A Kabwaia Taan Raoi

E Otinako Iesu man te Ruanimate, iroun Dan Burr

Ti a tarai riki taabo aika teniua ike e karaoa iai te raoi te Aomata ae Itiaki n Boong aika Kaitira.

Te moan bwai bon mai i nanora. …

Ana euangkerio Iesu Krsito e ribanai ao e rarangai taian anua n tamnei aikai, n raonaki ma karaoan te raoi, nako nanora, n kakabwaiaira n te maiu aei ao are imwiina.

Te kauoua, karaoan te raoi i nanon mweengara n kabonganaan Ana banna te Uea n katamaroa ara reitaki n tatabemaniira nako: te anainano, te korakai ae maan, te aamarau, te aakoi, te nanorinano, ao te tangira ae aki kewe. …

… Te riki bwa taan raoi, ti kabwarai aia bure tabeman ao man buokiia ma tiaki n ae ti na aki kubariia.

Te kateniua, karaoan te raoi i nanon ara komiuniti. …

… Inanon ara bobotaki ke ara komiunitii, ti bia konaa n nooriira n tatabemaniira nako bwa ngaira natin te Atua.

Ni kauarerekeana, I anga te kakao. … Ko kona n iangoa te teuana-ni-wiiki, ni bairea teniua te mwaneka n riki bwa te tia raoi?

1. Te mweenga ae akea iai te kauntaeka: Ngkana e moanaki te kakauntaeka, tei moa ao kauringko man taeka ao mwakuri aika a raraoi.

2. Katean te buriiti i aon bwaai n reitaki: Imwaain ae ko katokatoka, ko kaeka, ke ni koroboki i aonraain titirakiniko moa, Aio e buoka katean te buriiti? Ngkana e aki, katokia. Tai kanakoa. Onea mwiina, tibwai baika a tamaroa. Korea taekan te raoi n onea mwiin te riribai.

3. Kanakoraoa ao kateimatoa te reitaki: Kaain te utu n tatabemaniia a kona n ukora te reitaki ae iraorao bwa e aonga n reke te kabwarabure, te ibuobuoki, karekean te rau, ao te katiteuanaaki. …

Karekean te raoi bon anuan Kristo. …

Ti kakoroi nanon mwiokoara mai karawa ngkai ngaira natin Tamara are I-karawa n rki bwa taan raoi.