Irail Me Wia Pein Arail Soun Kopwung
Ma kitail kin doadoahngki pwoson Sises Krais, wiahda oh kolokol inou kan rehn Koht, oh koluhkihla dipatail kan, mehn kadeiko pahn wia mehn kaping ehu.
Pwuhk en Mormon keimwsekihla luhk ehu me pid luhk ehu me sang rehn Moronai me koasoia “kohdo rehn Krais,” “oh unsekla reh,,” “soikala [atahil] wiewia suwed kan koaros me kaidehn kuwpuren Koht,” oh “poakehng Koht sang ni [atahil] kehl unsek, madamadau unsek oh roson unsek,.” Me kesempwal, imwilahn ah koasoio kasalehda kesempwal en Sapwellime Iasadahu oh Rahn en Kadehiko.
E ketin masanih, “Ansou keren, I pahn kommoaledi nan paradais en Koht, lao pali ngeni oh paliwerei pahn pwurpene, oh I pahn pwurodo ni powehdi nan wehwe pwehn tuhwong kumwail mwohn rahn kaselelo rahn me Sihowa lapalapo pahn kadeikada me momour oh me melahr akan.”
I pwonopwonki Moronai ah doadoahngki lepin lokaia “kaselel” karasahieng rahn duen rahn en Kadehiko. Pil ekei soukohp en nan Pwuhk en Mormon pil iang kawehwe me Rahn en Kadeiko wia “rahn kaperen ehu” oh wia mehkot ehu me kitahil en “kileng lahng [ni] pwoson kelahil.” Ahpw pak tohto ni atail kin medewe Rahn en Kadehiko, kitail kin medewehda ekei kokohp torohr, me duhete “kanamenek oh koluhla,” “rerer oh kamasopwehk,” oh “imwila me sued.”
I kamehlele me lapalahn wekpeseng wet ni lepin kosoi wewehki me rongamwahu en Krais eleioangehr Moronai oh ekei soukohp akan arail mehn patehng rahn kesemwpwalo ni ngong oh koapwoaropwoar ahpw kaidehn kamasepwehk kan me re padahki ong irail me sohte kounopda pali ngehnirail. Dahme Moronai wehwehki me kowe oh ngehi anahne en esehla?
I kapakapki sawas en Nghen Sarawi ni atahil medemedewe duen en Samatahil Nanleng pilahn en komouro oh mahk, en sounkomouro pwukoah nan en Sahmo pilahn, oh iamwomwen atahil pahn “kak en pwukoahki [atahil] pehin dihpw ni imwilahn rahn en kadehik.”
En Samatahil Nanleng Pilahn en Komour
Karepen en Samo pilahn me sansanlaher wasa koaros iei en kihda ohng sapwelime seri kan ni pali ngehn ren kak alehda paliwar, esehla “mwahu sang me sued” erein mour en sampah wet, kehirda ni pali ngehn, and kehirda kokolahte.
Dahme Doctrine and Covenants kasalehda me duehte “mehn pilipil” me wia pwoason en Sapwelimen Koht pilahn en kapwurehdo mour soutik oh mour poatoapoat ohng sapwelime seri kan. Padahk kesempwal wet pil kawewehda nan iren pwuhk sarawi duehte pilipil oh saledek en pilada oh wia.
Lepin lokaia “pilipil en paliwar” iei wia mehn kamarahin. Lepin lokaia me duehte “paliwar” iangahki “mwahu,” “mehlel,” oh “pwuhng.” Lepin lokaia me duehte “pilipil” iangahki wiawia,” “mwehkid,” oh “doadoahk.” Hence, “pilipil en paliwar” kak pil wehwehki kak en wia oh mweimwei en pilada oh pein wia me mwahu ni mehkot mwahu, mehlel, pwuhng, oh mehlel.
En Koht kepikipikdahu iangahki soang riau “Mehkot men wia oh mehkot me kitahil en wia iehng.” Oh pilipil en paliwar wia mehkot ehu pwehn kasalehda “manaman en uhtohrda ” sewese kitahil nin duen sampwelimen Koht Seri en wiahla tohn doadoahk en wia oh kaidehn mehkot tikitik me ken kapwaiada.
Sampah wiawihdahr pwe en wia wasa ehu me nein Samatail Nanleng seri kan en kak kasalehda ma re kak en “wia song koaros sohte lipilipil dahme arail Kaun arail Koht masanih ong irail.” Kahrepe keiou en Kepikipikdahu oh atahil wia aramas ieias kei iei en wia ansou mwahu en wia oh wiahla dahme Kauno luhke kitahil en wiahla.
Kauno kaweidih Enoch:
“Kilang rieiko; irail wia soun dodohk en pehikat kat, oh Ih kihong irail arail marain, rahn me Ih wia irailda; oh nan Mwetuwel en Eden, Ih kihong aramas arail mehn pilipil;
“Oh pil ong riei kan Ih masaniher, oh pil kihong irail kosonned, me rehn poakohng emen emen, oh irail en pil iehda, Samarail.”
