Aliailehda Mwaren Sises Krais

Nan pahr 2018, nan University en Utah, mie ehu pali kapw wiawihda ong tohn doadoahk kaidehn mwamwahl kan me kahdaniki “Toahkte. Russell M. Nelson oh Dantzel W. Nelson wia pwukoahn Preseden nan Cardiothoracic Surgery”—cardio, wewehki “mohngiong,” oh thoracic, wewehki nan “mwarmware.” E wia ketemenpen doadoahk kesempwal en Preseden Nelson sang ni ah wia sounpwal mohngiong oh iangahki utuht en ah pwoud me mehlahr, Dantzel. Pali wet pweipweidier sang koasoandien mwohni ehu me wiawihda pwehn kohkohlahte mwowe. Soangen aramas menet me pilipildahr ong pali kesempwal wet kin alehdi mehn kadehde, mwohni en utuht, oh mwohni pwehn sewese arail ropirop akan.

Keioun toahktehn mohngiong me alehdi pali wet iei Toahkte. Craig H. Selzman, sounpwal en mohngiong koahiek men me sohte wia tohn atail mwomwohdisoht. Ni kasarawihn kihda kisakispen pali wet ong Toahkte Selzman, aramas kesempwal tohto iang patehng, me iangahki Preseden Nelson oh ah werek, Sister Wendy W. Nelson. Nan mihtingo, Preseden Nelson koasoaia ni mehlel duwen ah wia tepin sounpwal.

Eri Toahkte. Selzman ahpw uhd kasalehda iawen kesempwal en pwukoahn propesor me kohiengo. E koasoaiahda me rahn pahieu samwalahro, mwurin ansou reirei me e mihkiher nan perehn koadoahko, e diarada me emen nah soumwahu ko anahne pwurala koadoahk. E inenen pwang oh pahtoula, pwe e ese me e pahn pilehu mihmi nan imwen wini erein pwohngo.

Soutik wet, Toahkte Selzman wiahng pein Ih koasoai ehu me-wekidala ah mour kohkohlahte. Ni ansouo, e medewe: “Nialeme, I pahn alehdi pwukoahn propeser ehu me edehu sang Toahkte Nelson. E wia aramas emen me sansanlki ah kin tehk mwahu ah mehn pepehm, kin wauneki mehteikan, oh sohte kin lamalam karwaru. Pwehki met edeie ah pahn patehngehr ede, I anahne nantiheng duwehte ih.” Toahkte. Selzman wiahier toahktehn pwal semen men. Ahpw e men mwahusang me e mihier loalehu.

Mwoweh sang, Ienge pwihn en pwal ko kin pwunodki ah pwang oh kin mwadang en lingeringer pwehki e kin kakete kasalehda sang ni mwomwe de ni ngile. Ahpw pwohngo nan perehn pwalo, Toahkte Selzman nantiheng uhwen ah kak koaros en utung oh wewehki iengehko. E kehn wekila ehu oh pilada en doulahte ah nannanti en duwehte Toahkte Nelson

Sounpar limau mwuri, Preseden Nelson kihda nah doaropwe en doadoahk kan ong University en Utah. Lapalap akan en sukuhlo kohla pwe ren wia arail kalahngan ong Preseden Nelson. Erein kemwekid wet, Toahkte Selzman pwurehng lokaiahda. Koasoakoasoaia duwen en Preseden Nelson inisel kan, RMN, e koasoaia “Mie pepehm en ‘RMN’ me inenen laud nan Ohpis en Wasahn Koadoahk en Mohngiong nan University en Utah.”

Nan ahnsou apwal akan, Toahkte Selzman kawehwehda: “I wia dahme kitail kin kasukuhliki neitail me kapw kan en wia—tehk mwahu, kaimwsekala, oh wia uwen ahmw kak koaros. Pepehm wet kin mihmi loaletail rahn koaros. Se kin kiheng nein tohn ohpis wet iangahki me kapw kan koaros neirail mehn kapas ni likou. Ni kapin mehn kapaso mie mesen nting kan me nda ‘RMN.’ Padahk en RMN wia poahsoanpen aht kasukuhl; se kin padahkiheng koaros.” Toahkte Selzman kamwahuialahr ah mwekid en mwowehko oh nantihong en kak pweida pwehki edehu patehngehr eden Preseden Nelsono.

Keirekdien mwekid kei me kohsang Toahkte Selzman kahrehiongie ahi peidekiong pein ngehi: “Ia mwomwen ahi wekila sang ansou me I kapatahieng edeiet ong mwaren Sises Krais? Mie mour en Krais I alehdi sang ni wekidekla wet? I kin nanantiheng I en kak mwahula oh duwehla Ih?”

