Te Tetere ni Moaningabongin te Kaonobong
Bwaai Aika Ti Noori Imatara
Te Rongorongo ae Kaeweaki
Ti kukurei ngkai ti maeka iaon te aba n tain rikiraken kaain te Ekaretia ao te anainano, ma ae kakawaki riki bon inanoia ao maiuia membwa. …
N te bong aei iai 367 mwaitin ana tembora te Ekaretia aika baireaki, aika a kateaki, ke aika a bon mwakuri ngkai. … Tariu ao mwaaneu, ti kawaekoa arora n riki n tabu ngkai maiura a tau ibukin te tembora, ngkai ti nebonebo n ana auti te Uea, ao ngkai ti karaoi berita aika tabu ma te Atua ibon ibukira ao n tei ibukiia ara bakatibu ake ni iteran te rabuna are teiterana. …
Ti nooria bwa e kawaekoa Ana mwakuri te Uea inanon taian mition. … Ae riaon riki te mwaiti, tamnein te ikoikotaki bon uotakiia aomata nakon Iesu Kristo ao Ana euangkerio. …
Ti noora te Uea ngke e kawaekoa ni karekei taai n reirei ibukiia ara membwa ao naake tiaki naba kaain ara aro ni kabuta te aonaaba. …
N te tai aei e riaon 800,000 mwaitiia ataein te reirei ni kabuta te aonaaba ake a kabaei araia n te tieminari ao n te intitute, te kabanea ni bubura ni ware inanon rongorongon te Ekaretia. …
Te tabo riki teuana are e kaota aron rikiraken te reirei n te Ekaretia bon te BYU–Pathway n te aonaaba ni kabutaa. … Ngkana a bane am kooti nanona bon reken te mwakuri, ao reken te mwakuri nanona bon nakoraoin te maiu ibukiia utu ao tibwanga riki tabeua ni beku ibukin te Uea. …
I ataia bwa ribuakon rongorongon te euangkerio ae raoiroi, iai koraki ake a korakai, ake a kataaki aia onimaki, a nanououa, ao aia titiraki ake a taraa n tuai ni kaekaaki. Tariu ao Mwaneu, Iesu Kristo bon te kaeka. Waaki ma Ngaia. Noora Baina ni mwakuri inanon maium. Ongo Irouna. …
Ataia bwa E ota.