Te Kataaki ao te Kakorakoraaki iroun Kristo

N taai ake ngkoa, I ukora te reiakinaki n te physics ao te numera n au tai n reirei. I namakina te bwarannano. … I a moanna n iangoia bwa N nang katokia, ni karaoa ae beebete riki.

I namakina te mamaara. Ngke I tataro, I namakina ana kakoaua te Uea. I namakinna bwa e taetae n au iango, “I a kataiko, ma I bon memena naba iroum.” …

I a taia bwa au inimaki ma te physics bon te bwaintangira mairoun te Uea. E reireinai bwa man Ana ibuobuoki, I kona ni karaoi bwaai ni kabane ake a tara ni kangaanga ngkana iai au onimaki bwa E na mena ikekei ni buokai. Rinanon te bwaintangira aei, e mwakuri te Uea ni kataai ao ni kakorakoraai.

Ngkana ko kan kata te mwakoro ni biti ko kaki n te tabo are kona katoka te rawawata i aona. … E aki anaaki korakoran te biti man te kataaki. Ni koauana, e a riki bwa te bwai ae kona n onimakinaki, te bwai ae tau korakorana ni uota te rawawata ae korakora. …

Ngkana ti reitinako n onimakina Iesu Kristo —riki ngkana ti namakinna bwa e kangaanga iroura n te tai anne—tina namakina te kakorakoraki riki n tamnei. …

Ibukin mimitongin Ana Mwakuri ni Kamaiu, e kona ni kakorakoraira Iesu Kristo inanon ara tai ni kataaki. …

…E kona ni karaurau n roko, rinanon kangaanga n te maiu n utu. E kona n roko rinanon aoraki ke bwarannano ke nanokawaki ke n taai ni maroa.

I kaota au koaua bwa taai aikai bon tiaki kakoauana bwa e kitaniko te Uea. Ma, bon taian kakoaua bwa E tau ana tangira ibukim ni kaitiakiko ao ni kakorakorako. E kakorakorako bwa ko na kona ni uoti rawawata n te maiu are akea tokina.