Te Tetere ni Bwakantain te Tabati
Karineakin Bwaai aika Tabu
Te Rongorongo ae Kaeweaki
Ngkai ana reirei Iesu ngaira, ti kaoaki bwa ti na karikirakea te bwaintituaraoi ae te karinerine inanon maiura bwa ti aonga n kauki nanora nakon te reitaki ae nano ma te Atua ao Natina, Iesu Kristo, ao ai arona naba ma kakorakoraan anuara n tamnei. Ngke iai inanora aekaki n namakin aikai, e na bon iai te kimwareirei ao te kukurei ae korakora inanon maiura, ao e na uarereke nnen te rawawata ma te nanokawaki. …
Te kangaanga bwa, ti maeka n te aonaaba ae kaotan karineakin bwaaai aika tabu e a moanna n aki kakaraoaki. …
Kakeaan karinean bwaai aika tabu e karikirakea kakoroan nanon te tia kakaitara n urua reitakira ni karekei kaotioti, aika kakawaki ibukin maiu tamneira inanon maiura. …
Tariu ma mwaneu, karineakin bwaai aika tabu e karikirakea te kakaitau ni koaua, karababa te kukurei ni koaua, kairii ara iango nakon kaotioti, ao n uota te kimwareirei ae korakora nakon maiura. E katikui waera n tabo aika tabu ao n tabekirake nanora nakon te Atua.
I kakoauaa nakoimi bwa ngkana ti kekeiaki n anai aekaki n anua aika inanon maiura, ti na kona ni karikirkea te nanorinano, karababa ara atatai iaon nanon te Atua ibukira, ao ni kakorakora ara onimaki n bwaai ake a beritanaki n berita aika tabu ake ti karoai ma te Uea. I kakoaua bwa ngkana ti butimwaea te bwaintituaraoi ae karineakin bwaai aika tabu—tao n maungan ana auti te Uea, n te autinibootaki, ke n oin mweengara—ti na kona n kaonaki n te miimi ae akea kabotauana ao n kubanako n reitakira ma ana tangira ae kororaoi Tamara are i Karawa ma Iesu Kristo.