Te Auti ae Uarereke, Babaire aika a Bubura

Kamataata n te tamnei iroun Katelyn Budge

A maeka au utu ngkoa n te auti ae bubura, ma a bane n bitaki bwaai ni kabane ngke ti a mwaing nako Hanoi. Ti a maeka n te auti ae uarereke, tao 30 te tikuea miita buburana. E bon kangaanga te maeka n te auti ae uarereke ma teniman riki aomata n ara utu.

Ma I kakaitau bwa e kona te Atua n karikii bwaai aika a tamaroa man aroaro nako. Inanon te tai anne, I riki bwa te tia raitaeka n te ekaretia ao ibukiia au karo. I kona n tataro ni katoa bong, I kabuta te toa, ao I butimwaiia aomata ake a tibwa kamatebwaia te euangkerio. I ataia bwa e a tia ni kakabwaiaai te Atua ao ni kairai nakon karaoakin bwaai aikai.

Inanon te rawawata n te tai anne, au onimaki e rikirake n korakora n te bong koraki. A mwaiti aomata ake a tuai n ataa te euangkerio i abau, ngaia are ai ngai te bwaeonia ae ataei. Iai nanou n tibwauaa ana euangkerio Iesu Kristo ma aomata n buokiia ni karekea te maiu ae kakukurei ae akea tokina ma Iesu Kristo ao Tamara are i Karawa.