Nakomai, Iriirai
Reirei ao Berita aika Tabu 71; 77; 82
Kaubwai aika a Karabaaki
Kamatebwaia raoi riki koroboki aika tabu.
E na kamangaoaki ara kairiribati te Uea n bon oin Ana tai.
E na bon kamangaoaki ara kairiribai.
Nanon ae “kamangaoaki” temanna bon karaoan nakoina bwa e na e na mangao ana iango, kubanako, konaaki, kamaemaeaki, maaku, ke ni karekea te raraoma nakoia.
Ma ngaia are ngke e tuanga Iotebwa Timiti te Uea bwa “ngkana iai te aomata ae e tabeka bwanaana ni kaitarako e na kainaki wiina n oin au tai” (Reirei ao Berita aika Tabu 71:10; e katuruturuaki), E berita bwa aomata ake a kaitaraa te euangkerio a na karekei buakakan mwiin aia rinerine n te bong teuana.
“Nanon “ni bon oin au tai” bwa bon iai Ana tai te Uea i bon Irouna. Ti riai ni kariaia bwa a mwaiti aomata aika a na aki bukinaki ibukin aia mwakuri n te tai naba anne—ao e Raoiroi anne. Ti riai n onimakina te Uea ma ana tai.
Eng, ti riai n tei ibukin te koaua. Ma ngkana ti karaoa anne, ti riai n rangi ni karinerine nakon aia koaua tabeman ao inaomataia n aki rinea te euangkerio.
Tai raraoma ibukiia aomata ake a tia ni kataua bwa a na kabuakaaka ao ni kataorikaaka te Ekaretia, ake a kukurei ni kewe ao n rairabuaka taekan ara koaua nako. Katikua nakon te Uea. E na kamangaoiia ao n anganiia aia tai n reiakinaki ao ni bitaki—i nanon taina.
N ai arora, maan bon mai karawa aika a tabeakinaki ke ni mutiakinaki iroun Tamara are i Karawa.
Raoraora aika maan a bon karikaki naba mairoun Tamara are i Karawa.
E kona n taraa n ae tiaki te oi ni bwai taekana, ma iai te bwai ae kamiimi ni koaua ae kaotaki i nanon Reirei ao Berita aika Tabu 77: Iai naba tamneia maan!
Aio te bwai teuana ae bati ni kakoauaaki irouia aomata aika a mwaiti—e namakinaki bwa e koaua—e ngae ngke e aki rangi ni kaotaki raoi taekana n te Baibara ao Ana Boki Moomon. E a katanoata ngkai te Uea n akea te nanououa iai.
N ai aroia aomata, “maan” ao “maan aika kawakawa, ao “manin karawa” a bon moan karikaki moa. Rabwataia n taamnei, n ai arora, a bon katotoonga aron tein rabwataia. Ao ngaiia, ai arora, a na kukurei “n aron karikaia mai karawa”—kukurei ao ni kimwareirei n rabwataia are e na manga kautaki. (Taraa Reirei ao Berita aika Tabu 77:2–3.)
Ti ataia bwa e karikiia maan Tamara are i Karawa, e anganiira te mwiokoaki i aoia ni kabaneia, ao n tangiriira bwa ti na karaoa ae raoiroi nakoia. N ai arora, maan naba a na bon akea tokiia naba ake a mutiakinaki iroun Tamara are i Karawa.
Kabonganaa raoi taian kakabwaia ake ko karekei.
Te iango are ma te mwaaka ae korakora e reke iai te mwiokoaki ae korakora ae aki moan riki ma aomata aika a kamoamoaaki. E katerea te taratara ae ai aron anne te Tia Kamaiu ngke E tuanga te Burabeti Iotebwa Timiti: “Bwa nakon are e mwaiti ae e anganaki e mwaiti ae na kainanoaki mairouna” (Reirei ao Berita aika Tabu 82:3).
A roko ara taarena, bwain tituaraoi, ao kakabwaia mairoun te Uea. Bon te iango ae aki raoiroi karekeaia n aki akaaka. Ngkana e kakabwaiako te Uea ma te iango ae mataata ao bwaruan te ataibwai, ma ko kabanebuakaa am tai n te reirei ao n aki tabeakina karekean am bwii ae tamaroa, ngkanne ko aki kabonganaa raoi bwaai n tiruaraoi ake iroum. E koaua anne ibukin temanna ae marurung rabwatana ni korakora are e kabongana korakorana ni kamwinibaeia tabeman, ke te aomata ae kakabwaiaaki n reken irouna te nano ae tamaroa are e kabonganaa buaka ni kamangoriia aomata (a mwaiti mai buakora ae a kainnanoia ni mwakuriia anne irouia).
E tangirira te Uea bwa ti na karaoa ara kabanea n tamaroa—ao anne e kabotauaki ma ara konabwai, ma tiaki, irouia aomata tabeman. E bon nakon te rabakau are ti taekinna, am “kabanea n tamaroa” tao e raoiroi riki ke ni buakaka riki nakon ana “kabanea n tamaroa te aomata temanna.” Ao e raoiroi anne! Kakaaitau ibukin korakoram ao nanorinano ibukin mamaaram nako, ao angan te Uea bwa e na buokiko bwa ko na roko n am kabanea n tamaroa.