Kisa Wòl Enstriktè a Ye?

Ankouraje etidyan yo pou yo chèche ak rekonèt èd Senyè a nan aprann Anglè. Ankouraje yo pou yo aplike prensip aprantisaj “pa etid epi pa lafwa” yo (Doktrin ak Alyans 88:118). Ede etidyan yo rekonèt lanmou, pouvwa, ak mizèrikòd Senyè a nan lavi yo. Envite yo pou yo pataje eksperyans ki ap bati lafwa yo. Pataje eksperyans ou konsènan resevwa èd Senyè a. (Gade seksyon “Ede Etidyan yo Vin jwenn Jezikri” a nan Anseye nan Fason Senyè a [2022].)

Envite Lespri a nan ede etidyan yo renmen ak soutni youn lòt. Ede yo santi lanmou Bondye. Kreye yon anviwònman akeyan kote etidyan yo santi yo entegre. Aprann konnen etidyan yo epi ede yo aprann konnen youn lòt. Ede yo bati konfyans pandan y ap pratike, fè erè, epi amelyore ansanm. (Gade seksyon “Renmen Moun W ap Anseye yo” nan Anseye nan Fason Senyè a [2022].)

Ede etidyan yo aji ak lafwa pou pratike Anglè epi amelyore. Kèk etidyan gendwa manke konfyans nan kapasite yo pou aprann Anglè. Ou ka ede. Lè w pale Anglè avèk yo, ou montre lafwa w ke Bondye ka ede yo aprann. Ankouraje etidyan yo pale Anglè. Fè louwanj pou efò yo. Ede etidyan yo sonje poukisa y ap aprann Anglè. Ankouraje yo pou yo pou yo fikse bi epi pratike Anglè chak jopu. (Gade seksyon “Envite Aprantisaj Dilijan” an nan Anseye nan Fason Senyè a [2022].)