Imwiin te Maiu Aei
Kaeka nakon Titiraki Tabeua
Ana babaire Tamara are i Karawa e kona n anganiira te nonoori ao te rau ibukin te maiu i mwiin te mate.
Kamataata n te tamnei iroun Thomas Arnaud
Tera ae na riki i mwin matera?
Tao bon aio te titiraki inanon taian aro ni kabaneia. A mwakaroiroi taian kaeka ake a reke iroura rinanon Iesu Kristo ao Ana Euangkerio. Bon tiaki aio te toki. Ibukina bwa e a tia ni manga uti Iesu Kristo, a na manga bootaki tamneira ma rabwatara, ao ti na manga kautaki n te bong teuana.
Eng, e na bon iai riki taian rongorongo ibukin te maiu i mwiin te mate aika a roko nakoira rinanon kaotioti ni boong aikai ake a kona ni kaekai titiraki tabeua ake iai iroura. Aikai tabeua titiraki akane, ni ikotaki ma tabeua kaeka aika a kimototo.
Tera aekakin tein rabwata aika tamnei?
Tamnei bon tein te bwai, ma “e tamaroa riki ke e itiaki riki” (Reirei ao Berita aika Tabu 131:7). Rabwata aika tamnei kanga ai aekakin rabwataia aomata aika a ikawai.
E mena n te tabo raa te aonaaba n tamnei?
Tera ae waakinaki n te aonaaba n tamnei?
Ibuakon bwaai tabeua, tamnei ake a tia ni butimwaea te euangkerio a baaireaki bwa a na taetaekina te euangkerio nakoia tamnei ake a tuai butimwaea te euangkerio. A kona tamnei akanne n rineia bwa a na butimwaeia ke a na totokoia.
Tera aekakin tein rabwata aika a tia ni manga kautaki?
A bon aki kona ni mate rabwata aika a tia ni manga kautaki, bon iriko ao rii, ao a kororaoi. A mimitong ao a tamaroa. “Bon akea te bwai ae tamaroa riki ae na taraaki nakon te mwaane ke te aine ae e a tia ni manga kautaki.”
Tera baika a riki n te aba n Uea ae te ae Tiretio?
Te koraki ake n te kabanea n rietaata n tabo n te aba n Uea ae Tiretio a riki n ai aron Tamara are i Karawa… ao n rinanon te kimwareirei ae tabwanin raoi. A karekei ni kabane bwaai ake iroun te Tama. A kaaina Ana mwakuri ao mimitongina. A kabaeaki n te mare ibukin te tai ae akea tokina ao ni maeka ngkai n aia utu ae akea tokina, karekei irouiia natiia aika tamnei.
Tera aroia aomata ake a aki iein n te maiu aei?
E momotiraoi ao n nanoanga Tamara are i Karawa. “E a tia te Uea ni berita bwa te maiu ae akea tokina a na akea te kakabwaia ae na kakeaaki nakoia natina mwaane ao aine aika kawakin tuua, a kokoaua nakon aia berita aika tabu, ao n tangira te bwai ae raoiroi.”
A kabaeaki n te tembora au karo, ma a raure ngkai. Antai ae I kabaeaki nakoia?
Tao ko a tia n “bungiaki n te berita ae tabu” (anne are, ko bungiaki imwiin kabaeakia am karo n te tembora), ke ko a tia ni kabaeaki nakoia am karo n te tembora imwiin kabaeakiia i bon irouia. N aron akanne, e teimatoa n tiku n arona am kakabwaia e ngae ngke a tia ni baireia am karo bwa a na raure ao ni kamaunaa kabaeakia.
E aki roota am kakabwaia aia rinerine am karo. Te bwai ae kakaawaki iroum bwa ko teimatoa ni kakaonimaki ao n ukorii taian kakabwaia man te tembora i bon iroum. N irekereke ma aia reitaki am utu, ko riai n “onimaki iroun te Uea ao n ukora Ana rau,” n ataakina bwa “E na kakoaua raoi Tamara are i Karawa bwa a na karekei kakabwaia ni kabane are e tangiria mai nanoia teuanne ke neienne ao are a nako man aia rinerine.
Tera ae riki nakoia aomata ake a mate man te bakabure?
Ti aki ataia bwa tera ae riki nakoia aomata ake a mate man te bakabure, ao ti aki kona ni motika taekaia (n ai aroia naba aomata, kabaneia). “N aki tarai aia konabwai aika a raraoi ara utu aika tangiraki, taan kairiiri, ao aomata aika a rabakau, te bakabure e aki kona n totokoaki n taainako. …
“E aki eti iroun te aomata bwa e na anaa oin maiuna teuanne ke neienne. Ma, bon tii te Atua ae kona ni motika taekan ana iango te aomata, ana mwakuri, ao arona ni bukintaeka (taraa 1 Tamuera 16:7; Reirei ao Berita aika Tabu 137:9). …
Naake a tia ni bua aia utu ae tangiraki irouia man te bakabure a kona ni kunea te kantaninga ao te kamaiuaki iroun Iesu Kristo ao Ana Mwakuri ni Kamaiu.”