9.
Inti mbierek permezz tal-imfietaħ u l-awtorità tas-saċerdozju
Mattew 16:18–19
Meta Ġesù għallem lil Pietru dwar l-awtorità tas-saċerdozju, huwa tkellem dwar l-imfietaħ. L-imfietaħ jintużaw biex jiftħu u jinħelsu l-affarijiet. L-imfietaħ tas-saċerdozju jistgħu jiftħulkom il-qawwa, id-doni, u l-barkiet ta’ Alla f’ħajjitkom.
Veritàjiet Eterni
L-imfietaħ u l-awtorità tas-saċerdozju jiġu permezz ta’ Ġesù Kristu. Kull min iħaddan is-saċerdozju jista’ jittraċċa l-awtorità tiegħu lura għandu. Is-Salvatur jiddetermina min jirċievi din l-awtorità u min jirċievi l-imfietaħ tas-saċerdozju. Aħna nafdaw fl-għarfien perfett tiegħu.
Ġesù Kristu rrestawra s-saċerdozju tiegħu fi żmienna. Huwa jidderiġina kif se jintuża s-saċerdozju. Adam, Mosè, Pietru, u bosta profeti oħra tul l-istorja rċevew l-imfietaħ tas-saċerdozju. Fi żmienna, Joseph Smith irċieva l-imfietaħ tas-saċerdozju minn Ġwanni l-Battista, Pietru, Mosè, Elijas, Elija, u oħrajn. Il-membri tal-Ewwel Presidenza u l-Kworum tat-Tnax-il Appostlu llum iħaddnu l-imfietaħ kollha tas-saċerdozju fid-dinja. Il-mexxejja lokali tas-saċerdozju u l-presidenti tal-kworum iħaddnu wkoll l-imfietaħ tas-saċerdozju għas-sejħiet tagħhom. L-imfietaħ tas-saċerdozju jiggvernaw il-ħidma ta’ Alla. Huma jawtorizzaw u jagħti s-setgħa lill-irġiel u n-nisa biex jassistu f’dik il-ħidma.
L-awtorità tas-saċerdozju tbierek lill-ulied kollha ta’ Alla. Peress li s-saċerdozju ġie rrestawrat, inti tista’ tirċievi l-ordinanzi u tagħmel patti ma’ Alla. Intom tistgħu taġixxu f’isem Alla meta tirċievu xi essajnment jew sejħa mingħand xi ħadd b’awtorità.
Stediniet
Aċċettaw is-sejħiet tal-Knisja u servu b’fedeltà. Meta tirċievi sejħa tal-Knisja, inti tiġi distint bl-awtorità minn Alla li sservi f’dak l-irwol. Intom tistgħu tirċievu wkoll il-gwida mingħand Alla għas-servizz tagħkom. Hekk kif isservu, intom tirrapreżentaw lil Ġesù Kristu. Agħtuh l-almu tagħkom.
Sostnu lil dawk li Alla sejjaħ biex iservu. Li ssostni jfisser aktar minn kemm tgħolli idek meta isem jinqara f’laqgħa tal-Knisja. Ifisser li tissapportja u tgħin. Fittxu modi kif turu li intom issostnu lin-nies li Ġesù Kristu sejħilhom biex iservu fil-Knisja tiegħu.
Wettqu ċerti essajnments mill-mexxejja tagħkom tal-Knisja—inkluż mill-presidenza tal-kworum jew tal-klassi tiegħek. Huma għandhom l-awtorità minn Alla, li huma jiddelegawlek għal dak l-essajnment. Tafu tkunu mitlubin timministraw lil xi ħadd, li tagħtu merħba lin-nies hekk kif huma jaslu fil-laqgħa tas-sagrament, jew tgħinu f’xi attività. Hu x’inhu l-essajnment, arawh bħala opportunità li tkunu dixxipli ta’ Ġesù Kristu u sservu lil ulied Alla.
Barkiet Imwiegħda
Tistgħu tafdaw li l-ordinanzi li tirċievu huma awtorizzati minn Ġesù Kristu. Din hi waħda mill-ħwejjeġ li tagħmel il-Knisja ta’ Ġesù Kristu unika. Permezz tal-ordinanzi tas-saċerdozju, il-qawwa ta’ Alla tiġi mmanefistata.
Intom issiru strumenti f’idejn il-Mulej. Hekk kif intom isservu lill-Mulej bl-awtorità tiegħu u taħt id-direzzjoni tal-qaddejja tiegħu li jħaddnu l-imfietaħ tas-saċerdozju, huwa jgħinkom tkunu tafu kif taqdu lil ħaddieħor fil-ħidma tiegħu. Ġesù Kristu huwa l-qawwa tagħkom. Is-servizz tagħkom jgħinkom tersqu aktar viċin tiegħu u jġibilkom il-ferħ.
Mistoqsijiet u Tweġibiet
Min fil-qasam tiegħi jħaddan l-imfietaħ tas-saċerdozju? L-isqof u l-presidenti tal-presbiteri, l-għalliema, u d-djakni tal-kwora jħaddnu l-imfietaħ tas-saċerdozju. Dan ifisser li l-Mulej talabhom biex jidderieġu kif is-saċerdozju jintuża biex iservi u jbierek lil kulħadd fil-qasam.
L-imfietaħ tas-saċerdozju kif iberkuni? Ordinanzi bħall-magħmudija u s-sagrament huma awtorizzati mill-imfietaħ tas-saċerdozju. Meta tirċievu sejħa fil-Knisja, intom tiġi distinti taħt id-direzzjoni ta’ xi ħadd li jħaddan l-imfietaħ. Din tberikkom bl-awtorità li sservu f’dik is-sejħa. Il-mexxejja u l-għalliema tal-Knisja li jservukom irċevew ukoll l-awtorità tas-saċerdozju permezz tal-imfietaħ.
Kif jistgħu l-irġiel u n-nisa jservu bl-awtorità saċerdotali? Irġiel denji għandhom is-saċerdozju mogħti lilhom u huma ordnati f’uffiċċji tas-saċerdozju bħal djaknu, għalliem, qassis, u presbiteru. Kemm in-nisa kif ukoll l-irġiel li jiġu distinti biex iservu f’sejħa jirċievu l-awtorità ddelegata tas-saċerdozju mingħand Alla biex iwettqu dik is-sejħa. L-istess japplika għan-nisa u l-irġiel li jirċievu essajnment mingħand mexxej tal-Knisja.
Ara Doctrine and Covenants 35:24–27 (il-Knisja hija mmexxija mill-imfietaħ li ta l-Mulej); 107:18–20 (imfietaħ tas-Saċerdozju ta’ Melkisedek u s-Saċerdozju ta’ Aron); 110:11–16 (Mosè, Elijas, u Elija rrestawraw l-imfietaħ).
Mistoqsijiet ta’ Rakkomandazzjoni tat-Tempju
-
Inti ssostni lill-President tal-Knisja ta’ Ġesù Kristu tal-Qaddisin tal-Aħħar Żmien bħala l-profeta, il-bassâr, u r-rivelatur u bħala l-uniku persuna fid-dinja awtorizzata li teżerċita l-imfietaħ kollha tas-saċerdozju?
-
Inti ssostni lill-membri tal-Ewwel Presidenza u l-Kworum tat-Tnax-il Appostlu bħala profeti, bassâra, u rivelaturi?
-
Inti ssostni l-Awtoritajiet Ġenerali l-oħra u l-mexxejja lokali tal-Knisja?