Udahn poahsoan en kahrepen doadoahngki ahmw mehn pilipil pwe enn poakehng emen emen oh pilada Koht. Oh kahrepe riau pwukat duwetehte kosoned lap keiou oh keriau me pid poakehng Koht sang nan atail mwongiong unsek, mour unsek, madamadau unsek, oh kitail en poakehng men mpatail akan duehte pein kitail.
Medewe me kitail poahngoak ehr—kaidehn lipwoar de kaweidki apw poahngoak ehr—en doadoahki atail saledek en pilipil pwehn poakehng emen emen oh pilada Koht. I kak kasalehda me nan iren pwhuk sarawi, lepin koasoi “moral” kaidehn adjective ahpw wia lepin lokaia ehu me doke ia mwomwen atahil pahn doadoahki atahil saledek en pilipil.
Mie ehu koul me kitahil kin ese me adaniki “Pilada Me Pwuhng” ni mie kahrepe. Kitail saikinte kapaida sang saledekk en paliwar pwehn wia dahme kitahil mwahuki oh dahme kitahil pahn. Ahpw, nin duen en sapwellimen Sahmo pilahn, kitail alehda pilipil en paliwar pwehn rapahki oh wia nin duen me mehlel o. Ni “atail wia Ong [pein kitahil],” kitahil anahne kalapw kapwaiada dahme mwahu, “wia soang tohto me [kitahil] pein men wia, oh wiahda mwohkid pwung kan.”
Kesempwal en saledek en pilipil en mour wet mihmi nan iren pwuhk sarawi audaudkihda kaweid en mour mohn mour wet. Lucifer sapeik ohng Sapwellimen Sahmo koasondi oh Sapwellime seri kan oh rapahki en kawehla manaman en torohrla. Ni mehlel, en tepel pilahn iei tetehkte mwahu kosoned en pilipil en paliwar.
Koht ketin mahsanih, “Eri, pwehki … Setan eh uheng ie, oh rapahki en kawehla en aramas saledek en pilipil, …Ih kahrepe wet me eh lekdekdihla pah.”
En Soun Kawehlahu madamadau iei en kihsang Sapwelimen Koht seri kan ren sohte kak wiahla “soun sawas kei ohng pein irahil” me kak wie momourki me pwuhngo. Eh pilahn iei en kawehla Sapwelimen Koht seri kan en kak wia dahme re konehngn en kin wia.
Wiwia oh Pahn Wiahla
President Dallin H. Oaks padahkier me rongamwahu en Sises Krais luke kitahil koaros en esehla mehkot oh en wiahla mehkot sang ni pwung en kapwaiada pilipil en paliwar. E mahsanih:
“Puhk Sarawi tohto oh padahk sarawi kan koasoia duen rahn en kadehiko duen aramas koaros arahil pahn ale keting pen arail wiwia kan de doadoahk de ineng en arahil mwongiong kan. Ahpw ekei iren pwuhk sarawi kamarain la sang ni eh kawehwe ni athail kin kedehikda sang ni kahpwal me kitahil alehdier.
“Soukohp Nihpai kasalehda ni imwilahn rahn en kadehiko ni mwohmw ehu me kitahil kinwiahlahrOh ma arahil doadoahk kan sohte mwakelekel re pahn anahne ensamin; oh ma re kinsohte mwakelekel eri re sohte pahn kak pwurala nan wehin Koht’ (1 Nihpai 15:33ire kan me kapatapatehng). Moronai pakaireki, ‘mehmen me pahn sohte mwakelekel eh pahn pil sohte mwakelekel; oh mehmen me pahn mwakelekel pahn pil mwakelekelte’ [Mormon 9:14; mie iren kapatapat].”
President Oaks doulahte: “Sang padahk pwukat kitail ese me Kaimwseklahn Kadeiko sohte kasawihte atail wiewia mwahu oh suwed koaros—ahpw dahme kitail wiadahr. Pwe iei kadehdepen dahme atail wiewia oh madamadau kan wiadahr—dahme kitail ahneki duwelahr.”
Tomwpen Sounkomouro
Atahil doadohk oh inengitahil kelehpw sohte kak oh sohte pahn komour kitahila. “Murin soahng koaros me kitahil kak en wia,” kitahil weliakapwala rehn Koht sang ni mahk oh kalangan me mieier sang ni en Sounkomour tomw me sohte imwi.
Alma koasoia, “Tepida kamehlele Sapwellimen Koht Iehroso, me e pahn ketdo oh doarehla sapwellime aramas akan, oh me e pahn lokolok oh pwoula pwe en tomwki diparail akan; oh e pahn iasada sang mehla, pwe aramas koaros pahn uh mwowe, pwehn kadeik ni imwin rahno, sang arail wiewia kan.”
“Se kamehlele me sang ni Tomwpen Krais, aramas koaros pahn kak komourla, sang ni peikihong kosoned akan oh tiahk sarawi kan en Rongamwahuo.” Ia wen kalangan me kitail pahn ahneki pwe dipatail akan oh atail wiewia sued akan pahn sohte ueng kitail ma “ipwidi sapahl,” kalaudehla atahil pwoson rehn Sounkomouro, koluhla ni “mwohngiong mehlel”oh “ineng mehlel,” oh “dadahur lel ihmwi.”
