Oh Met I Kilang

Sang ni mwekid en limpoak mehlel kitail pahn kapwurehiong dahme Preseden Oaks kawouihkiher sipallahn Preseden Russell M. Nelson. Sang ni songen limpok ohte oh pahtou laud, kitail koaros pohnese duwen kahpwal laud me ni keren wiawiher nan Michigan oh kereniong rahn koaros nan sampah. Se pohnese soahng pwukat koaros ki limpoak oh koapworopwor rehn Kaun Sises Krais.

Nan iralaud duwau en Sohn intingdier ekspihriens en Sises oh Sapwellime wahnpoaron kan ni arail keid limwahn sounpekpek men, me maskun sang nih ah ipwidi. Met kahreieng werengko arail peidengki rehn Sises an palien lamalam tohto arail peidek kan duwen dahme kahreda ohlo maskun ki. Kauno ahpw sapeng irail ni Ah ketin wia mehkot me inenen mengei oh kopwuriamwei. E kendipidi nan pwehlo oh arih pwehlo lau ekis pwelmatak da. Ih eri ale pwehlo oh iriskihla mesen ohlo, padahkiong ohlo en kohla epwinek nan pihl en Siloham. Mepwukat koaros ohl maskuno ahpw peikiongehr oh wia “ahpw [pwurodo] oh kilangada wasa,” pwuhk sarawi masanih. Ia wen kesempwalpen mehn kadehde kan, me weksang ouraman akan de me uhwong de koasoandi en wia me sakanakan pwehn uhwong me mehlelo.

Eri, ni ahr periki doadoahk kapwuriamwei wet ede pil kapatahiong keper me Sises wia ohng irail kaun kan, irail me wia imwintihti en Sounkomouro kapeidekehr ohl me apwtehn kilangada wasa oh koasoia ni lingeringer, “Se ese me [Sises] ohl dipan emen.” Ohlo ahpw wie rongorong, e ahpw sapeng irail, “Mehnda ma e dipan de … , I sohte ese: [ahpw] meteieu me I [ese], me, … mahso I maskun, a met I kilangadahr wasa.”

Sises kasalehda keioun wehwehn dahme wiawier, ni Ah mahsanihong Sapwellime Wahnpoaron akan me mepwukat koaros wiawier “me doadoahk en Koht pahn sansalda.” Tamataman me pak riau nan soai wet en Sounkomouro mwokid kasalehda duwen “kasarawih” mesen ohl maskuno, wiepe ieu me pahn kaimwsekihla widoud. Kawehwehpen “en Koht doadoahk kan [me] pahn sansalda” kak pidada tiahk sarawi me saik wiawi.

Ehu mehlel me sansal met iei dipwisou kan me Sounkepikipik en lahng oh sampah oh koaros audepara doadoahk ong wiawihdahn manaman wet: kendip oh pesen pwehlo! Mehn dol mwomwen sohte katepe pwukat kasalehda me Koht kak kapai kitailda ni soangen wiepe sohte lipilipil me E pahn pilada. Duwehte Nahman eh soikala Pillap en Sordan de seri en Israel kan ahr sohte kin men kilenglang sineik me mih ni tukehu, ia wen mengei ohng kitail en soikala dipwisou kan me wia kisehn atail mehn komourla pwehki mehn doadoahk pwukat sohte linganpe.

Ahpw kitail tamataman sang nan Pwuken Mormon me ekei mehkot sohte lingene oh kesempwal oh me mwohn ipwidien Sises, e pahn kokohpda me “e [pahn sohte] mi ni mwohmw ehu de kaselel ehu; oh ansou kitail [pahn] kilang Ih, sohte kaselel ehu me pahn karehiong atail pahn perenikihda.” Pak depe Koht ketin kadaredo sapwellime padahk kaselel sang rehn preseden en Pwihn en Sawas en Lih kapw men de kisin pwutak emen nan mwetuwel en New York ehu de emen misineri kapw de kisin seri men me wonohn nan deun kamwenge mahn ehu.

Eri ia mwomwen ma pasepengpen atail kapakap kan kin kohdo ni sohte mwomwe de mwohmw apwal akan? Kitail pahn kak doulahte, nanantihongete momouriki sapwellimen Krais rongamwahu mendahte ia wen kendip oh pwel matak me mie? Mwein e sohte pahn sansal ohng kitail dahme wiawier de kahrepe, oh e pahn lel ehu ansou, kitail koaros pahn kehn dahme riatail lih laudo indao, “Kaun, a iaduen kapai ehu me sohte perperla?”

Medewe mehn kadehdepen ehu mehlel o, met doke prihsduhd sarawio. Ni kileldien koukoudahn mwomwohdiso en meridian wet, en Luk tepin inting koasoia: “Ih eri ketin kapokonepene tohnpadahk ehk riemeno oh ketikiohng irail manaman oh mweimwei,” kisakis kei me sohte kohda pwehki pweida kaselel kan de koasoandi pwehki tiahk de sohso. Re sohte kohda sang ehu wasahn kasukuhl en pelien lamalam de ehu wasahn kasukuhlihada me pahn wia doadoahk en palien lamalam. madamadau en ehu pwihn. Re kasarawihla sang ni pwilidihn peh kan sang irail kan me kolokol mweimwei en pwilikihdi peh powe sang ni tepin mweimwei me mieier mahso, iei Kaun Sises Krais.

