Te Tetere ni Bwakantain te Kaonobong
Te Kariaiakaki mai Karawa, Ataeinimwaane aika Rianako Kakatekeia
Te Rongorongo ae Kaeweaki
N Tianuare, ngke I tekateka n tain bootakin te toa, e raka iaon tengaun ma uoman ataeinimwaane ake a kamatoaki bwa a na karekea te Nakoanibonga ae te Aaron. I namakina bwa ea bitaki te aonaaba inanon ara tai.
E roko irou bwa ni kabuta te aonaaba, tain te tioun teuana ma teuana, ni bootakin te toa n aron ane teuana anne, tebwina te nga riikan, taan reirei, ao ibonga … a kamatoaki nakon te beku n te nakoanibonga inanon maiuia are e na reitinako ao n tabangaki n tain ikotaia Iteraera. …
Katabu aikai e uotiia ataeinimwaane aikai nakon te beku inanon maiua ngkai a na kunea bwa n taai ao taabo aika a kakaokoro e na rangi ni korakora kainanoaia ao aia tataro ao mwaakan te nakoanibonga are e a reke irouia. …
Ngkai te Uea e anganiia naake iai rouia te nakoanibonga ae te Aaron bwa a na karaoa ae bon aekakin are a karaoaki n taai akekei: n reirei ao ni karaoi otenanti—ni kabane ni kauringiira n Ana Mwakuri ni Kamaiu.
Ngkana a ibuobuoki riikan, taan reirei, ao ibonga ma te toa, a karekei kakabwaia mai iai n ai aroia aomata nako: man kawakinan te berita are a karaoia ngkai aana te kariki ma te ran. Ma man karaoan tibwanga aika a tabu aikai, a bon reiakin naba nakoaia n aia nakoanibonga. …
Kantaninga aikai a kainnanoa te katauraoi ae nanonaki raoi. …
I aki toki ni kakaitau bwa naake a taua te nakoanibonga ae te Aaron, ma mwaakana, otenanti, ao nakoa, a kakabwaiaira ngaira ni kabane rinanon kingin aia ibuobuoki anera, ao te euangkerio n rairannano, ao te bwabetito man te kateboaki n te ran ibukin kabwaraan bure” (Reirei ao Berita aika Tabu 13:1).