Ara Kaungaunga I Marenara Bwa Tina Waaki Nako

Ti kainnanoira ngaira bon i marenara. Te korakora ma i karawa e roko man te katiteuanaaki, ao anne bukina ngkai Tatan e iangoia bwa tina uamaenako.

Te kananokawaki, bwa tabeman mai buakora, kaean te taromauri e kona ni matoatoa n tabetai iaan bukina aika a kakaokoro. …

Bwaai ake ti rinanona n te ekaretia a bon nanonaki bwa a na katauraoi reitaki aika a kakawaki ma te Uea ao i marenara n ake a rang kainnanoaki ibukin aron maiura n tamnei, ao namakin n rabwata. …

Te tangira ao te nabenabe ae ai aron Kristo a rietata riki man mimitong. …

… Ngaira ni kabane bon mwakoron ana utu te Atua, ao E tangiriia ni kabane Natina. E tangiria bwa Natina a na tangiria ao n tangiriia naba imarenaia.

Maiun te Tia Kamaiu bon te katoto n te tangira, ikoikotaki, ao n kaungaia naake a tia ni motikaki taekaia bwa ana katinanikuaki ao aki itiaki irouia te bontanaomata. Bon ngaia te banna ni katoto are ti tuangaki bwa ti na iriia. …

E na iai te tai teuana inanon maiura n tatabemanira are tina kainnanoa iai te ibuobuoki ao te kaunganano. Tia motinnanoia ngkai bwa n tainako ti na karaoa anne bon imarenara. …

Nakoimi ngkami ake kam namakinna bwa kam tio i buki n te kabo n te maiu, te mwananga n te maiu aei, taiaoka teimatoa n reitinako. Bon ti te Tia Kamaiu ae kona ni motikia bwa kona mena ia n te tai aei, ao E nanoanga ao e momotiraoi. …

Kateimatoa matam iaon te Tia Kamaiu. Ngaia bon am kai te biti. Tai tannako mai i Rouna. I kakoaua bwa E maiu ao ko kona n onimakinna. I kakoaua naba bwa E tatakarua ni kaungako.