“Kaaniai”

Iai taai aika ti namakinna bwa ti kaan ma ara Tia Kamaiu Iesu Kristo. Irarikin anne, n tabetai inanon katakira n te maiu aei, ti namakina ae ti raroanako mai Irouna ao ti tangira kakoauakina bwa E atai baike a mena inanora ao n tangiriira n tatabemaniira nako. …

E tangiriira Iesu Kristo n tatabemanira nako. E anganiira te tai ni kaniira riki Nakoina. N aron te rao ae tatangira, ko na karaoa naba ae aiaron anne, ni marooro rinanon te tataro, nakon Tamara are i Karawa n te tataro n aran Iesu Kristo, ongoraa nakon kairi mairoun te Tamnei ae Raoiroi, ao imwina ni beku ma te kukurei ibukiia tabeman ibukin te Tia Kamaiu. …

Ai aroia Ana reirei aika tangiraki, natin Tamara are i Karawa ake a rineia bwa na rin ni mataroan te bwabetito a kabaeaki bwa na riki bwa taan kaotioti ibukin te Tia Kamaiu ao n tabeakiniia naake a kainanoa buokaia inanon maiuia. …

Ngkana ko kakaonimaki nakon taian berita aikai, ko na kunea bwa e na memena iroum te Uea, ao ni kabebetea uotam. Kona rikirake ni kina te Tia Kamaiu, ao inanon te tai ko na riki n ai Arona ao “ni kororaoi iroun Kristo.” Man buokakiia aomata ibukin te Tia Kamaiu, ko na kunea bwa ko a kaaniaki ma Ngaia. …

Ngkana ko buokia ake kainano, e na kamatoako mwaakan te Uea. E tangaina baina n raoniko n buokiia ao ni kakabwaiaia natin Tamara are i Karawa.

Ana toro n te berita Iesu Kristo a na karekea ana Kairiiri mai iroun te Tamnei ngkai a kakabwaiaia ao ni beku ibukia aomata Ibukina. Imwina a na namakina ana tangira te Tia Kamaiu ao ni kunea te kimwareirei ngkai a kaaniaki riki ma Ngaia.