Sang Toahkte Selzman ah ekspihriens, kitail kak kilang soahng limau kan me rasehng dake kan me kitail kin wia pwehn alehda mwaren Sises Krais. Mendahte wiepehu ah tepkihda pepdais, e sohte unsekla lao kitail pahn mwakelekella oh sarawihla oh duwehla Ih.

Keieun en mwekido iei Ihs ih. Toahkte Selzman ah pilipildahr pwe patehng en Nelson ah pali kahrehda edehu ah patehng eden Preseden Nelson, oh Toahkte Selzman tepdahr en ahniki pepehm en ehuong Preseden Nelson. Ni ansou me kitail kin alehda mwaren Sises Krais, kitail kin kapatahieng adatail kan ni Mware. Kitail kin ahniki pepehm en ehuong Ih. Ni insenamwahu kitail dehdehki me kitail wia soun idawehn Krais kei. Kitail kin pohnese Sounkomouro oh sohte kin periki kesihnenda pwehn sansal me kitail wia Sapwellime.

Me rasehngete kasawih iei pil ehu soahng—iei tamataman. Ansou me Toahkte Selzman kohla nan eh ohpis, mesehko uhlahngete medahlia me e alehdi ansou me e pilipildahr pwehn patehng en Nelson pali. Medahlia wet kin katamankihong ih rahn koaros duwen padahk en RMN. Ong kitail, ansou me kitail kin ale kamadipw sarawi wihk koaros kin katamankin kitail Sises Krais nan wihko pwon. Ni atail kin ale kamadipw sarawi, kitail kin wia pwehn katamankin kitail dahme E ketin pwainlahr pwehn komour kitaila. Kitail kin weliakapwala oh inoukihda me kitail pahn tamataman Ih, pohnese Sapwellime manaman, oh kapingki Sapwellime kupwuramwahu. Kitail kin kadehdehki ansou koaros me ihte oh sang Sapwellime kalahngan me kitail kak pitkihsang mehlahn paliwar oh pali ngehn.

Tamataman wehwehki me kitail kin idawehn kaweid en soukohp Alma sang nan Pwuken Mormon. Kitail, “mweidohng Kauno [atail] wiewia kan koaros, oh sohte lipilipil wasa [kitail kohla ie, kitail] tengeteng rehn Kauno; … [kitail] mweidehng [atail] madamadau kan en uhlahng Kauno; … [oh kitail] mweidohng audepen [atail mohngiong kan] en tengeteng rehn Kauno kohkohlahte.” Mendahte soangen kediropw teikan, kitail kin tengeteng nan atail taman Ih, duwehte atail kin taman pein adatail kan, sohte lipilipil kediropw teikan.

Pilehu me ekis laudsang tamataman dahme Sounkomouro wiahng kitail iei ire kesiluh: alasang. Toahkte Selzman tepda alasang Preseden Nelson oh koasoandien RMN. I kamehlele me karasaras en Preseden Nelson wia kasansalpen ah wia sounpadahk en Sises Krais erein ah mour. Lalaudlahn atail wehwehki oh tamataman Sises Krais, iei lalaudlahn atail pahn inengieng en duwehla Ih. Nin duwen atail wia Sapwellime Sounpadahk kei, kitail kin wekilahng me mwahu ni ansou me kitail kin inen ong Ih, laudsang ansou me kitail kin medmedewehte pein kitail. Kitail kin nantihong en duwehla Ih oh rapahki en kapaikihda Mwomweh kan. Kitail kin kapakap ni ngidingid pwehn audaudki limpoak, limpoak mehlel en Krais.

Duwehte dahme Preseden Nelson padahngki nan Epreil: “Nin duwen limpoak mehlel ah kin wiahla kisehn atail mour, kitail sohla pahn men kauwe mehteikan. Kitail pahn uhdihsang kadeik mehteikan. Kitail pahn ahnki limpoak mehlel ong aramas koaros. Limpoak unseko ong koaros … e kesempwal ong atail kekeirda. Limpoak mehlel wia poahsoan en atail mwekid mwahu.” Iangahki limpoak unseko, kitail kin rapahki,apwalihada, doadoahngki, oh kalaudehla”kisakis teikan en pali ngehn sang Sounkomouro, me iangahki madamadau mwakelekel, mehlel, kanengamah, karakarahk, oh nannanti.