Oh nan ehu mwomwohdiso me kin wehwehki kisakis en mahk, e sou pahn wia pil ehu kadehdepen mehlel en mwomwohdisohu en kilang kapai oh inou sarawi pwukat ah kohweng atail keinek melahr akan, tohn atail peneinei kan me tiengalahr mwohtail? Irail anahne kalokolongki pwehki irail sohte alehdi rongamwahu de pwehki re ipwidi nan ansou de wasa ieu me tiahk oh inou sarawi kan sohte mie ohng irail? Mwomwohdiso en Sises Krais en Souleng en Imwin Rahn-Akan kolokol tehnpas en Kauno sarawi oh kasarawilahr kei me doadoahkepen mahk oh komour kin wiawi ni emen ah weliandi me melahr rahn oh nihpwong koaros, oh pil wia ansoun kaudek oh tiahk sarawi ohng me memour. Ong ni pein ai wehwe, mehn kadehdepen sapwellimen Koht mehlel, Sapwellime limpoak poatoapoat ong me momour oh me melahr akan, sohte kak dierek ekis wasa nan sampah—ihte nan mwomwohdiso ehu me kin kasalehda mehlel ni mwohmw wet: Mwomwohdiso en Sises Krais en Souleng en Imwin-Rahn akan.

Ai tepin kilangada-wasa, alehdi-mour iangahki kadehdepen mehlel o sohte kohdo iangahki pwelmatak en kasarawi de nan pillap en Siloham. So, dipwisou en mehlel wet me wahdo kamwahupei sang Kauno kohdo ni tehn doaropwe kei nan pwuhk ehu, ei, Pwuhk en Mormon: Ehu kadehdepen Sises Krais! Kadehde kan duwen pwuhk wet aramas sohte kamehlele kan uhwongehr oh soikalahr, lingeringer o ekei pak duwehte lokaia sakanakan akan en irail ko me indahng ohl me mwahulahro me e sohte kak lelohng soahng kan me e ese me e lelohngehr.

Mie me uhkihong ie me dene mwohmw akan me pwuhk wet wiawihkihda sohte konehng, sohte mehlelpe, me kanamenek, pil sohte sarawihpe. Met, lokaia sohte mwahu ehu sang emen me medewe me e ese ia mwomwen Pwuhk wet ah wiawihda, songen kawehwe me kak kohiong songen aramas kan iei e kawewedier “sang kisakis oh manaman en Koht.” Ih mwomwehn mwo! Ih koaros met. Nan irair sohte lipilipil, dahme Pwuken Mormon wiahng ahi mour sohte wia kisin mwekid kapwuriamwei tikitik ohng ie me duwehte kandipih oh iriskihla pwehl pohn mesen ohl maskuno. E wia, ong ie, metehn kapitala palingeniet, marain en kaudiahl ehu, mehn kamarainpen ahl me Ih anahne alu powe ansou me edied en rotorot kin kohdo. Udahn re kodohr, oh udahn re pahn kohdo.

Oh ni ai kilekilang eh kihdong ie limpoak en Sounkomouro oh Sapwelime mahk, ih ehukiwei ai kadehde, kadehdeier wasah nin duwen pahpa nohno ehu ara indahng neira seri me re anahne rong pwehki ih e lelehr “sounpar.” Eri, pil duwehte ngehi. E mahlahr oh konehngehr aramas en kak kamehlele, ihme ira inda. Eri, pil duwehte Ngehi. Sounpwungte riau samwa mwohn ahi rahn en ipwidi pwe ien sounpar 85. Ih miher nan irair en kereniong mehla oh pil pilehu mwahula. I momourier nan mwehin nanmwarki kan oh soukohp akan, pil preseden kan oh wahnparon kan. Me keieu kaselel, mie pak kei me I kin audauhdkihda sapwellimen Koht Ngehn Sarawio. Ih kopworopworiki me aramas anahne pil medemedewe ahi kadehde.

Eri, riei ohl oh lih akan, I kohkihdo pwehki ei mour-unsek kadehdeki me Mwomwohdiso en Sises Krais en Souleng en Imwin-rahn akan iei kopwurpwurdo mehlel en Mwomwohdiso en Kadehde Kapw—oh pil ekei— pwehki I sohte kak kahmahmkihla kadehdehpen kopwurpwurdohu. Sangete ni tepin mwokid kau, mwein I ahnikier meh kid—nen?—ekei mehn kasalepen me soahng kan me I indahier rahnwet me mehlel. Eri I kapingki ansouwet ien patehng kempoakepahi menet pohn ahl en Serusalem, wasa me ngilei me tikitiklahret I koulki:

Ni mwaren Sises Krais, ahmen.