Te Tetere n Ingabongin te Tabati
Te Bwaintituaraoi mai Karawa ae Korakora: Ana Mwakuri ni Kamaiu Iesu Kristo, Te Mangauti, Kaokan Bwaai
Te Rongorongo ae Kaeweaki
N ririki aika bwakanako, ti kakamatenanoi kiibu man te Baibara. E anaaki riki nanou nakon kiibu aika a uarereeke. N aron Ioane 11:35—te kabanea n uarereke ni kibu n te Baibara, ti uoua taeka iai—“Tang Iesu.”
Irou ngkai, bwa tangin iesu ma te rawawata ao te kimwareirei e kaota raoi te kakai: e roko n rabwata natin te Atua nakon te aonaaba ao n reirei ni kaineti ma te maiu n rabwata n arona n taainako n roko ao ni kakabwaiaiara.
Ngkana ti takarua n tang n korakai ke ni kimwareirei, e ota ni koaua iai Iesu Kristo. E kona ni kaoti n taai ake ti rangi ni kainnanoa iai bwaaintituaraoi aika a korakora mai karawa: Ana Mwakuri ni Kamaiu Iesu Kristo, Te Mangauti, kaokan Bwaai. …
E kona te mangauti ni karekea nakoira namakinan ana kariaia te Atua. E tuangira te aonaaba aio tiaki rang toamaiu n arora nako —tiaki rang wanawana, tikiraoi, ke arora n tamnei ae bon tau. Rinanon te bitaki n tamnei iroun Iesu Kristo, ti kona n tokanikai man aki kororaoi akanne iroun Iesu Kristo. …
Ana babaire te Atua ibukin te riai ao te inaomata ni karaoan ae riai e anganiira bwa ti na reiakinaki man waaki ake ti rinanona. … Inanon te tangira, e ruo rikaaki ao ni waerake Iesu Kristo i aon bwaai ni kabane. E kimwareirei ni korakorara mai karawa ibukin te kakammwakuri ao kakukurei, te akoi n akea kantaningaan te kaniwanga, te onimaki nakon te rairannano ao kabwaraan bure. Ao e tang n rawawata ni korakoran korakaira ngaira aomata, iowawa, aki riai— are e reke man te rinerine n aomata—n arona naba mai karawa ao mairoun te Atua ma ngaiia. …
Aio te Mangauti iroun Iesu Kristo: E katoka takan te nano ao titiraki mai nanora. E kaoi rannimatara, ma tiaki rannimata ni kimwareirei.