Te Tetere ni Bwakantain te Tabati
Katokaa i aora Aran Iesu Kristo
Te Rongorongo ae Kaeweaki
Nigeria
Ti kona n noori nimaua angana aika tina karaoi ni katoka iaora aran Iesu Kristo. …
Te moan kawai bon kinaakira. … Ngkana ti katokaa i aora aran Iesu Kristo, ti katomaa arara ma Arana. Ti kina Arona. …
Koraki ni kaan bon kinaakira teuana—ururing. … Iroura, kanakin te toa ni katoa wiiki e buokiira n uringa Iesu Kristo inanon te wiiki. …
… E ngae ngkana ti tabe n bwaai tabeua, ti riai n teimatoa n iaiangoia, n ai aron ururingan oin arara, n aki tabe ma bwaai nako ake ti iangoi.
Mwiin bwaai aika a riki man uringakin bwaai ake e a tia ni karaoi ibukira te Tia Kamaiu bon te kateniua n kawai—katotongana. … Iroura, kinaakina riki ao uringan Iesu Kristo, bon mwaitin riki kan rikira n ai Arona. …
Katootongan Iesu Kristo e na kairiira nakon te kaaua ni kawai—kaetakira ma Ana kaantaninga. Raonakina inanon Ana mwakuri. …
… Karaoan bwaai aika aua aikai a kairiira nakon te kanimaua n kawai—te kakorakoraaki. Ti karekea mwaakan te Atua ao ana kakabwaia inanon maiura. …
Ngkai ti karaoi tabeua riki beita aika tabu ma te Atua, ti katoka i aora aran Iesu Kristo ae bwanin. N tokina, e na kakabwaiaira riki te Atua ni mwaakana. …
… Nakomai nakon Tamara are i Karawa. Katoka i aom aran Iesu Kristo. … Ko na riki bwa te tia bwaibwai i eta n abanuean Tamara are i Karawa, ao n-uaia n ababa ma Kristo, ara Tia Kamaiu ao Kabooi maiura ae tangiraki.