Alasang Sises Krais kahrehiong kitail ire kapahieu—kapahrekihong Sapwellime Koasoandi kan. Kitail patehng Ih nan Sapwellime doadoahk. Nin duwen sounpwal men, Toahkte Nelson dedehki ah wia sounpadahk, soun kamwahuihla, oh soun ropirop men. Pihn me Toahkte kan kin doadoahngki. En Selzman ah pali poahsoankihda soahng pwukat, kasalehda lepin Padahk, Kamwahuih, oh Diar. Ong kitail, kisehn atail alehda Mwaren Sises Krais iei inangih wia, mehleliong, oh pereniki kapahrekihong atail koasoandi kan ong Sapwellime. Kitail kin patehng Ih nan Sapwellime doadoahk sang ni atail kin ahneki “limpoak, ehukihwei, oh luke.” Kitail kin patehng Ih nan Sapwellime doadoahk ansou me kitail kin papah mehteikan, mehlel irail me luwet oh irail akan me pwupwidier, arail mour olahr, de toutoukilahr kahpwal en sampah kan me irail mihmi loale.

Kitail kin kalaudehla atail alehda mwaren Sises Krais sang atail kin kasalehda, tamataman, alasang, oh kainenehla. Wiewia meh pahieu pwukat kahrehi kitail ong ire kelimauo—kakehlakahda. Kitail kak alehdi Sapwellimen Koht manaman oh kapai kan nan atail mour kan. Pwukoah wet sewesehki Toahkte Selzman en alehdi wahu oh utuht en mwohni me e kin doadoahngki pwehn wekidala koasoandien momour en nan ah palio. E kin doadoahngki “kisakis en manaman” wet pwe en sewese mehteikan. Ni soangen mwohmwohte, ni ansou me kitail kin alehda mwaren Sounkomouro, Samatail Nanleng kin kapaikin kitailda Sapwellime manaman pwehn sewese kitail nan atail doadoahk en sampah wet.

Ni atail wiahda pil ekei inou sarawihkan rehn Koht, atail alehda mwaren Sises Krais loalla. Sang mepwukat koaros, Kauno kin kapai kin kitailda Sapwellime manaman. Nin duwen Preseden Nelson ah padahngkiher: “Emen emen aramas me wiahda ah inou sarawi nan wasahn pepdaiskan oh nan tehnpas sarawikan—oh momourki—kalaudelahr ah kehlen alehdi sapwelimen Sises Krais manamano. … Pweinen momourki inou sarawikan ong Koht iei manaman en nanleng—manaman me pahn kakehlailih kitail en esehla powehdi atail kasongosong kan oh mohngiong ohlakan mwahula.”

Kitail pahn alehdi laud soahng kan en palingehnatail. Kitail alehdi laud koapwoaaroapwoar en uhwong soangen irair kahpwal akan. Kitail kehlailla laud nan atail koasoandi en idawehn Sises Krais Atail koluhla kin mwadangala laud oh pwurala Reh ansou me kitail kin wiahda dihp. Kitail kin mwahula ansou en ehukihda Sapwellime rongamwahuo ki Sapwellime manaman oh mweimwei. Kitail kin sewese irail me anahne sawas atail kaidek irail tikitikla oh sohla kin mwadang kadeik irailda. Kitail kin kolokol mahkepen dipatail kan. Atail meleilei kin laudla, oh atail peren kin laudla pwehki ansou koaros kitail kak peren Sapwellime lingan pahn kapil kitail pene, oh Sapwellime tohnleng kan pahn kin apwahpwalih kitail.

Sounkomouro lukehiong kitail en, “Kohdo rehn Semei ni mwarei, oh nin duwen ansou koasoandier alehdi unsekpen Sapwellimehu.” I kangoangehkin kumwail en wia met. Kohdo rehn Samatail Nanleng. Aledahng pein kowe mwaren Sises Krais. Ehuong Ih. Tamataman Ih ansou koaros. Nantihong en duwehla Ih. Patehng Ih nan Sapwellime doadoahk. Alehdi Sapwellime manaman oh kapai kan nan ahmw mour. Ntingihdiong nan mohngiongomw Mwarehu, ni pein ahmw pilipil oh ineng. Met kihenguhk en “keskesihnen” mwohn Koht oh kahrehiong uhk pahn kupwur kalahngan en Sounkomouro. Ke pahn lapalapala oh sosokihla wein Sahm Nanleng, wiahla kisehn Sapwellime seri iangih Sapwellime Mesenih, atail Sounkomour kompoake oh Soundoar.

E ketin Ieias. I mwangih ni mehlel. E ketin poakohng uhk. E pwilikihdi Sapwellime mour pwehki komwi. E kin ketin pekipeki rehmw en kohdo rehn Sahmo sang Ih. Ni mwaren Sises Krais, ahmen.