Te Tetere n Ingabongin te Kaonobong

Kabwarabwaraana

Te Rongorongo ae Kaeweaki

Iroun Beretitenti Dallin H. Oaks

Beretitenti n te Kooram n Abotoro n te Tengaun ma Uoman

alt text — Tienta ni Maungatabu, USA

Kaewea te PDF

Tariu ao mwaneu aika kam tangiraki, ti bootaki ngkai ao n taonaki n te nanokawaki ni maten ara Beretitenti ae tangiraki Russell M. Nelson. I taetae nakoimi bwa te Beretitenti n te Kooram n te Tengaun ma Uoman, te nakoa ae I a kaman tia ni kamatoaaki iai n tain nako taian maungatabu— n te uoote, te titeiki, ao te maungatabu ni kabuta—inanon te maan ae itua ao te iterana te ririki.

Ti a waaki nako ngkai ma te maungatabu ni kabuta te kauatai n te ririki, n aron are e baireaki ao ma taan taetae ao anene aika rineaki iroun Beretitenti Nelson inanon namwakaina ni katauraoi. …

… E noora kakawakin te maungatabu ni kabuta Beretitenti Nelson ibukin katauraoan kairakiia Aika Itiaki inanon namwakaina aika a na roko. Ti karinea man irakin babaire ibukin te maungatabu ake e a tia ni kariaiakaki. …

Au karine ae e uarereke—ae tau ibukin te maungatabu aei ao nakon taeka ni karinerine ake a tia ni kanakoaki—bon aei bwa I a tia n reiakina ae mwaiti iaon te euangkerio ao te kairiiri n te euangkerio man ara ikikina ae maan ao te reitaki ma Beretitenti Nelson nakon riki temanna ae I a tia ni kinaa raoi. Bon ngaia ae ti na katotoonga n riki bwa te toro ao te tia iriira te Uea Iesu Kristo.

“Tera te Bwai ae E a tia n Reireiniko Beretitenti Nelson Ae Bita Maium?”

“E reireinai bwa N na kabwarabure e ngae ngke e rang kangaanga. I inimaki bwa N na kabwara aia bure tabeman kain au utu ibukin bwaai ake a taekini. Ma imwiin ongoraau nakon ana maroro teuana Beretitenti Nelson, I a tibwa kona ni kabwara aia bure. E bon kaurei matau.”

Whitney L., 17, Texas, USA

“N tabetai I namakinna ae kaanga te Uea e kona ni mwaninga bwa antai ngai, ma Beretitenti Nelson e reireinai bwa te Uea e noriira ao e tabeakiniira ngaira ni kabane. Ti bane n iai oin te kantaninga ibukira.”

Nyah B., 15, Germany

“Ni kaona au iango n aika tamaroa, I kaota au tangira nakoia aomata nako n ai aron ana tangira Kristo, ni karimoa arou n riki bwa ana reirei, ao ni kateimatoa au iango n te taratara ae akea tokina.”

Jacob Z., 17, Morelos, Mexico

“I reiakina aron kakaawakin taian tembora. N taai ake I karaoa iai te babaire, I kataia ni kateimatoa te tembora n au iango. I karaoi bwaai nako ake I kona iai ni kateimatoai bwa N na tau, ibukina bwa I tangiria n tau.”

Elina S., 18, Thuringia, Germany

“Beretitenti Nelson e reireinai bwa ngkai ana reirei Iesu I riai n tainako ni kataia n riki bwa te tia raoi, ni bwaina riki te taotaonakinnano, ao n aki un ti ibukin te eti. Ngkai, I kataia n aki un.”

Laura J., 15, Brazil

“I kakaitau ngkai Beretitenti e boboto iaon taian tembora. Ngkai I moanibwaia te tembora, I a tia ni karikirakea au koaua, karekea te kaotioti, ao I tangiria riki n nanako iai. Rokou n te tembora e karekea te namakin ae korakora bwa Tamau are i Karawa e tangirai ao e tabeaianga ibukiu ao anne ae I rang n tangiria.”

Jarom P., 18, Arizona, USA

“‘Teuana te kawai ae moan te bebete ni kinakin te tia irira raoi Iesu Kristo bon aron te aomata anne n tabeakiniia aomata ake tabeman.’ Ngke I tataroakina ana taeka Beretitenti Nelson, I a kona ni buokiia raraou n namakina ana tangira te Tia Kamaiu.”

Brayden H. 18, Colorado, USA

“I rinanon te tai ae kangaanga are kaanga e rang korakora arona n teimatoa inanona. Iangoakina n te taratara n tamnei e kauringai bwa au kangaanga bon ti te tai ae uarereke. Anne ae rang buokai n rinanon te tai anne inanon maiu.”

Sophie A., 15, Arizona, USA

“E aki rangi n tamaroa rekerekeu ma tariu. Imwiin ana maroro Beretitenti Nelson ‘A Kainnanoaki Taan Raoi,’ I a kona ni kanakoa uniu. Ara reitaki e a rang n tamaroa riki ngkai.”

Roman D., 18, Oregon, USA