Te Tetere ni Moaningabongin te Tabati
Ana Burabeti te Atua
Te Rongorongo ae Kaeweaki
Ghana
E kakoaua te Uea nakon ainen Tunem bwa Eritai bon ana burabeti te Atua ao e butimwaia ni kauka ana auti bwa e na rin iai.
Ngaira naba ti kona ni karekea te kakoaua ae onoti iroun ana burabeti te Atua ni boong aikai ao ni kauki nanora ao ara iango—ara auti—nakon te rongorongo are e katauraoi ibukira Tamara arei Karawa ni boong aika kaitira. …
Tera te burabeti? Te burabeti bon te aomata are e weteaki iroun te Atua bwa e na taetae Ibukina. …
Burabeti bon taan mamata ao taan karekei kaotioti. Are nanona bwa a kona n noori bwaai aika aki kona n noori aomata, ao a kona n taetae ni burabeti ni bwaai aika a na riki n taai aika a na roko. … A karekei tuua ao kaotioti Burabeti mairoun te Uea. …
A taetaekina naba te euangkerio Burabeti ao bon taan reirei aika anainano ao ana tia uarongorongon te Atua nakoia aomata nako i aon te aba. …
Burabeti a kakoaua KristoE Maiu, Ana Mwakuri n Ibuouoki, Arona n Atua. …
E reireiniira ainen Tunem bwa ti kona ni karekea te koaua rinanon te Tamnei ae Raoiroi. I berita nakoimi bwa n te tai are ti ataia bwa ngaiia are e kabiriia te Atua, a na kabebeteaki maiura ni kaitaraan kakaewenako aika a reitinako, ngkai ti ongeaba nakon bwanaaia ma te onimakinaki, onimaki, ao te kantaninga. N ongora ao n ongeaba ni bwanaaia burabeti e kakaawaki te teimatoa nakon bwaai nako aika raraoi ni karokoa Kauaokin ara Tia Kamaiu. …
I kakaitau ibukin aia kairiiri ao aia mwakuri ae tabu burabeti aika maiu. … N taainako bon te Uea are e na rineia Ana toro.