Hvaða sannleika kennir yfirlýsingin um endurreisnina?

Á aðalráðstefnu í apríl 2020 las Russell M. Nelson forseti „Endurreisn fyllingar fagnaðarerindis Jesú Krists: Tvö hundruð ára afmælisyfirlýsing til heimsins“. Hann sagði: „Lærið hana einslega og með fjölskyldu ykkar og vinum. Ígrundið sannleikann og hugsið um áhrifin sem þessi sannindi munu hafa á líf ykkar, ef þið hlýðið á þau og hlítið þeim og haldið boðorðin og sáttmálana sem þeim fylgja.“

Eftirfarandi tafla hjálpar ykkur að fylgja leiðsögn spámannsins um að læra yfirlýsinguna. Þegar þið gerið það, íhugið þá að gæta ekki aðeins að sögulegum atburðum endurreisnarinnar, heldur einnig hendi Drottins sem leiðir þá atburði. (Texti yfirlýsingarinnar er aðgengilegur í Gospel Library eða aftast í fyrstu lexíu þessa árs í Kom, fylg mér.)

málsgrein	Nám: Hvaða sannleika funduð þið?	Ígrundun: Hvað kenna þessi sannindi ykkur?	Hlíta: Hvernig getið þið notað þessar reglur í lífi ykkar?	Miðla: Hvernig getið þið miðlað þessum sannleika með fjölskyldu ykkar og vinum?
1
2
3
4
5
6
7
8
9

Af hverju yfirlýsingar?

Vissuð þið að Kirkja Jesú Krists hinna Síðari daga heilögu hefur einungis gefið út sex slíkar yfirlýsingar? Fyrstu þrjár voru gefnar út á milli 1841 og 1865. Þrjár síðustu yfirlýsingarnar hafa verið gefnar út frá árinu 1980:

„Yfirlýsing frá Æðsta forsætisráðinu og Tólfpostulasveit Kirkju Jesú Krists hinna Síðari daga heilögu“ (1980), samþykkt af Spencer W. Kimball forseta (1895–1985) og lesin af þáverandi öldungi Gordon B. Hinckley á 150 ára afmæli stofnunar kirkjunnar.
„Fjölskyldan: Yfirlýsing til heimsins“ (1995), lesin af Gordon B. Hinckley forseta á aðalfundi Líknarfélagsins, til að miðla opinberri yfirlýsingu kirkjunnar um kenningu fjölskyldunnar.
„Endurreisn fyllingar fagnaðarerindis Jesú Krists: Tvö hundruð ára afmælisyfirlýsing til heimsins“ (2020), lesin af Russell M. Nelson forseta á aðalráðstefnu í apríl 2020 – 200 árum eftir Fyrstu sýnina. Hún staðfesti að Joseph Smith var spámaður Guðs og að Kirkja Jesú Krists hinna Síðari daga heilögu er hin endurreista kirkja Jesú Krists.

Yfirlýsingar eru ætlaðar öllum um allan heim. Þær eru „hátíðlegar og heilagar í eðli sínu og … gefnar út í þeim tilgangi að leiða fram, byggja upp og stjórna málefnum kirkjunnar sem ríkis Guðs á jörðu“. Yfirlýsingar eru sjaldgæfur og áhrifamikill vitnisburður um að við höfum lifandi spámann sem leiðir kirkjuna og heiminn á okkar tíma.