Te Tetere ni Bwakantain te Kaonobong
Akea Ae E Na Tekateka n Ti Ngaia
Te Rongorongo ae Kaeweaki
Aberika Maiaki
Estonia
N te kaikonaki are te I-Tamaria ae raoiroi, e kaoira Iesu n roko nakoia raoraora ao n nakon Ana auti n iruaa—Ana Ekaretia. …
N ana kairi te tamnei n te “ruu n te auti n iruaa” e raonaki ma “akea ae na tekateka n ti ngaia.” Ngkana ko roko n te umwantabu, ao ko nora temanna n ti ngaia, ko kona n taiaoka ni kangai mauri ao tekateka ma teuanne ke neienne? …
“Akea ae na tekateka n onoti” e nanonaki naba bwa akea ae na tekateka n onoti n te namakin ke n te maiu n tamnei. N te taina I mwananga ma te karo ae uruaki nanona ni kawara natina te mwaane. Ririki mai imwaina, e rangi ni kukurei te nati te mwaane n riki bwa te rikan ae boou. Kanoan te tai ae kakawaki anne, a kaboa ana moan kau ae e boou ana utu.
Ma n te taromauri, a ngareakinna raona n rikan ma ana kau. A boou a na kau, ma bon te katei rimoa. Ma te maamaa ao te uruaki n nano, e taekinna te rikan ae kairake bwa e na aki manga nako n taromauri. E taonaki nanou n te rawawata ibukina ao ana utu. …
N ana Ekaretia ae kaokaki, ti rangi n nakoraoi ngkana akea ae na tekateka n ti ngaia. Tina bon aki karaoa anne ke ni kariaia bwa e na riki. Ti a bubutimwaai ma te kokoaua, ni kinaiia, n ibuobuoki, n tangira. …
N te tai aei, a mwaiti aika a namakina te maroaa ao te katinanikuaki. …
A rangi ni mwaiti bukin ae ti namakina ae ti aki tau n te umwantabu—anne, taekan kabotauan, ae ti tekateka n ti ngaira. …
Motiaea 18:21 e kaoira bwa ti na booti nanora n te nano ae ti teuana i nanon te tangira. I kaoira bwa ti na kakerikaaka te raraoma, kauarerekea te motiki taeka, kakerikaaka imanonoakin temanna—ao, ngkana e kainanoaki, ni kauarerekea bukinakira i bon iroura. …
Kaainakin te berita ae tabu e nano ngkai ti roko i marenara ao nakon te Uea inanon Ana auti n iruwa. E kakabwaiaira ni kabane te Uea ngkana akea ae e na tekateka n ti ngaia.