Katiteuanai Nanomi ma Iesu Kristo: Te Bwaintangira ae Tabu ae Anenen te Moanrinan

I a tia ni kunea te kimwareirei n reitakiu ma raora aika Itiaki rinanon tibwauaan taetaen anene aika tabu. Riki rinanon anene aika bebete man anenen te Moanrinan, e a tia te Tamnei ae Raoiroi bwa e na riinga nanou, n taetae nakoiu ni kawai aika riaon taian taeka. …

… Anenen te Moanrinan bon teuana mai buakon ana bwai ni mwakuri n tatangira te Atua n unikii atin te kakoaua i nanoia ana reirei te Tia Kamaiu aika uarereke. …

… A riki anene n taainako bwa kawai aika mwaakaroiroi man kakukurei ni buokiia ataei n reiakina taekan te euangkerio. A riki anenen te Moanrinan bwa ana moan taetae te teei, ibukina bwa mwaneweia aika beebete a buokiia n ota ao ni matatata ni koauan te euangkerio n arona n riinga te nano. …

A kona naba n riki anenen te Moanrinan bwa bwaai n ibuobuoki aika korakora n reiakini reirei. Tabeua anene a karakinii rongorongon maiun ao ana mwakuri te Tia Kamaiu. Tabeua a reiakina taekan Anuana, n ai aron Ana onimaki, Ana kaantaninga, ao Ana tangira ae kororaoi. Te kuna ae rang n tabu e kakoaua ana mwakuri ni Kamaiu Kristo ae akea tokina ao e buokiira n namakin ana tangira are e raanga man Ana anganano. …

Te kuna are ti reiakinna ngke ti uarereke e kona n tiku iroura—ao ni manga oki ni kairiira rimwi inanon maiura riki n tain karaoan rinerine, inanon kanganga, karawawata, ke kakukurei. …

Te Tamnei ae Raoiroi e kona ni kabonganai anenen n uniki koauan te euangkerio ae akea tokina inanoia ataei are a kona n rikirake ao n tiku n akea tokina. Ngkai a ikawai, a kona ataei rineia bwa a na kaboraoa nanoia ao maiuia ma Iesu Kristo man karaona ao ni kakaonimaki ni kawakin berita aika a tabu ma Ngaia. …

Raou aika tangiraki, I kakoaua bwa kunan te Moanrinan a reiakinii koaua aika akea tokiia ao reirei aika kairiira nakon Iesu Kristo ao ana Euangkerio.