Te Katanoata ibukin te Utu—Ana Taeka te Atua

I tangira te katanoata ibukin te utu. … Ibukina bwa e roko te katanoata mai karawa, ti riai ni karinea ma te karinerine are ti anga nakon ana taeka te Atua. …

Ngke e uotakirake te katanoata, e aki booraoi ma aia nonori angiina ake a mena n te aonaaba aei Tiaki n te tai anne Tiaki ngkai. Iai koraki ake aki booraoi n iango ma te katanoata i aon te utu, te mare ao rikim bwa te mmwaane ke te aine. A taku tabeman bwa te Ekaretia e na kaokia, manga kaetia, ke e kararoa te katanoata aio.

Te katanoata ibukin te utu aio, n aron ae taekinna Beretitenti Hinckley, bon te reirei, tariu ao mwaaneu. Aki mangaongao reirei aikai ma a barongaaki n te aro ae kororaoi n ana kawai ao kawain Ana berita te Uea . A kaokaki reirei inanon te katanoata aei mairoun ara Uea Iesu Kristo nakoia Ana Abotoro ngkekei ao ngkai. …

Ibukiia koraki ake iai tabeaiangan nanoia, ataia bwa ngkami naati irouia ara karo ake i karawa,mwakoron ana utu Tamara are i Karawa. Akea ae ataiko ke ae tabeakiniko riki nakon ae boni Ngaia. Rairaki Nakoina; bwaeta nanom Nakoina; Onimakinna ao Ana berita. …

Ti kunei inanon te katanoata nakon te utu:

“A katabeaki kaaro ao tiina bwa a na uaia ni ibuobuoki i marenaia bwa rao aika ti te arona ngaia.”

Ti te arona bon te taeka ae e kakawaki. …

Ngkana ti maiu ma matara aika ti teuana nakon mimitongin te Atua, ti ikarinerine ao ni boutokaira imarenara …

E a tia Tamara are i Karawa ni katauraoa te katanoata i aon te utu ni buokiira ni kairiira nakon Mweengana, ni buokiira n reiakinaki ao ni kaonaki n te tangira, te korakora, bukin rokora, ao te atatai ae akea tokina.