Ana Euangkerio Iesu Kristo ae Boboto Iaon te Utu

E boboto Ana Reirei ana Ekaretia Iesu Kristo Ibukiia Aika Itiaki ni Boong Aika Kaitira iaon te utu. …

E ngae ngke anne kanoan te reirei, ma bon iai naba kaitaraana…

Te kerikaaki n mwaitin te mare ao te bung ae e riki ti mataata iai n aron rongorongo aika a tia n riiriki, ma aroia ma aia mwakuri Aika Itiaki n Boong aika Kaitira a riai n tamaroa—n aki irii—waaki aika iriiraki. …

N aia kairiri kaaro a tabe n mauna nako, Aika Itiaki n Boong aika Kaitira a teimatoa n iai mwiokoaia ake mai iroun te Atua n reireiniia natiia bwa a na tauraoi n toua kawain te utu n okira karawa (taraa Reirei ao Berita aika Tabu 68:25). …

Ara Tia Kamaiu Iesu Kristo bon ngaia ara banna n kakairi ae moa n bwai. … Ririmwiian Kristo ao ara tauraoi n beku ibukiia n tatabemaniia nako bon te kawai n totokoa te maiu n ti iangoiko ao tabeakiniko n kakaokoroaki are kanga e a rang kabuta arona ngkai.

Kaaro iai naba mwiokoaia n reiakiniia natiia rabakau riki tabeua irarikin ae reirein te euangkerio. …

… A nakoraoi utu ngkana a reirei n te kurubu ao a ikotaki n reiakiniia natiia rabakau ake a kaineti ma te utu ao kaina. …

Kakabwaia aika korakora a roko nakoia utu ngkana a booti nanoia n tataro, n katorobubua n te tairiki ao te ingabong n anga kakaaitau ibukin kakabwaia ao n tataro ibukin tabeainga ake a aitara ma ngaai. A kakabwaiaaki naba utu ngkai a uaia n nebo n bootaki n taromauri ao bootaki n taromauri tabeua. A Kamatoaki reitakin te utu man karakin te utu, karioan katein ma kinakin te utu, ao tibwauaan namakin aika tabu. …

“I kakoaua te Uea Iesu Kristo, ae Ngaia te Rikitemanna iroun te Atua Tamara ae Akea Tokina. E anoira bwa ti na toua kawain te berita ake ena kairiira nakon te ikotaki ma ara utu i karawa.