Karibuni katika Kanisa la Shangwe

Kwa sababu ya mpango wa upendo wa Baba yetu wa Mbinguni kwa kila mmoja wa watoto Wake, na kwa sababu ya maisha ya ukombozi na misioni ya Mwokozi wetu, Yesu Kristo, tunaweza—na tunapaswa—kuwa watu wenye shangwe zaidi duniani! …

… Na hakuna mahali ambapo shangwe yetu kama watu inapaswa kuwa dhahiri zaidi kuliko wakati tunapokusanyika pamoja kila Sabato katika mikutano yetu ya sakramenti ili kuabudu chanzo cha furaha yote! …

Unyenyekevu wa shangwe? “Je, hilo ni muhimu?” unaweza kuuliza. Ndiyo, ni muhimu! Tunampenda sana, kumtukuza, na kumheshimu Mungu wetu, na unyenyekevu wetu hutiririka kutoka kwenye nafsi ambayo inafurahia upendo tele wa Kristo, rehema na wokovu! …

Kama tunakusanyika katika ukumbusho wa Mwokozi na ukombozi ambao ameuwezesha, nyuso zetu zinapaswa kuakisi shangwe yetu na shukrani! …

… Maandiko yanaandika kwamba “wimbo wa mwenye haki ni sala kwa [Mungu]” [Mafundisho na Maagano 25:12] ambapo nafsi Yake inafurahia. Kwa hiyo hebu tuimbe! Na tumsifu Yeye.

Tunalenga mahubiri yetu na shuhuda zetu kwa Baba wa Mbinguni na Yesu Kristo na matunda ya kuishi injili Yao kwa unyenyekevu, matunda ambayo ni “matamu kupita kiasi” [Alma 32:42]. …

… Iwe tumemwaga machozi ya huzuni au machozi ya shukrani wakati wa sakramenti, acha iwe kwa mshangao wa ajabu kwa habari njema ya zawadi ya Baba ya Mwana Wake! …

… Huu ni mwaliko wa kupokea zawadi ya Mwokozi ya amani, nuru na shangwe—kustaajabu ndani yake, kujiuliza ndani yake na kufurahia ndani yake kila Sabato. …

Karibuni katika kanisa la shangwe!