Te Tetere ni Bwakantain te Kaonobong
“Ane a Na Ataingkami Aomata ni Kabaneia Ba Au Reirei Ngkami”
Te Rongorongo ae Kaeweaki
“Kam na itangitangiri,” E taku Iesu. “Ane a Na Ataingkami Aomata ni Kabaneia Ba Au Reirei Ngkami” N tainako, ana moan kakoaua te aomata iroun Iesu Kristo e reke ngke e namakina te tangira neienne ibuakoia ana reirei Iesu Kristo. …
Ngkana iai ae ukora te onimaki ae korakora riki iroun Kristo ke te reitaki ae kaan riki nakon te Atua e riai n namakinna ae mena ni mweengana n Ana Ekaretia Iesu Kristo ibukiia Aika Itiaki ni Boong aika Kaitira. …
Ngaia ae, ngkai ti kekeiaki n irii ana kainibaire te Uea aika rietaata, ti riai naba ni bwaina te taotaonaki n nano imarenara. …
… N riki n ti teuana nanora, ti riai n ukora naano aika itiaki ake a kainnanoa te te nano ae korakora bitakina.
Ma e aki nanonaki anne ni bita nanou ni katiteboa ma are iroum. Ke e nanonaki ni bita nanom ni katiteboa ma are irou. E nanonaki n ae ti bane ni bitii nanora bwa a na titebo ma te Tia Kamaiu. …
Ao ngkana ko namakinna ae ko aki tau nako iai, taiaoka n ataia bwa iai raom n taainako. …
… Ti katiteuanaki tiaki ibukin te tabo are ti a tia ni mena iai ma ae ti kataia n nako iai, tiaki ibukina bwa antai ngaira ma ae ti ukoria n riki nako iai.
Anne raoi bon Ana Ekaretia ni koaua Kristo. …
Ao e na kanga arom ngkana ko kaokoro ma aomata ake irarikim? Anne e aki karikiko bwa ko na aki tau—e karikiko bwa mwakoron rabwatan Kristo ae kainnanoaki. …
Tiaki nanona bwa am mwakuri ko na bitiia aomata ni kabane bwa a na katotongko. Ma e nanonaki bwa iai te bwai ae kakawaki ae ko na anga—ao iai te bwai ae kakawaki ae ko na reiakinna!