatusa au upu ma faatinoga ma le upumoni, ua e faaali atu e mafai ona faatuatuaina oe e isi tagata ma le Alii.

A e tu atu mo aoaoga a Iesu Keriso, e tu o Ia faatasi ma oe. O Iesu Keriso o lou malosiaga lea! Atonu e le ioe isi i ou talitonuga, ma oe, ae o le a matauina lou lototele ma le faamaoni. Pe mulimuli isi pe leai i lau faataitaiga, o le a tuputupu ae lau molimau, lotomautinoa, ma le faatuatua ia Keriso.