Tibwauaan te Euangkerio … n te Tabo n Takakaro?

N te tai ae nako ao I nakon te tabo n takakaro teuana ma raoraou tabeman man te ekaretia. Ngke I tataninga n te rain ibukin te rollercoaster ma raoraou ae Evie, te ataeinimwaane ae arana Erik e a maroroakina taekan ana YouTube channel nakoira. E taetae tao inanon 15 te miniti iaon aroia aomata tabeman n ana reirei ake a bwainingareia ao n tuanga bwa e na kamauna ana channel.

N te taromauri, ara taan kairiiri aki toki n kakaewenakoira bwa ti na uota te kairi ibukin Kakorakoraia Te Roronrikirake ao n tibwauaia ma temanna. E tara n ae Erik e rawawata irouia raoraona, ngaia are I a iangoia bwa tao te kairi aio e na kona ni buokia.

I anganna ao I tuanga bwa e na kawakinna. E titiraki bwa tera, ao I kabwarabwara bwa bwain au Ekaretia ao e kona n buokia ni karaoi babaire aika a raraoi ao n reiakin bwaai aika a tamaroa. I tuanga bwa e na warekia ngkana e reke ana tai. E kariaia, ao e karinna n buan ana kawaerake, ao e reitinako n maroroakina ana YouTube channel.

I aki ataia bwa e wareka te kairi arei ke e aki, ma I ataia bwa te taneiai aio e reireinai bwa ti kona n riki bwa mitinare n rooro nako, n taabo nako—ao n taabo naba n takakaro.