Maandiko Matakatifu—Misingi ya Imani

Mimi na mke wangu, Mary, hivi karibuni tuliona fulana ikiwa na picha ya kitabu na ujumbe mbele ambao ulisomeka, “Vitabu: Kifaa cha Asili cha Kushikwa Mkononi.” …

Iwe kimeshikwa mkononi au cha kidijitali, Biblia Takatifu na Kitabu cha Mormoni: Ushuhuda Mwingine wa Yesu Kristo vinatoa mwongozo wa kiroho na mafundisho kutoka kwa Yesu Kristo, Mwokozi wa ulimwengu. …

Kama nilivyosema, nilivutiwa na dhana ya kifaa cha asili cha kushikwa mkononi—kitabu. Hata hivyo, ninatambua umuhimu wa ajabu wa intaneti ulimwenguni leo. … Intaneti ni zana yenye nguvu kwa ajili ya kujifunza injili. Leo, watu wengi wanashiriki maandiko kwa marafiki kwa kutumia teknolojia. …

Maandiko yanatufundisha kutumia hukumu na kuwa wenye hekima katika mambo yote. Intaneti inaweza kutumika kwa njia chanya au njia ya uharibifu. …

… Usifumbie macho mmomonyoko wa maadili, ukosefu wa uaminifu au vitu visivyo vya haki. … Jaza maisha yako kwa mawazo chanya, ya haki; kuwa mwenye shangwe; burudika lakini epuka upumbavu. Kuna utofauti. … Zaidi ya yote, jitumbukize mara kwa mara katika Kitabu cha Mormoni, ambacho kitamvuta Roho katika maisha yako na kukusaidia kutambua ukweli dhidi ya uongo.

Ushauri wangu kwa wale ambao kwa namna yoyote ile wamechepuka kutoka kwenye njia ya agano ni kurudi kwenye maandiko matakatifu, mwongozo wa kinabii, kufanya matendo ya kidini nyumbani na muziki wa imani. Kila nafsi ni ya thamani kwa Mungu. Tunakuhitaji! Bwana anakuhitaji, na wewe unamhitaji Yeye! Daima utakaribishwa.