Lemwiki Koht
Me tohto kitahil pahn kasik me atahil wiawia kan mwohn rahn en kadehik o pahn duehte atahil kin kohla nan wasahn kapwung pohn sampah wet. Soun kapwung men me pahn apwalih. Kasansalda kan pahn pwarada. Dahme pweida pahn koieng wiepe. Oh kitahil pahn sohte nohn wewehki mwahu oh masak lahu kitahil esehda dahme pweida. Ahpw I kamehlele me mwekid wet sohte pwuhng.
Weksang ahpw duehte masopwehk en paliwar me kitahil kin kalapw wia iei ihme pwuhk sarawi kin kalapw koasoia “lemwiki koh” der “en lemweki Kauno.” Weksang kelemw en sampah me karehda pakahir oh pwunod, lemwiki koht luke kitahil ohng en ahniki meleilel, koapwoaroapwoar, oh sohte saloh.
Lemwiki ni pwung kahlua kitahil ohng inehng lahud en kapwaiada oh kilenglahng Kauno Sises Krais, peikieng sapwelime kosoned kan, kasikasik ketdohn rahn en Kadehik, oh ale kepwungpe nin Lime Kan. Lemwiki Koht kin wiawia sang ni wehweki pwuhng sapwelime koasondi oh pilahn en Sounkomour, inehng en wia dahme eh kupwuriki, oh wehwe ehu me ohl oh lih pahn pwukoahki pehin arahil pilipil sang ni paliwar, madamadau, lokaia, oh wiawia kan ni rahn en Kadehiko.
Lemwiki Kauno sohte nohn wewehki me ke pahn kohdo ni mwoale pwehn kadehikda. Ahpw, e wehwehki duen kamarahin me kitahil en esehla duen kitahil nin duen ihs kitahil” oh ” dahme kitahil konehng en wiahla.”
Koaros me momour, me momour ansouet, oh irahil me pahn mour pohn sampah wet “pahn kohdo oh kesihnen mwohn mwoalen Koht, pwehn alehda kadehik sang reh duen [eh] doadoahk kan mendahte ma re mwahu de mendahte ma re sakanakan.”
Ma atahil ineng kak ohngte me pwung kan oh atahil doadoahk kak ohng me mwahu—me wehwehki kitahil pwoson Sises Krais, wiahda oh kolokol kosoned en Koht, oh koluhkila dipatahil kan—eri wasahn kadehiko pahn wia wasa kansenamwahu. Nin duen Enoch eh kosoia, se pahn “kesihnen mohn [Sounkomouro]; eri [se] pahn killang Silangih ni saledek.” Oh ni imwilahn rahno kitahil pahn “ale ketingpen wiawia mwahu kan.”
Ni lokaia, ma atahil ineng kan ohngete me tepel oh atahil wiawia kan ohng me luhet, eri wasahn kadeik pahn wia wasahn kamasepwehk. Kitail pahn ahniki “Wehwe laud,” “madamadau mwahu,” oh “ e pahn wia [atahil] mehn kapahtou.” “Kitahil sohte pahn inoukihda me kitahil pahn lukuwer lang Koht; oh se pahn perenikihda ma se pahn kak indahng takai wet oh nahna kan en pwupwidi pohtail rukula sang ni sihlangi.” Oh ni imwin rahno kitail “pahn pil ale [atahil] kisakis sang ni me suedo.”
Udahno, kitahil pein wia sounkapwungpetail. Sohte me pahn anahne indahng kitahil iawasa kitahil pahn kohla ie. Nan mwoalen Kauno, kitahil pahn pohnese dahme kitahil piladahr en wia nan mour wet oh dahme kitahil esehla sang retahil{ iawasa kitahil pahn mih ie kokohlate.
Inou oh Kadehde
Wehwehki mwahu me Rahn en Kadehiko kak en mwahu esto wia kapai kelehpw ohng Moronai.
Alma kawehwehda me mie inou en kapai ohng kitahil koaros me wia sapwelimen Sounkomouro tohn doadoahk ngong kei E mahsanih:
“Wehwehn lokaia kepwurupwurdo iei en pwurehng kapwurehdo sakanakan ohng tepel, de carnal ohng carnal, de wihwia sued ohng wihwia wued kan—mwahu ohng mehkan me mwahu; pwuhng ohng mehkan me pwuhng; met ohng met kan; mahk ohng me mahk akan.
“… Kaweid pahrek, kadehik ni pwung, oh doulahte wia me mwahu; oh ma ke pahn wia me pwukat koaros eri ke pahn ale ketingpe; ei, ke pahn kak pwurehng ahniki mahk; ke pahn ale kapwungpe en pwurodohng uhk; ke pahn ahniki kapwung me mehlel; oh ke pahn ahniki keting lahud.”
I pereniki kadehdeki me Sises Krais iei atail Sounkomour kesempwal. En Alma inou me mehlel oh doke kowe oh ngehi—rahnet, lakapw, oh kokolahte erehin. I kadehdehki met ni mwar sarawi en Kaun Sises Krais, ahmen.