Onimakina te Uea

Kamataatan te tamnei iroun Katelyn Budge

Ngke a moan reireia au utu mitinare aine taekan te babaire ni kamaiu imwiin maten tamau, tabetai ao e roko irou te raraoma ao n aki ataia raoi bwa e bon koaua. Ma a rangi n rau mwaaneu ao a buokai ni kakoauaa ao n aki rangi ni kabatiaa iangoan bwaai ni kabane.

N tabetai ao I aki rangi ni korakora n te Ekaretia. Ma ngkana iai te bwai ae I raraoma iai ke te kangaanga ae I kaitaraa, I tabe ni iaiangoa te bwai teuana: Onimakina te Uea. E kairai nakon te tabo ae I riai ni mena iai.

Anne bukina ae I tangiria n nako ni mitinare—bwa N na ota i Rouna riki ao n ataia bwa tera ae E tangirai bwa N na karaoia. Ngkana I nooria mitinare ao aroia ae tamaroa, I tangiria n riki n ai aroia. Bon banna ni katooto aika a tamaroa ngaiia aika a na reirei Iesu Kristo. Ibukin aia banna ni katooto, I rangi n tangiria n nako ni mitinare ngkana e bane au tai man te reirei. I tangiria n anga te kukurei ao te ataibwai ae iai irou nakoia raoraou ao temwangina.