آپ کارِ خُدا میں مدد کر سکتے ہیں

خُدا کا اَمر اور جلال یہ ہے کہ اِنسان کی لافانی اور اَبَدی زِندگی کا سبب پَیدا کرے۔ لافانیت ہمیشہ جی اُٹھے بَدن کے ساتھ جینا ہے۔ اَبَدی زِندگی، یا سرفرازی، مزید خُدا کی مانِند بننا اور بطور خاندان اَبَدی طور پر اُس کے ساتھ زِندگی بسر کرنا ہے۔ یہ سب یِسُوع مسِیح اور اُس کی کفّارہ کے وسِیلے سے مُمکن ہُوا ہے۔ آپ اُس پر بھروسا کر سکتے ہیں۔

آپ مسِیح کے پاس آنے اور دُوسروں کی بھی اَیسا کرنے میں مدد کرنے سے خُدا کے کام میں مدد کر سکتے ہیں۔ کسی بھی وقت کسی کو یِسُوع مسِیح کی پیروی کرنے میں مدد دینے کے لیے آپ کُچھ بھی کریں، آپ خُدا کے کام میں مدد کر رہے ہوتے ہیں۔

اِنجِیل کے مُطابق زِندگی گُزاریں۔ مسِیح پر اپنے اِیمان کی تعمیر کریں۔ روزانہ توبہ کریں۔ خُدا کی کہانتی رُسُوم پائیں اور اپنے عہُود پر قائم رہیں۔ اِس کو اپنی باقی ماندہ زِندگی کے لیے نمُونہ بنائیں۔

ضرُورت مندوں کا خیال رکھیں۔ اپنے خاندان، اپنے دوستوں، اور اپنی برادری سمیت، دُوسروں کی خِدمت اور خِدمت گُزاری کے طریقے تلاش کریں۔ ضرُورت مندوں کی مدد کرنے کا ایک عظیم طریقہ روزے کے قانُون کی فرماں برداری کرنا اور روزے کے ہدیے دینا ہے۔

سب کو اِنجِیل قبُول کرنے کی دعوت دیں۔ اپنے الفاظ اور اَعمال کو یِسُوع مسِیح میں اپنے اِیمان کی عکاسی کرنے دیں۔ ہر اُس شخص کو بتانے کے لیے تیار ہوں جو آپ سے اُس اُمید اور خُوشی کی بابت پُوچھے جو آپ محسُوس کرتے ہیں۔ ینگ مین کے لیے، کُل وقتی مِشنری خِدمت کرنا کہانتی ذِمہ داری ہے۔ ینگ وومن کے لیے، یہ ایک قوّی موقع ہے؛ یہ جاننے کے لیے دُعا کریں کہ آیا خُداوند چاہتا ہے کہ آپ خِدمت کریں۔ تاحیات اِنجِیل کو بانٹنے کے لیے تیاری کریں۔

خاندانی تاریخ اور ہَیکل کے فریضے کو پُورا کر کے خاندانوں کو اَبَدیت کے لیے مُتحد کریں۔ اپنے آباؤ اَجداد کے بارے میں جانیں۔ معلُوم کریں کہ کس کو ہَیکل کی رُسُوم کی ضرُورت ہے۔ جتنی بار آپ کر سکتے ہیں اُتنی بار ہَیکل جائیں تاکہ آپ اُن کے لیے بپتِسما اور اِستحکام پا سکیں۔ اگر آپ کو مدد کی ضرُورت ہے، تو دیکھیں FamilySearch.org.

آپ کو خُدا کی مدد حاصِل ہوگی۔ آسمانی باپ آپ سے یہ توقع نہیں کرتا کہ آپ یہ کام اکیلے کریں۔ وہ آپ کے ساتھ ہے۔ جب آپ فروتنی سے اپنا وقت اور دِل پیش کرتے ہیں، تو وہ آپ کے ذریعے حیرت اَنگیز کام کرے گا۔ یِسُوع مسِیح آپ کی طاقت ہے۔

آپ خُوشی سے بھر جائیں گے۔ خُدا کا کام خُوش گوار کام ہے! جب آپ اِس میں حِصّہ لیتے ہیں، تو آپ اُس خُوشی کو محسُوس کر سکتے ہیں جو وہ محسُوس کرتا ہے۔ اُس خُوشی کا تصور کریں جو آپ آسمانی باپ اور اُس کے بچّوں کے ساتھ بانٹیں گے جنھیں آپ نے اُس کے پاس لانے میں مدد کی تھی!